सूरा अस-साफ्फात
PDF —
Built right in your browser — download starts automatically
सूरा अस-साफ्फात pdf — डाउनलोड गर्नुहोस् (नेपाली)
सूरा अस-साफ्फात pdf नेपाली — डाउनलोड गर्नुहोस् सूरा अस-साफ्फात अनुवाद. अस-साफ्फात (Meccan) 182 आयत.
Related
- अस-साफ्फात अनुवादनेपाली
- अस-साफ्फात mp3सुन्नुहोस्
- Quran Index नेपाली114
More सूरा PDF
सूरा अस-साफ्फात
ﭑﭒﭓ
कसम छ पंक्ति बाँध्नेवालाहरूको ।
ﭔﭕﭖ
फेरि बलियोरूपले हप्काउनेवालाहरूको ।
ﭗﭘﭙ
अनि कुरआन पढ्नेवालाहरूको ।
ﭚﭛﭜﭝ
निःसन्देह तिमीहरू सबैको पूज्य एउटै छ ।
ﭞﭟﭠﭡﭢﭣﭤﭥ
आकाशहरू र धरती र जे–जति कुराहरू यिनमा छन्, सबैको र सम्पुर्ण पूर्वी दिशाहरूको मालिक पनि उही हो ।
ﭦﭧﭨﭩﭪﭫﭬ
हामीले संसारीय आकाशलाई ताराहरूबाट सुसज्जित गर्यौं ।
ﭭﭮﭯﭰﭱﭲ
अट्टेरी शैतानबाट सुरक्षित राख्नको निम्ति ।
ﭳﭴﭵﭶﭷﭸﭹﭺﭻﭼ
माथिका फरिश्ताहरूको कुरा सुन्नको लागि तिनीहरूले कान लगाउन सक्तैनन् । अपितु सबैतिरबाट तिनीहरू मारिन्छन् ।
ﭽﭾﭿﮀﮁﮂ
र (त्यहाँबाट) धपाइनुलाई । उनीहरूको निम्ति स्थाई यातना छ ।
ﮃﮄﮅﮆﮇﮈﮉﮊ
हो, कसैले (स्वर्गदूतको कुरालाई) यदि केही सुनिहाल्छ भने तुरुन्तै प्रज्वलित आगोको डल्लोले उसलाई पछ्याउँछ ।
ﮋﮌﮍﮎﮏﮐﮑﮒﮓﮔﮕﮖﮗﮘ
यी काफिरहरूसँग सोध कि के उनीहरूको सृष्टि गर्ने काम अधिक कठिन छ, वा ती अन्य कुराहरूको, जसलाई हामीले सृष्टि गरेका छौं । हामीले उनीहरूको सृष्टि (मानिसको) लेसिलो माटोले गर्यौं ।
ﮙﮚﮛﮜ
बरु तिमी त आश्चर्यमा छौ र उनीहरू उपहास गरिराखेका छन् ।
ﮝﮞﮟﮠﮡ
र जब उनीहरूलाई उपदेश गरिन्छ त उनीहरूले मान्दैनन् ।
ﮢﮣﮤﮥﮦ
र जब कुनै निशानी (चमत्कार) देख्दछन् त खिल्ली उडाउँछन् ।
ﮧﮨﮩﮪﮫﮬﮭ
र भन्दछन् : ‘‘यो त मात्र एउटा प्रत्यक्ष जादू हो ।’’
ﮮﮯﮰﮱﯓﯔﯕﯖ
के जब हामीहरू मरिसकेका हुनेछौं र माटो र हड्डीको रूपमा परिणत हुनेछौं त के फेरि साँच्चै हामी उठाइनेछौं
ﯗﯘﯙ
‘‘के हामीभन्दा पहिलाका हाम्रा बाबु बाजे पनि ?’’
