Simoore As-Saffat pdf Wolof

PDF —

182 Aaya Meccan PDF

Built right in your browser — download starts automatically

Simoore As-Saffat pdf — Wàcce (Wolof)

Simoore As-Saffat pdf Wolof — Wàcce Simoore As-Saffat Tekki. Simoore As-Saffat (Meccan) 182 Aaya.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Simoore As-Saffat

182 Aaya · Meccan · Wolof

ﭑﭒﭓ

37:1 [Maa ngi] giñ ci [Malaaka] ya sësëloo, def ay sàppe.

ﭔﭕﭖ

37:2 Ñay bëmëg niir yaak doole.

ﭗﭘﭙ

37:3 Ñay jàng ngir fàttali :

ﭚﭛﭜﭝ

37:4 “Ne seen Yàlla jenn la tigi,

ﭞﭟﭠﭡﭢﭣﭤﭥ

37:5 mooy Boroom asamaan yeek suuf si ak li nekk seen diggante tey Boroom penku yi”.

ﭦﭧﭨﭩﭪﭫﭬ

37:6 Taaralal Nanu asamaan si gën a jexe àddina si ci taarub ay bidiw,

ﭭﭮﭯﭰﭱﭲ

37:7 def ca kaaraange ci sépp séytaane suy féttérlu.

ﭳﭴﭵﭶﭷﭸﭹﭺﭻﭼ

37:8 Duñu mën yëddu waa péey ba gën a kawe ; te dañu leen fay mbàqe wet gu nekk,

ﭽﭾﭿﮀﮁﮂ

37:9 dàqe leen fa. Ñu am mbugal muy sax.

ﮃﮄﮅﮆﮇﮈﮉﮊ

37:10 Xanaa rekk léeg-léeg mu am ñu cay sàcc ay xibaar ; ñu di ko dàq ak jumu safara buy bënn.

ﮋﮌﮍﮎﮏﮐﮑﮒﮓﮔﮕﮖﮗﮘ

37:11 Laajleen baxam dañoo gën a jafe bind ñeneen ña Nu bind ? Noo ngi leen binde ci ban bu tikk !

ﮙﮚﮛﮜ

37:12 Yaw waaru nga, te ñoom ña ngay tejjiy reetaan !

ﮝﮞﮟﮠﮡ

37:13 Te bu ñu leen di fàttali, duñu fàttaliku [Alxuraan] ;

ﮢﮣﮤﮥﮦ

37:14 dañuy wàkkante ak a reetaan [saa su ñu gisee keemaan],

ﮧﮨﮩﮪﮫﮬﮭ

37:15 tey wax naan : “Lii dey ag njabar doŋŋ la.

ﮮﮯﮰﮱﯓﯔﯕﯖ

37:16 Moo ndax su nu faatoo ba def suuf ak i yax, dees nanu dekkalaat ?

ﯗﯘﯙ

37:17 ak sunuy baay ak i maamaat ? ”

ﯚﯛﯜﯝﯞ

37:18 Neel : “Waaw ! te dangeen torox de”.

ﯟﯠﯡﯢﯣﯤﯥﯦ

37:19 Genn ug xaacu rekk ay jib, ñu ne xewwu di xoolante (dekki),

ﯧﯨﯩﯪﯫﯬ

37:20 ñuy wax naan : “Ngalla nun ! Bis-pénc baa ngi nii waay”.

ﯭﯮﯯﯰﯱﯲﯳﯴ

37:21 “Lii mooy bisub àtte ba ngeen jàppe woon ay fen, weddi ko”.

ﯵﯶﯷﯸﯹﯺﯻﯼﯽ

37:22 “Dajaleleen tooñkat ya ak seeni jabar ak la ñu daan jaamu,

ﯾﯿﰀﰁﰂﰃﰄﰅ

37:23 bàyyi woon Yàlla. Te wëtal leen jëme yoonu Safara.

ﰆﰇﰈﰉﰊ

37:24 Te ngeen taxawlooleen : ndax dañu leen di laaj”.

ﭑﭒﭓﭔﭕ

37:25 “Ana lan moo tax dungeen dimbalante” ?

