Saffot surasi pdf O'zbek

PDF —

182 Oyat Meccan PDF

Built right in your browser — download starts automatically

Saffot surasi pdf — Yuklab olish (O'zbek)

Saffot surasi pdf O'zbek — Yuklab olish Saffot surasi Tarjima. Saffot surasi (Meccan) 182 Oyat.

More Sura PDF

Baqara Oli Imron Niso Moida Yusuf Ibrohim Hijr Kahf Maryam Haj Qasos Ankabut Sajda Yosin Duxon Fath Hujurot Qof Najm Rahmon Voqia Hashr Mulk Haqqa Inshiqoq A'lo G'oshiya

📚 Oʻqish 🎧 Tingla mp3 📜 Muqaddas Quron

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Saffot surasi

182 Oyat · Meccan · O'zbek

ﭑﭒﭓ

37:1 Сафда тизилиб турувчилар ила қасам.

ﭔﭕﭖ

37:2 Зажр (қилинадиганларни) зажр қилгувчилар ила қасам.

ﭗﭘﭙ

37:3 Зикрни тиловат қилгувчилар ила қасам.

ﭚﭛﭜﭝ

37:4 Албатта, илоҳингиз ягонадир.

ﭞﭟﭠﭡﭢﭣﭤﭥ

37:5 У зот осмонлару ернинг ва иккиси орасидаги нарсаларнинг Роббидир. Ва машриқларнинг Роббидир.

ﭦﭧﭨﭩﭪﭫﭬ

37:6 Албатта, Биз бу дунё осмонини юлдузлар зийнати-ла зийнатладик.

ﭭﭮﭯﭰﭱﭲ

37:7 Ва ҳар бир итоатсиз шайтондан сақлаш учун.

ﭳﭴﭵﭶﭷﭸﭹﭺﭻﭼ

37:8 Улар юксак тўплиққа қулоқ сола олмаслар ва ҳар томондан (учқун-ла) отилурлар.

ﭽﭾﭿﮀﮁﮂ

37:9 Ҳайдалурлар! Улар учун узлуксиз азоб бордир.

ﮃﮄﮅﮆﮇﮈﮉﮊ

37:10 Магар бирорта сўзни ўғриликча тинглаган шахс бўлса, уни ёқгувчи олов таъқиб этар.

ﮋﮌﮍﮎﮏﮐﮑﮒﮓﮔﮕﮖﮗﮘ

37:11 Бас, сен улардан сўра: уларни яратиш қийинроқмикан ёки Биз яратган зотларни?! Албатта, Биз уларни ёпишқоқ лойдан яратдик.

ﮙﮚﮛﮜ

37:12 Балки сен ажабландинг, улар эса масхара қилурлар.

ﮝﮞﮟﮠﮡ

37:13 Қачонки эслатилсалар, эсламаслар.

ﮢﮣﮤﮥﮦ

37:14 Қачонки бирор оят-белгини кўрсалар, қаттиқроқ масхара қилурлар.

ﮧﮨﮩﮪﮫﮬﮭ

37:15 Улар: «Бу (Қуръон) очиқ-ойдин сеҳрдан бошқа нарса эмас.

ﮮﮯﮰﮱﯓﯔﯕﯖ

37:16 Ўлсак-да, тупроқ ва суяк бўлсак-да, албатта, Биз қайта тирилтирилурмизми?!

ﯗﯘﯙ

37:17 Аввалги ота-боболаримиз ҳам-а?!» дедилар.

ﯚﯛﯜﯝﯞ

37:18 Сен: «Ҳа! Хор бўлган ҳолларингизда!» дегин.

ﯟﯠﯡﯢﯣﯤﯥﯦ

37:19 Бас, у фақатгина бир қичқириқдан иборат, холос. Бас, бирдан улар назар солиб турибдилар-да!

ﯧﯨﯩﯪﯫﯬ

37:20 Ва улар: «Воҳ, шўримиз қурисин! Бу жазо куни-ку!» дерлар.

ﯭﯮﯯﯰﯱﯲﯳﯴ

37:21 Бу сизлар ёлғонга чиқариб юрган ажрим кунидир.

ﯵﯶﯷﯸﯹﯺﯻﯼﯽ

37:22 Зулм қилганларни, уларнинг жуфтларини ва улар ибодат қилиб юрган нарсаларини тўпланг.

ﯾﯿﰀﰁﰂﰃﰄﰅ

37:23 Аллоҳдан ўзга. Бас, уларни жаҳийм йўлига ҳидоят қилинг»(дейилур).