ﯚﯛﯜﯝﯞ
तपार्इं भनिदिनुस् कि ‘‘हो ! र तिमी अपमानित पनि हुनेछौ ।’’
ﯟﯠﯡﯢﯣﯤﯥﯦ
त्यो त एउटा ठूलो आवाज हुनेछ । कि यिनीहरू त्यसबेला एक्कासी देख्न थाल्नेछन् ।
ﯧﯨﯩﯪﯫﯬ
र भन्नेछन्ः ‘‘अफसोच छ हामीलाई । यही नै प्रतिफलको दिन हो ।’’
ﯭﯮﯯﯰﯱﯲﯳﯴ
यो नै निर्णयको दिन हो, जसलाई तिमीले झूठा ठान्दथ्यौ ।
ﯵﯶﯷﯸﯹﯺﯻﯼﯽ
अत्याचार गर्नेहरूलाई र उनका साथीहरूलाई र अल्लाह बाहेक जसका उनीहरूले पूजा गर्दथे ।
ﯾﯿﰀﰁﰂﰃﰄﰅ
उनीहरू सबैलाई जम्मा गरेर नर्कको बाटो देखाइदेऊ ।
ﰆﰇﰈﰉﰊ
र उनीहरूलाई रोकिराख, किनभने उनीहरूसित केही जरूरी प्रश्नहरू सोध्नुछ ।
ﭑﭒﭓﭔﭕ
‘‘तिमीहरूलाई के भएको छ कि यस बेला एक अर्काको सहायता गर्दैनौ ?’’
ﭖﭗﭘﭙﭚ
बरु आज त उनीहरू सबै आज्ञाकारी बनेका छन् ।
ﭛﭜﭝﭞﭟﭠ
तिनीहरू एक–अर्कातिर फर्केर सवाल र जवाफ गर्नेछन् ।
ﭡﭢﭣﭤﭥﭦﭧ
भन्नेछन्ः ‘‘तिमी त हाम्रो पासमा हाम्रो दायाँ तिरबाट आउँदथ्यौ ।’’
ﭨﭩﭪﭫﭬﭭ
उनीहरूले भन्नेछन्ः होइन ‘‘बरु, तिमी नै ईमानवाला थिएनौ ।
ﭮﭯﭰﭱﭲﭳﭴﭵﭶﭷﭸﭹ
र हाम्रो तिमीमाथि कुनै अधिकार त थिएन, बरु तिमीहरू अट्टेरी थियौ ।
ﭺﭻﭼﭽﭾﭿﮀﮁ
अब त हाम्रो सम्बन्धमा हाम्रो पालनकर्ताको यो कुरा पूरा भइहाल्यो कि अब हामी सजायको स्वाद चाख्नेछौं ।
ﮂﮃﮄﮅﮆ
अतः हामीले तिमीलाई पनि पथभ्रष्ट गर्यौं । हामी त स्वयं पनि मार्गविचलित नै थियौं ।’’
ﮇﮈﮉﮊﮋﮌ
अतः उनी सबै त्यसदिन सजायमा एक अर्काको सहभागी हुनेछन् ।
ﮍﮎﮏﮐﮑ
हामीले अपराधीहरूसित यस्तै गर्ने गर्दछौं ।
ﮒﮓﮔﮕﮖﮗﮘﮙﮚﮛﮜ
उनीहरूको यो अवस्था थियो कि जब उनीहरूसित भनिन्थ्योः ‘‘कि अल्लाह बाहेक कोही सत्य उपास्य छैन’’ तब तिनीहरू अवज्ञा गर्दथे ।
ﮝﮞﮟﮠﮡﮢﮣ
र भन्दथेः ‘‘के हामीले एउटा उन्मादी कविले भन्दैमा आफ्ना उपास्यहरूलाई छाडिदेऔं ?’’