ﭖﭗﭘﭙﭚ

37:26 Li wér mooy bis niki tey jébbalu nañu,

ﭛﭜﭝﭞﭟﭠ

37:27 ku nekk di geesu moroom ma, ñuy laajante ;

ﭡﭢﭣﭤﭥﭦﭧ

37:28 Ñuy wax naan : “Yéen a nu daan ga ci kéefar”.

ﭨﭩﭪﭫﭬﭭ

37:29 [Kilifa ya] ne leen : “Yéen kay yéen a gëmul woon.

ﭮﭯﭰﭱﭲﭳﭴﭵﭶﭷﭸﭹ

37:30 Te nun amunu woon benn sañ-sañ ci yéen. Yéen kay yéen a bewoon.

ﭺﭻﭼﭽﭾﭿﮀﮁ

37:31 La Yàlla daan wax dal na ci sunu kaw ; [tey] noo ngi toqamtiku [mbugal].

ﮂﮃﮄﮅﮆ

37:32 “Noo ngi leen di jiiñ cànkute, waaye nun ñépp a faf sànku”.

ﮇﮈﮉﮊﮋﮌ

37:33 Bu bisub keroogee ñoom ñéppay bokk mbugal ma.

ﮍﮎﮏﮐﮑ

37:34 Noonu la Nuy def tooñkat ya.

ﮒﮓﮔﮕﮖﮗﮘﮙﮚﮛﮜ

37:35 Bu ñu waxaan ne : “Amul jeneen yàlla ju dul Yàlla”, dañu daan rëy-rëylu,

ﮝﮞﮟﮠﮡﮢﮣ

37:36 tey wax naan : “Ndax danuy bàyyi sunu yàlla yi ngir woykat bu dof ? ”

ﮤﮥﮦﮧﮨﮩ

37:37 Te moom dëgg rekk la indi tey dëggal li Yonent ya indi woon,

ﮪﮫﮬﮭﮮ

37:38 Yéen dangeen mos mbugal mu mitti.

ﮯﮰﮱﯓﯔﯕﯖ

37:39 Te it kenn du leen feye lu dul la ngeen daan jëfe,

ﯗﯘﯙﯚﯛ

37:40 ba mu des jaami Yàlla yay sellal,

ﯜﯝﯞﯟﯠ

37:41 Ñoom am nañu wërsëg wu ñu xam :

ﯡﯢﯣﯤ

37:42 ay fuytéef ak i teraanga,

ﯥﯦﯧﯨ

37:43 ca biir Àjjanay xéewal ja,

ﯩﯪﯫﯬ

37:44 ñuy jàkkaarloo ca seen kawi lal.

ﯭﯮﯯﯰﯱﯲ

37:45 Ñu di leen wër ak kaasi bënub ndox

ﯳﯴﯵﯶ

37:46 weex tàll, te neex lool ca ña koy naan,

ﯷﯸﯹﯺﯻﯼﯽﯾ

37:47 Lëj-lëj du fa am.

ﯿﰀﰁﰂﰃ

37:48 Te am nañu fa ay lamsalkat yu am bët ,

ﰄﰅﰆﰇ

37:49 weex ba mel ni nen.

ﰈﰉﰊﰋﰌﰍ

37:50 Ku nekk di geesu moroomam di laajante.

ﰎﰏﰐﰑﰒﰓﰔﰕ

37:51 Mu am ci ñoom kuy wax naan : “Man dey amoon naa àndandoo”

ﭑﭒﭓﭔﭕ

37:52 di wax ba-tey naan : “Ndax yaw gëm nga tigi ?

ﭖﭗﭘﭙﭚﭛﭜﭝ

37:53 Ndax bu nu faatoo ba doon suuf ak i yax, dara dananu warati ? ”

ﭞﭟﭠﭡﭢ

37:54 Mu wax ne : “Xanaa téenuleen ? ”

ﭣﭤﭥﭦﭧﭨ

37:55 Mu daldi téen, gis ko ca biir Safara,

ﭩﭪﭫﭬﭭﭮ

37:56 mu wax ne : “Waat naa ci Yàlla ne ! Xaw nga maa tax a alku !

ﭯﭰﭱﭲﭳﭴﭵ

37:57 dogankoon ak sama dimbalul Boroom, danaa sànku.

ﭶﭷﭸﭹ

37:58 Xanaa nun dey dunu dee

ﭺﭻﭼﭽﭾﭿﮀ

37:59 lu dul ca dee gu jëkk ga te xanaa kenn dunu mbugal ? ”

ﮁﮂﮃﮄﮅﮆ

37:60 Lii mooy texe gu màgg ga.

ﮇﮈﮉﮊﮋ

37:61 Ñiy jëf, nañuy jëf lu mel nii.

ﮌﮍﮎﮏﮐﮑﮒ

37:62 Moo ndax loolu moo di wàccuwaay ba gën, walla garabug Zaquum ?

ﮓﮔﮕﮖﮗ

37:63 Def nanu ko muy sànjub tooñkat ya.

ﮘﮙﮚﮛﮜﮝﮞ

37:64 Moom garab la guy génn ca ndéntul Safara.

ﮟﮠﮡﮢﮣ

37:65 Meññent ma mel ni boppi séytaane.

ﮤﮥﮦﮧﮨﮩﮪ

37:66 Ca la ñuy lekk, di ca feesal seeni biir.

ﮫﮬﮭﮮﮯﮰﮱﯓ

37:67 Am nañu fa, ca kawam, am ndox mu tàng [di wañax].

ﯔﯕﯖﯗﯘﯙ

37:68 Safara rekk mooy seen kër.

ﯚﯛﯜﯝﯞ

37:69 Daje nañu faak seeni [baay ak i maam] cig cànkute,

ﯟﯠﯡﯢﯣ

37:70 ñuy yolli-yolli topp leen.

ﯤﯥﯦﯧﯨﯩ

37:71 Li ëppoon ca ña leen jiitu woon sàkku woon nañu.

ﯪﯫﯬﯭﯮ

37:72 Ndax yónni woon Nanu ci ñoom ñuy xuppe, di waaraate .

ﯯﯰﯱﯲﯳﯴ

37:73 Xoolal mujjug ñanu daan xupp !

ﯵﯶﯷﯸﯹ

37:74 Ña ca dul jaami Yàlla ya ca daan sellal :

ﯺﯻﯼﯽﯾﯿ

37:75 Nooh woo na Nu di ñaan, Nu wuyyu ko, nangu ñaanam.

ﰀﰁﰂﰃﰄﰅ

37:76 Nu musal ko mook njabootam ci tiit mu rëy ma,

ﭑﭒﭓﭔﭕ

37:77 Nu def ay sëtam doŋŋ des fa.

ﭖﭗﭘﭙﭚ

37:78 Nu bàyyi ko, may ko mu di fàttaliku,

ﭛﭜﭝﭞﭟﭠ

37:79 Yal na jàmm wàcc ci Nooh ci kaw àddina sépp !

ﭡﭢﭣﭤﭥ

37:80 Noonu la Nuy feye ñiy rafetal.

ﭦﭧﭨﭩﭪ

37:81 Moom bokk na ca Sunu jaam yu gëm ya.

ﭫﭬﭭﭮ

37:82 Ginnaaw ba, Nu labal ña ca des.

ﭯﭰﭱﭲﭳﭴ

37:83 Ibrahiima bokkoon na ca ay njabootam.

ﭵﭶﭷﭸﭹﭺ

37:84 Fàttalikul ba mu dikkee ca Boroomam ànd ak xol bu mucc ayib.

ﭻﭼﭽﭾﭿﮀﮁ

37:85 Ak ba mu waxee baayam ak nitam, ne leen : “Ana li ngeen di jaamu ? ”

ﮂﮃﮄﮅﮆﮇ

37:86 Moo ndax ay nar ngeen di namm a def ay yàlla bàyyi Yàlla Moom ?

ﮈﮉﮊﮋﮌ

37:87 Waaw, lu ngeen njort ci Yàlla boroom asamaan si ? ”

ﮍﮎﮏﮐﮑ

37:88 Mu téen xool biddéew yi [di settantal],

ﮒﮓﮔﮕ

37:89 mu daldi wax ne : “Man damaa wopp”.