ﮤﮥﮦﮧﮨﮩ
‘‘होइन, बरु नबीले सत्य (धर्म) लिएर आएका छन् र (अघिका) रसूलहरूलाई सच्चा भन्दछन् ।
ﮪﮫﮬﮭﮮ
निश्चय नै तिमी दुःखद यातनाको स्वाद चाख्नेछौ ।
ﮯﮰﮱﯓﯔﯕﯖ
तिमीलाई त्यसैको प्रतिफल दिइनेछ जुन तिमीले गर्ने गर्दथ्यौ ।’’
ﯗﯘﯙﯚﯛ
तर जो अल्लाहका विशेष बन्दाहरू (भक्तहरू) छन् ।
ﯜﯝﯞﯟﯠ
उनीहरूको लागि अल्लाहद्वारा जीविका निर्धारित छ ।
ﯡﯢﯣﯤ
हर प्रकारका फलफूल र गौरव र मर्यादाले उनको आदर गरिनेछ ।
ﯥﯦﯧﯨ
अनुकम्पाले भरिएका जन्नतहरूमा
ﯩﯪﯫﯬ
पलंगहरूमा आमुन्ने–सामुन्ने विराजमान हुनेछन्
ﯭﯮﯯﯰﯱﯲ
उनीहरूको माझमा विशुद्ध पेयको पात्र घुमाइनेछ
ﯳﯴﯵﯶ
जुन कि सफा र पिउनेहरूको लागि सर्वथा सुस्वादक हुनेछ ।
ﯷﯸﯹﯺﯻﯼﯽﯾ
न त्यसबाट टाउको दुख्नेछ र न त्यसबाट मानिस नशामा बहकनेछन्
ﯿﰀﰁﰂﰃ
र उनीहरूको पासमा अप्सराहरू हुनेछिन् जसको आँखा तल झुकेको र ठूला–ठूला हुनेछन् ।
ﰄﰅﰆﰇ
मानौं उनीहरू सुरक्षित अण्डाहरू हुन् ।
ﰈﰉﰊﰋﰌﰍ
अनि उनीहरूले एक–अर्कातिर मुख फर्काएर प्रश्न गर्नेछन् ।
ﰎﰏﰐﰑﰒﰓﰔﰕ
उनीहरूमध्येबाट एउटाले भन्नेछः कि ‘‘मेरो एउटा साथी थियो ।
ﭑﭒﭓﭔﭕ
जसले भन्दथ्यो, कि के तिमी पनि (कयामतलाई) मानिलिनेवालामध्येका हौ
ﭖﭗﭘﭙﭚﭛﭜﭝ
के जब हामी मरेर माटो र हड्डीमा परिणत भइसक्ने छौं तब के हामीलाई प्रतिफल प्राप्त हुनेछ ?’’
ﭞﭟﭠﭡﭢ
(अनि) भन्नेछः ‘‘कि के तिमी उसलाई चियाएर हेर्न चाहन्छौ ?’’
ﭣﭤﭥﭦﭧﭨ
(यसैबीच) त्यसले (स्वयम्) चियाउने छ, त उसलाई नर्कको माझमा (जलीरहेको) देख्नेछ ।
ﭩﭪﭫﭬﭭﭮ
भन्नेछः कि, ‘‘अल्लाहको कसम ! तिमीले त मलाई बरबादै पार्ने थियौ ।
ﭯﭰﭱﭲﭳﭴﭵ
यदि मेरो पालनकर्ताको कृपा नभएको भए त म पनि उनीहरूमध्येकै हुन्थें जो नर्कमा उपस्थित गराइएका छन् ।
ﭶﭷﭸﭹ
के (यो साँचो हो कि) हामी अब मर्नेछैनौं
ﭺﭻﭼﭽﭾﭿﮀ
पहिलो पटक मर्नु बाहेक । र हामीलाई यातना पनि हुनेवाला छैन’’
ﮁﮂﮃﮄﮅﮆ
अनि त स्पष्ट छ कि निःसन्देह यो ठूलो सफलता हो ।
ﮇﮈﮉﮊﮋ
यस्तो (सफलताहरू) को लागि कर्म गर्नेहरूले कर्म गर्नुपर्दछ ।
ﮌﮍﮎﮏﮐﮑﮒ
के यो आतिथ्य राम्रो छ वा थूहर (सिउँडी) को वृक्ष
ﮓﮔﮕﮖﮗ
हामीले त्यस बृक्षलाई अत्याचारीहरूको निम्ति कष्टदायक परीक्षा बनाएका छौं ।
ﮘﮙﮚﮛﮜﮝﮞ
निःसंदेह त्यो एउटा रुख हो जो जहन्नमको (नर्कको) तल्लो भाग (जरा) बाट उम्रने छ ।
ﮟﮠﮡﮢﮣ
त्यसका हाँगाहरू शैतानका टाउकोहरू जस्ता हुन्छन् ।
ﮤﮥﮦﮧﮨﮩﮪ
नर्कवालाहरू उसैबाट खान्छन् र उसैबाट पेट भर्नेछन् ।
ﮫﮬﮭﮮﮯﮰﮱﯓ
अनि त्यस (खाना) को साथमा उनलाई तातो पानी मिसाएर दिइनेछ ।
ﯔﯕﯖﯗﯘﯙ
अनि उनीहरूलाई नर्क (आगोको ढिस्को) तिर फर्काइनेछ ।
ﯚﯛﯜﯝﯞ
निश्चित मान्नुस् उनीहरूले आफ्ना बाबु–बाजेहरूलाई मार्गविचलित नै पाए ।
ﯟﯠﯡﯢﯣ
रः उनीहरू तिनीहरूकै पदचिन्हमा दगुरिराखेका छन् ।
ﯤﯥﯦﯧﯨﯩ
उनीहरूभन्दा पहिला पनि धेरै मानिसहरू मार्गविचलित भइसकेका छन् ।
ﯪﯫﯬﯭﯮ
जसमा हामीले उनीहरूको माझमा सचेत गर्नेवाला (रसूल) पठाएका थियौं ।
ﯯﯰﯱﯲﯳﯴ
तसर्थ हेरिहाल कि जसलाई सचेत गरिएको थियो, उनीहरूको परिणाम कस्तो भयो
ﯵﯶﯷﯸﯹ
हो, अल्लाहका विशिष्ट दासहरू बाहेक (उनको परिणाम धेरै राम्रो भयो)।
ﯺﯻﯼﯽﯾﯿ
र हामीलाई ‘‘नूहले’’ पुकारे, त हेर हामी कस्तो राम्ररी याचना स्वीकार गर्नेवाला हौं ।
ﰀﰁﰂﰃﰄﰅ
हामीले उनलाई र उनका घरवालालाई ठूलो (महान् जलप्रल्य) विपत्तिबाट बचायौं ।
ﭑﭒﭓﭔﭕ
र हामीले उनको सन्ततिलाई बाँकी रहनेवाला बनायौं ।
ﭖﭗﭘﭙﭚ
र हामीले उनको सुचर्चा पछि आउनेवालाहरूमा बाँकी राख्यौं ।
ﭛﭜﭝﭞﭟﭠ
सम्पूर्ण संसारहरूमा नूहमाथि ‘‘सलाम’’ होस् ।
ﭡﭢﭣﭤﭥ
निःसन्देह हामीले भलाईको कार्य गर्नेहरूलाई यस्तै पुरस्कार दिन्छौं ।
ﭦﭧﭨﭩﭪ
उनी हाम्रा ईमानवाला सेवकहरूमध्येका थिए ।
ﭫﭬﭭﭮ
अनि हामीले अरुहरूलाई डुबाइदिऔं ।
ﭯﭰﭱﭲﭳﭴ
र ‘‘इब्राहीम’’ पनि उनैका सहधर्मीहरूमध्येका थिए ।
ﭵﭶﭷﭸﭹﭺ
जब उनी आफ्नो पालनकर्ताको समक्ष विकाररहित हृदय लिएर आए ।
ﭻﭼﭽﭾﭿﮀﮁ
जब उनले आफ्नो पिता र आफ्नो जातिबन्धुका मानिसहरूसित भनेः ‘‘तिमीले कुन कुराको पूजा गर्दछौ ?’’
ﮂﮃﮄﮅﮆﮇ
के तिमी अल्लाह बाहेक मनगढन्ते उपास्यहरू चाहिरहेका छौ
ﮈﮉﮊﮋﮌ
यो बताऊ कि तिमीले आखिर सम्पूर्ण संसारको पालनकर्तालाई के सम्झेका छौ
ﮍﮎﮏﮐﮑ
अब उनले ताराहरूमाथि दृष्टिपात गरे ।
ﮒﮓﮔﮕ
र भनेः म त बिरामी छु ।’’
ﮖﮗﮘﮙ
यसपछि उनीहरूले पिठ्युँ फर्काई उनलाई छाडेर फर्किहाले ।
ﮚﮛﮜﮝﮞﮟﮠ
अनि (इब्राहीम) उनीहरूका उपास्यहरूतिर तत्काल गए र भन्नथाले किः तिमीले खाना किन खाँदैनौ
ﮡﮢﮣﮤﮥ
तिमीलाई के भएको छ ? कि तिमी बोल्दैनौ ?’’