ﮖﮗﮘﮙ

37:90 Ñu dëddu ko, won ko ginnaaw.

ﮚﮛﮜﮝﮞﮟﮠ

37:91 Mu potoxlu ca seen yàlla ya, ne leen : “Ndax dungeen lekk ?

ﮡﮢﮣﮤﮥ

37:92 Ana lu leen dal ba dungeen wax ? ”

ﮦﮧﮨﮩﮪ

37:93 Mu potoxlu dóor leen ak ndeyjoor.

ﮫﮬﮭﮮ

37:94 Ñu wutsi ko di daw.

ﮯﮰﮱﯓﯔ

37:95 Mu wax ne : “Ndax dangeen di jaamu lu ngeen di yatt,

ﯕﯖﯗﯘﯙ

37:96 te Yàlla moo leen bind ak li ngeen di defar ? ”

ﯚﯛﯜﯝﯞﯟﯠﯡ

37:97 Ñu wax ne : “Tabaxal-leen ko puur te sànni ko ca safara sa ! ”

ﯢﯣﯤﯥﯦﯧ

37:98 Ñu bëggoon koo fexeel ; Nu suufeel leen, detteel leen.

ﯨﯩﯪﯫﯬﯭﯮ

37:99 Mu wax ne : “Maa ngi dem ca sama Boroom, Dana ma gindi.

ﯯﯰﯱﯲﯳﯴ

37:100 Yaw sama Boroom, may ma ay sët yu yiw”.

ﯵﯶﯷﯸ

37:101 Nu bégal ko, may ko doom ju lewet .

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕ

37:102 Ba mu amee ati àndak moom, Ibraahiima wax na ne : "Yaw samas doom, gis naa ci bi may nelaw, ci biir gént, ndigalul war laa rendi. Seetal looy xalaat”. (Ismaayiila) ne ko : “Yaw sama baay, defal lu ñu la digal : bu soobee Yàlla, danga gis ne maag muñkat yee ànd”.

ﭑﭒﭓﭔﭕ

37:103 Ba ñu wéyalee seen ndigalul Boroom, mu di dëféenal ko,

ﭖﭗﭘﭙ

37:104 Nu woo ko, ne ko : “Éy yaw Ibraahiima !

ﭚﭛﭜﭝﭞﭟﭠﭡﭢ

37:105 Dëggal nga gént gi. Te noonu la Nuy feye ñiy rafetal”.

ﭣﭤﭥﭦﭧﭨ

37:106 Lii ab tontu la bu bir.

ﭩﭪﭫﭬ

37:107 Nu daldi koy jot ak lu ñuy rendi lu màgg.

ﭭﭮﭯﭰﭱ

37:108 Daldi koy bàyyi muy dundu moom Ismaahiila :

ﭲﭳﭴﭵ

37:109 “Jàmmi Yàlla na nekk ci kaw Ibraahiima”.

ﭶﭷﭸﭹ

37:110 Noonu la Nuy feye ñiy rafetal ;

ﭺﭻﭼﭽﭾ

37:111 bokk na ci Sunu jaam ñi gëm.

ﭿﮀﮁﮂﮃﮄ

37:112 Bégal Nanu ko ci def Isaaqa mu di Yonent bokk ca ñay rafetal.

ﮅﮆﮇﮈﮉﮊﮋﮌﮍﮎﮏﮐ

37:113 Nu barkeel ko moom ak Isaaqa. Mu am ci seeni sët kuy rafetal ak kuy tooñ boppam.

ﮑﮒﮓﮔﮕﮖ

37:114 Xéewaloon Nanu Muusaa ak Haaruuna,

ﮗﮘﮙﮚﮛﮜ

37:115 Musaloon Nanu leen ñoom seeni sët ca tiit mu rëy ma,

ﮝﮞﮟﮠﮡ

37:116 Nu dimbali woon leen, ñoom ñoo nootoon.

ﮢﮣﮤﮥ

37:117 Nu indiloon leen ab téere bu bir

ﮦﮧﮨﮩ

37:118 Nu indiloon leen yoon wu jub wa xocc.