ﮦﮧﮨﮩﮪ
अनि पूरै शक्तिका साथ उनीहरूलाई दाहिनेहातले पिटन शुरू गरे ।
ﮫﮬﮭﮮ
तब उनीहरू उनको पासमा दगुर्दै आए ।
ﮯﮰﮱﯓﯔ
उनले भनेः ‘‘तिमीहरूले यस्तो कुराको किन पूजा गर्छौ ? जसलाई तिमीले स्वयम् कुँदेर बनाउँछौ ।
ﯕﯖﯗﯘﯙ
जब कि तिमीलाई र तिमीले बनाएका कुराहरूलाई अल्लाहले नै सृष्टि गरेको छ ?’’
ﯚﯛﯜﯝﯞﯟﯠﯡ
उनीहरूले भनेः ‘‘उसको निम्ति एउटा भवन (अग्निकुण्ड) तयार पारी त्यसलाई प्रज्वलित आगोमा हालिदेऊ’’ ।
ﯢﯣﯤﯥﯦﯧ
उनीहरूले त इब्राहीमसँग एउटा षडयन्त्र गर्न चाहे तर हामीले उनीहरूलाई नै अपमानित गर्यौं ।
ﯨﯩﯪﯫﯬﯭﯮ
र इब्राहीमले भनेः म त प्रवास गरेर आफ्नो पालनकर्तातिर गइराखेको छु, उसले अवश्य मेरो मार्गदर्शन गर्नेछ ।
ﯯﯰﯱﯲﯳﯴ
हे मेरो पालनकर्ता ! मलाई असल सन्तान प्रदान गर ।’’
ﯵﯶﯷﯸ
तब हामीले उनलाई एउटा सहनशील पुत्रको शुभसूचना दियौं ।
ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕ
अनि जब त्यो बच्चा उनको साथमा दौडधूप गर्ने अवस्थामा पुग्यो तब उनले भनेः ‘‘हे मेरो प्रिय छोरा ! मैले सपनामा देखेको छु कि तिमीलाई कुर्बान (बलि) गरिराखेको छु । त अब हेर, तिम्रो के विचार छ ? ‘‘छोराले भन्यो किः हे बुबा ! जुन आदेश तपाईलाईं दिइराखिएको छ त्यसको पालना गरिहाल्नुस् । अल्लाहले चाह्यो भने तपार्इंले मलाई धैर्यवान् पाउनुहुनेछ ।
ﭑﭒﭓﭔﭕ
अर्थात जब दुवैले आदेश मानिहाले, र बाबुले छोरालाई कन्चटतिर पारेर पल्टाए ।
ﭖﭗﭘﭙ
तब हामीले उनलाई पुकार्यौं कि, ‘‘हे इब्राहीम
ﭚﭛﭜﭝﭞﭟﭠﭡﭢ
निश्चय नै तिमीले सपनालाई साँचो गरेर देखायौ । निःसन्देह हामीले उत्तम कार्य गर्नेहरूलाई यस्तै प्रकारले प्रतिफल दिन्छौं ।’’
ﭣﭤﭥﭦﭧﭨ
वास्तवमा यो त एउटा स्पष्ट परीक्षा थियो ।
ﭩﭪﭫﭬ
र हामीले उसको (इस्माईलको) सट्टामा कुर्बानीको लागि एउटा ठूलो (पशु) दियौं ।
ﭭﭮﭯﭰﭱ
र हामीले पछि आउने नस्लहरूमा (इब्राहीमको राम्रो) चर्चा बाँकी राख्यौं
ﭲﭳﭴﭵ
‘‘इब्राहीममाथि सलाम होस् ।’’
ﭶﭷﭸﭹ
असल कार्य गर्नेहरूलाई हामीले यस्तै प्रतिफल दिने गर्छौं ।
ﭺﭻﭼﭽﭾ
निश्चय नै उनी हाम्रा ईमानवाला सेवकहरूमध्येका थिए ।
ﭿﮀﮁﮂﮃﮄ
र हामीले उनलाई ‘‘इस्हाकको’’ नबी हुने शुभसूचना पनि दियौं, जो असल मानिसहरूमध्ये हुनेछन् ।
ﮅﮆﮇﮈﮉﮊﮋﮌﮍﮎﮏﮐ
र हामीले उनलाई र ‘‘इस्हाकलाई’’ बरकत (कल्याण) दियौं र ती दुवैका सन्तानहरूमा कतिपय त असल काम गर्नेहरू पनि छन्, र कतिपय आफूमाथि खुल्लारूपले अत्याचार गर्नेवालाहरू पनि छन् ।
ﮑﮒﮓﮔﮕﮖ
निःसंदेह हामीले मूसा र हारूनमाथि पनि ठूलो उपकार गरेका छौं ।
ﮗﮘﮙﮚﮛﮜ
र हामीले उनीहरूलाई र उनका जातिबन्धुहरूलाई ठूलो कष्टबाट मुक्त गरायौं ।
ﮝﮞﮟﮠﮡ
र हामीले उनीहरूलाई सहायता गर्यौं, त उनीहरू प्रभावी रहे ।
ﮢﮣﮤﮥ
र हामीले उनीहरूलाई अत्यन्त स्पष्ट किताब प्रदान गर्यौं ।
ﮦﮧﮨﮩ
र हामीले उनीहरूलाई सोझो मार्गमा कायम राख्यौं ।
ﮪﮫﮬﮭﮮ
र हामीले उनी दुवैको लागि पछि आउनेवाला नस्लहरूमा राम्रो चर्चा बाँकी राख्यौं ।
ﮯﮰﮱﯓﯔ
‘‘मूसा (अलैहिस्सलाम)’’ र हारून (अलैहिस्सलाम) माथि सलाम होस् ।
ﯕﯖﯗﯘﯙ
निःसन्देह हामीले असल काम गर्नेहरूलाई यस्तै प्रतिफल दिने गर्छौं ।
ﯚﯛﯜﯝﯞ
निश्चय नै ती दुवै हाम्रा ईमानवाला सेवकहरूमध्येका थिए ।
ﯟﯠﯡﯢﯣ
र ‘‘इलियास’’ पनि पैगम्बरहरूमध्येका थिए ।
ﯤﯥﯦﯧﯨﯩ
जब उहाँले आफ्ना जातिबन्धुसित भनेः तिमी अल्लाहसित किन डर मान्दैनौ
ﯪﯫﯬﯭﯮﯯ
के तिमी बअ्ल (एउटा ठूलो मूर्ति)लाई पुकार्दछौ, र सर्वोत्तम स्रष्टालाई छाडिदिन्छौ
ﯰﯱﯲﯳﯴﯵ
अल्लाह जो तिम्रो र तिम्रो बाबु–बाजेको पालनहार हो ।
ﭑﭒﭓﭔ
तर उनीहरूले उनलाई झूठा भने अतः उनीहरू अवश्य नर्कमा उपस्थित गराइनेछन् ।
ﭕﭖﭗﭘﭙ
हो, अल्लाहका असल सेवकहरू (सजायमा) पारिने छैनन् ।
ﭚﭛﭜﭝﭞ
हामीले ‘‘इलियास’’ (अलैहिस्सलाम) को राम्रो चर्चा पछि आउनेहरूमा (शेष) छाडेका छौं ।
ﭟﭠﭡﭢﭣ
कि ‘‘इलियास (अलैहिस्सलाम)’’ माथि ‘‘सलाम’’ होस् ।
ﭤﭥﭦﭧﭨ
हामीले भलाई गर्नेहरूलाई यस्तै प्रतिफल दिन्छौं ।
ﭩﭪﭫﭬﭭ
निःसन्देह उनी हाम्रा मोमिन सेवकहरूमध्येबाट थिए ।
ﭮﭯﭰﭱﭲ
र निःसंदेह ‘‘लूत (अलैहिस्सलाम)’’ पनि पैगम्बरहरूमध्येबाट थिए ।
ﭳﭴﭵﭶﭷ
हामीले उनलाई र उनका घरवालाहरू सबैलाई मुक्ति प्रदान गर्यौं ।
ﭸﭹﭺﭻﭼ
तर एउटा वृद्धा बाहेक जो पछि पर्नेवालामध्येकी थिई ।
ﭽﭾﭿﮀ
अनि हामीले अरुहरूलाई नष्ट पारिदियौं ।
ﮁﮂﮃﮄﮅ
र तिमी त बिहान भएपछि उनीहरूका बस्तीहरूको नजिकबाट हिड्छौ ।
ﮆﮇﮈﮉﮊ
र रातीमा पनि, त के तिमी (मक्कावाला) तैपनि बुझ्दैनौ
ﮋﮌﮍﮎﮏ