ﮪﮫﮬﮭﮮ

37:119 Nu bàyyi woon leen nit ña di leen fàttaliku :

ﮯﮰﮱﯓﯔ

37:120 “Jàmmi Yàlla na wàcc ci Muusaa ak Haaruuna”

ﯕﯖﯗﯘﯙ

37:121 Noonu la Nuy feye ñiy rafetal ;

ﯚﯛﯜﯝﯞ

37:122 ñoom ñaar bokkoon nañu ci Sunu jaam ñi gëm.

ﯟﯠﯡﯢﯣ

37:123 Ilyaas it tigi bokkoon na ci Yonent ya.

ﯤﯥﯦﯧﯨﯩ

37:124 [Fàttalikul] ba mu waxee aw nitam, ne leen : “Ndax dungeen ragal Yàlla ? ”

ﯪﯫﯬﯭﯮﯯ

37:125 Moo ngax dangeen di woo Bahlu bàyyi Yàlla miy ngën ji kuy bind,

ﯰﯱﯲﯳﯴﯵ

37:126 Yàlla miy seen Boroom te di Boroomi seeni baay ak i maamaat ? ”

ﭑﭒﭓﭔ

37:127 Ñu weddi ko, Nu mbugal leen.

ﭕﭖﭗﭘﭙ

37:128 Ba mu des jaami Yàlla ya daan sellal.

ﭚﭛﭜﭝﭞ

37:129 Nu bàyyi nit ñuy mujj noonu di ko fàttaliku :

ﭟﭠﭡﭢﭣ

37:130 “Jàmm yal na nekk ci njabootug Ilyaas”.

ﭤﭥﭦﭧﭨ

37:131 Noonu la Nuy feye ñiy rafetal,

ﭩﭪﭫﭬﭭ

37:132 bokk na ci Sunu jaam ñi gëm.

ﭮﭯﭰﭱﭲ

37:133 Lóot it bokk na ci Yonent yi.

ﭳﭴﭵﭶﭷ

37:134 [Fàttalikul] ba Nu ko musalee mook njabootam gépp,

ﭸﭹﭺﭻﭼ

37:135 ba mu des màggat gu jigéen ga àndoon ak ña sànku wo

ﭽﭾﭿﮀ

37:136 Ginnaaw ba, faagaagal Nanu ña ca des

ﮁﮂﮃﮄﮅ

37:137 Te yéen a ngi leen di romb bu ngeen di xëy

ﮆﮇﮈﮉﮊ

37:138 ak ci guddi gi. Xanaa dungeen xalaat ?

ﮋﮌﮍﮎﮏ

37:139 Yuunuusa it bokk na ca Yonent ya.

ﮐﮑﮒﮓﮔﮕ

37:140 Ba muy daw jëm ca gaal ga ñu yeb ga,

ﮖﮗﮘﮙﮚ

37:141 Ba ñu wantalee mu bokk ca ña ñu waroon a sànni ca ndox ma.

ﮛﮜﮝﮞﮟ

37:142 Jën wa dal koy wann, muy ku yeddu.

ﮠﮡﮢﮣﮤﮥ

37:143 Dugankoon ak li mu bokkoon ca ña doon sàbbaal Yàlla,

ﮦﮧﮨﮩﮪﮫﮬ

37:144 kon dey dana sax ca biir [jën wa] ba bisub dekkiwaat ba di ñëw.

ﮭﮮﮯﮰﮱﯓ

37:145 Nu sànni ko ca teges ga te muy ku ràgg.

ﯔﯕﯖﯗﯘﯙ

37:146 Nu daldi fay saxal gàncaxug beraf,

ﯚﯛﯜﯝﯞﯟﯠ

37:147 Nu yebal ko muy Yonent ci téeméeri junniy nit mbaa lu ko ëpp.

ﯡﯢﯣﯤﯥ

37:148 Ba ñu gëmee, xéewalal Nanu leen fa ab diir.

ﯦﯧﯨﯩﯪﯫ

37:149 Laajleen baxam : “Ndax Yàlla moo ame doom yu jigéen, ñoom ñuy am doom yu góor ?

ﯬﯭﯮﯯﯰﯱﯲ

37:150 Walla dañoo bind Malaaka yi def leen ñu di ay jigéen, seere ko ? ”.