र निःसंदेह ‘‘यूनुस (अलैहिस्सलाम))’’ पनि पैगम्बरमध्येका थिए ।
ﮐﮑﮒﮓﮔﮕ
जब भागेर भरिएको डुङ्गामा आइपुगे ।
ﮖﮗﮘﮙﮚ
अनि त्यसबेला गोला हाल्दा उनको नाम पर्यो ।
ﮛﮜﮝﮞﮟ
अनि माछाले उनलाई निलिहाल्यो र उनी आफूलाई धिक्कार्न थालेका थिए ।
ﮠﮡﮢﮣﮤﮥ
अतः यदि उनले (अल्लाहको) पवित्रताको गुणगान् नगरेको भए ।
ﮦﮧﮨﮩﮪﮫﮬ
त त्यस दिनसम्म जबकि मानिसहरू पुनः जीवित गरिनेछन्, उसैको पेटमा रहन्थे ।
ﮭﮮﮯﮰﮱﯓ
अन्ततः हामीले उनलाई जब कि उनी बिरामी थिए, खुल्ला मैदानमा हालिदियौं ।
ﯔﯕﯖﯗﯘﯙ
र उनीमाथि हामीले छायाँ गर्ने एउटा बोट उमार्यौं ।
ﯚﯛﯜﯝﯞﯟﯠ
र हामीले उनलाई एक लाख वा त्यसभन्दा पनि धेरै मानिसहरूतिर (पैगम्बर बनाएर) पठायौं ।
ﯡﯢﯣﯤﯥ
अनि उनीहरूले ईमान ल्याए र हामीले उनीहरूलाई एक अवधिसम्म सुख भोग्ने अवसर प्रदान गर्यौं ।
ﯦﯧﯨﯩﯪﯫ
उनीहरूसित सोधः ‘‘के तिम्रो पालनकर्ताका छोरीहरू र यिनीहरूका छोराहरू छन्
ﯬﯭﯮﯯﯰﯱﯲ
वा हामीले फरिश्ताहरूलाई स्त्री बनाउँदा उनीहरू (त्यसबेला) उपस्थित थिए ?’’
ﯳﯴﯵﯶﯷﯸ
सावधान रह, यिनीहरू आफूले झूठा रचेको (कुरा) मात्र भन्दछन् ।
ﯹﯺﯻﯼﯽ
कि ‘‘अल्लाहका सन्तान छन् ।’’ निःसन्देह यिनीहरू एकदम झूठा हुन् ।
ﯾﯿﰀﰁﰂ
के अल्लाहले आफ्नो लागि छोराहरूको दाँजोमा छोरीहरूलाई रुचाएको छ
ﭑﭒﭓﭔﭕ
तिमीलाई के भएको छ । कस्तो न्याय गर्दछौ
ﭖﭗﭘ
के तिमीले यति पनि बुझ्दैनौ
ﭙﭚﭛﭜﭝ
वा तिम्रो पासमा उसको कुनै प्रमाण छ
ﭞﭟﭠﭡﭢﭣ
यदि तिमी साँचो हौ भने, त आफ्नो किताब प्रस्तुत गर ।
ﭤﭥﭦﭧﭨﭩﭪﭫﭬﭭﭮﭯ
र उनीहरूले त अल्लाह र जिन्नहरूको बीचमा पनि नाता स्थापित गरेका छन्, हुन त जिन्नहरूलाई राम्ररी थाहा छ कि यस्तो कुरामा विश्वास गर्नेहरू अवश्य समातिएर (यातनामा) उपस्थित गराइनेछन् ।
ﭰﭱﭲﭳﭴ
उनीहरूले जेजति अल्लाहको बारेमा वर्णन गर्छन, अल्लाह त्यसबाट पूर्णरूपले पवित्र र उच्च छ ।
ﭵﭶﭷﭸﭹ
तर अल्लाहले विशिष्ट सेवकहरूलाई (यातनामा पार्नेछैन) ।
ﭺﭻﭼﭽ
विश्वास गर तिमी र जसलाई तिमी पूज्दछौ ।
ﭾﭿﮀﮁﮂ
(अल्लाहको विरोधमा) कसैलाई विचलित गराउन सक्दैनन् ।
ﮃﮄﮅﮆﮇﮈ
तिनीहरू बाहेक जो नर्कमा जानेवाला (नर्कीय) छन् ।
ﮉﮊﮋﮌﮍﮎﮏ
र (फरिश्ताहरू भन्दछन् कि) हामीमध्ये प्रत्येकको एक स्थान निश्चित छ ।
ﮐﮑﮒﮓ
र हामी त (स्वर्गदूत) अल्लाहको भक्तिमा आफ्नो स्थानमा पंक्तिवद्ध छौं ।
ﮔﮕﮖﮗ
र अल्लाहको महानता र श्रेष्ठता बयान (वर्णन) गर्दछौं ।
ﮘﮙﮚﮛ
काफिरहरूले भन्ने गर्दथे
ﮜﮝﮞﮟﮠﮡﮢ
कि ‘‘यदि हाम्रो समक्ष पहिलेका मानिसहरूको वर्णन भएको भए ।
ﮣﮤﮥﮦﮧ
त हामी पनि अल्लाहका विशिष्ट सेवक हुनेथ्यौं ।’’
ﮨﮩﮪﮫﮬﮭ
तर फेरि यस कुरआनसँग कुफ्र गर्न पुगे, तसर्थ अब शीघ्र नै उनीहरूलाई (परिणाम) थाहा भइहाल्नेछ ।
ﮮﮯﮰﮱﯓﯔ
र हाम्रो (सन्देश पुर्याउने) रसूलहरूसित हाम्रो वायदा (वचन) पहिला नै भइसकेको छ ।
ﯕﯖﯗﯘ
कि निश्चय नै उनीहरूको सहायता गरिनेछ ।
ﯙﯚﯛﯜﯝ
र निश्चय नै हाम्रो सेना नै प्रभावि रहनेछन्
ﯞﯟﯠﯡﯢ
अतः एक अवधिसम्म तपाई उनीहरूसित विमुख रहनु
ﯣﯤﯥﯦ
र उनीहरूलाई हेरिराख्नुस् । र यिनीहरूले पनि शीघ्र नै (कुफ्रको परिणाम) देखिहाल्नेछन् ।
ﯧﯨﯩ
के उनीहरू हाम्रो यातनाको निम्ति हतार गरिराखेका छन् ।
ﯪﯫﯬﯭﯮﯯﯰ
तर जब हाम्रो यातना उनीहरूको आँगनमा उत्रन्छ तब जसलाई भय सुनाइएको थियो, उनीहरूको निम्ति नराम्रो दिन हुनेछ ।
ﯱﯲﯳﯴﯵ
एक अवधिसम्म तपाईले उनीहरूको विचार छोडिदिनुस् ।
ﯶﯷﯸﯹ
र हेर्दै गर्नुस्, यिनीहरूले पनि शीघ्र नै (परिणाम) देखिहाल्नेछन् ।
ﯺﯻﯼﯽﯾﯿﰀ
पवित्र छ तपाईको पालनकर्ता जो धेरै सम्मानित र मुक्त छ ती कुराहरूबाट जुन यिनीहरूले वर्णन गर्दछन् ।
ﰁﰂﰃﰄ
पैगम्बरहरू माथि सलाम छ ।
ﰅﰆﰇﰈﰉ
र सम्पूर्ण प्रशंसा अल्लाहको लागि छ जो सम्पूर्ण जगतको पालनकर्ता हो ।
पवित्र कुरान
Tuesday, August 18, 2026
Don't forget us in your sincere prayers
Featured Reciters
सअद अल-गामदी पवित्र कुरान mp3
Complete Recitation — حفص عن عاصم
अब्दुल बासित पवित्र कुरान mp3
Complete Recitation — حفص عن عاصم
मिशारी राशिद अल-अफासी पवित्र कुरान mp3
Complete Recitation — حفص عن عاصم
महमूद खलील अल-हुसरी पवित्र कुरान mp3
Complete Recitation — حفص عن عاصم
मुहम्मद सिद्दिक अल-मिन्शावी पवित्र कुरान mp3
Complete Recitation — حفص عن عاصم
अब्दुर्रहमान अस-सुदैस पवित्र कुरान mp3
Complete Recitation — حفص عن عاصم
सौद अश-शुरैम पवित्र कुरान mp3
Complete Recitation — حفص عن عاصم
माहिर अल-मुऐकली पवित्र कुरान mp3
Complete Recitation — حفص عن عاصم