ﯳﯴﯵﯶﯷﯸ

37:151 Ndax ñoom dañuy faral di wax ci seen duur ya, naan :

ﯹﯺﯻﯼﯽ

37:152 “Yàlla am na doom” ; te ñoom dañuy fen doŋŋ !

ﯾﯿﰀﰁﰂ

37:153 Moo ndax dafay gënal doom ju jigéen ci kaw doom ju góor ?

ﭑﭒﭓﭔﭕ

37:154 Ana lu leen dal ba ngeen di àttee nii ?

ﭖﭗﭘ

37:155 Moo ndax dangeen dul fàttaliku ?

ﭙﭚﭛﭜﭝ

37:156 Walla dangeen am ay firnde yu wóor ?

ﭞﭟﭠﭡﭢﭣ

37:157 Kon indil seenub Téere ndegam ñu dëggu ngeen ! ”

ﭤﭥﭦﭧﭨﭩﭪﭫﭬﭭﭮﭯ

37:158 Ñu di ko askanale ci jinne yi, ndax jinne yi xam nañu ne danañu teew ci kanamu [Yàlla].

ﭰﭱﭲﭳﭴ

37:159 Tudd naa sellug Yàlla ga. Kawe na lool la ñu koy melal !

ﭵﭶﭷﭸﭹ

37:160 Ba mu des jaami Yàlla yiy sellal.

ﭺﭻﭼﭽ

37:161 Yéen ak li ngeen di jaamu,

ﭾﭿﮀﮁﮂ

37:162 kenn duleen ci fitnaal,

ﮃﮄﮅﮆﮇﮈ

37:163 ku dul kuy nar a xoyomu ci Safara.

ﮉﮊﮋﮌﮍﮎﮏ

37:164 Amul kenn ci [Malaaka yi] lu dul ne am na wàccuwaay wu ñu xam ;

ﮐﮑﮒﮓ

37:165 te noo leen defoon ay sàppe ;

ﮔﮕﮖﮗ

37:166 te nun nooy sàbbaal Yàlla.

ﮘﮙﮚﮛ

37:167 Doonte la sax ña ngay wax naan :

ﮜﮝﮞﮟﮠﮡﮢ

37:168 “Su nu amoon waarate gu bawoo ca sunuy maam,

ﮣﮤﮥﮦﮧ

37:169 kon de nu doon ay jaami Yàlla yuy sellal !

ﮨﮩﮪﮫﮬﮭ

37:170 Weddi nañu ko, waaye danañu xam ne.

ﮮﮯﮰﮱﯓﯔ

37:171 Sunu kàddu jiitu woon na ci Sunu jaam ña di ay Yonent,

ﯕﯖﯗﯘ

37:172 ñoom danañu am ndimbal,

ﯙﯚﯛﯜﯝ

37:173 te it Sunuy xarekat ñooy not.

ﯞﯟﯠﯡﯢ

37:174 nanga leen dummóoyu ab diir ;

ﯣﯤﯥﯦ

37:175 te nga seetluleen : danañu gis de !

ﯧﯨﯩ

37:176 Moo ndax ñoom dañuy yàkkamti sunu mbugal ?

ﯪﯫﯬﯭﯮﯯﯰ

37:177 Su wàccee ci seenub ëtt, ñoom ña ñu doon fàttali, ndaw suba gu bon !

ﯱﯲﯳﯴﯵ

37:178 nanga leen dummóoyu ab diir ;

ﯶﯷﯸﯹ

37:179 te nga seetluleen : danañu gis de !

ﯺﯻﯼﯽﯾﯿﰀ

37:180 Tudd naa sellug sa Boroom, Boroom kàttan gi. Kawe na ca la ñu koy melal !

ﰁﰂﰃﰄ

37:181 Te jàmm yal na wàcc ci Yonent yi,

ﰅﰆﰇﰈﰉ

37:182 te xeeti cant yépp ñeel na Yàlla miy Boroom àddina si !

Alxuraan bu Tedd bi

Wednesday, September 9, 2026

Don't forget us in your sincere prayers

Simoore As-Saffat pdf

Simoore As-Saffat pdf — Wàcce (Wolof)

Related

More Simoore PDF