ﰆﰇﰈﰉﰊ

37:24 Ва уларни тўхтатинглар! Албатта, улар сўралгувчидирлар.

ﭑﭒﭓﭔﭕ

37:25 Сизларга нима бўлди? Ўзаро ёрдамлашмаяпсиз?!

ﭖﭗﭘﭙﭚ

37:26 Йўқ! Улар бугунги кунда таслим бўлгувчилардир.

ﭛﭜﭝﭞﭟﭠ

37:27 Улар бир-бирларига савол берурлар.

ﭡﭢﭣﭤﭥﭦﭧ

37:28 Улар: «Албатта, сизлар бизга ўнг томондан келар эдингиз», дерлар.

ﭨﭩﭪﭫﭬﭭ

37:29 Улар: «Йўқ! Сиз ўзингиз мўмин бўлмаган эдингиз.

ﭮﭯﭰﭱﭲﭳﭴﭵﭶﭷﭸﭹ

37:30 Бизнинг устингиздан ҳукмронлигимиз бўлмаган эди. Йўқ! Сиз ўзингиз туғёнга кетган қавм эдингиз.

ﭺﭻﭼﭽﭾﭿﮀﮁ

37:31 Бас, ҳаммамизга Роббимизнинг (азоб) сўзи ҳақ бўлди. Албатта, биз тотгувчилармиз.

ﮂﮃﮄﮅﮆ

37:32 Ҳа, биз сизларни иғво қилдик. Албатта, биз иғво қилгувчи эдик», дерлар.

ﮇﮈﮉﮊﮋﮌ

37:33 Бас, улар у кунда азобда шерик бўлгувчилардир.

ﮍﮎﮏﮐﮑ

37:34 Албатта, Биз жиноятчиларга шундоқ қилурмиз.

ﮒﮓﮔﮕﮖﮗﮘﮙﮚﮛﮜ

37:35 Чунки, уларга қачонки «Ла илаҳа иллоллоҳу», дейилса, мутакаббирлик қилар эдилар.

ﮝﮞﮟﮠﮡﮢﮣ

37:36 «Ахир биз бир жинни шоирни деб ўз худоларимизни тарк қилгувчи бўлайликми?!» дер эдилар.

ﮤﮥﮦﮧﮨﮩ

37:37 Йўқ! У ҳақни келтирди ва Пайғамбарларни тасдиқ қилди.

ﮪﮫﮬﮭﮮ

37:38 Албатта, сиз аламли азобни тотгувчидирсиз.

ﮯﮰﮱﯓﯔﯕﯖ

37:39 Қилиб ўтган нарсангиздан бошқа нарсанинг жазосини олмассиз.

ﯗﯘﯙﯚﯛ

37:40 Магар Аллоҳнинг ихлосли бандалари.

ﯜﯝﯞﯟﯠ

37:41 Ана ўшаларга, ўзларига маълум ризқ бордир.

ﯡﯢﯣﯤ

37:42 Мева-чевалар бордир. Улар икром қилинган ҳолларида...

ﯥﯦﯧﯨ

37:43 Наъийм жаннатларида...

ﯩﯪﯫﯬ

37:44 Сўрилар устида бир-бирларига қараган ҳолларида бўлурлар.

ﯭﯮﯯﯰﯱﯲ

37:45 Уларга оқар чашмадан қадаҳлар айлантириб турилур.

ﯳﯴﯵﯶ

37:46 Оппоқ, ичгувчига лаззатбахшдир.

ﯷﯸﯹﯺﯻﯼﯽﯾ

37:47 Унда ҳеч бир зарар йўқдир ва ундан сархуш ҳам бўлмаслар.

ﯿﰀﰁﰂﰃ

37:48 Олдиларида кўзларини (бегоналардан) тийгувчи шаҳло кўзлилар бордир.

ﰄﰅﰆﰇ

37:49 Улар худди асраб қўйилган тухумга ўхшарлар.

ﰈﰉﰊﰋﰌﰍ

37:50 Бас, улар бир-бирларидан сўрай бошлайдилар.

ﰎﰏﰐﰑﰒﰓﰔﰕ

37:51 Ичларидан бир сўзловчи: «Аниқки, менинг бир дўстим бор эди.

ﭑﭒﭓﭔﭕ

37:52 У: «Сен ҳам тасдиқловчиларданмисан?!

ﭖﭗﭘﭙﭚﭛﭜﭝ

37:53 Ўлиб, тупроқ ва суяклар бўлиб кетсак ҳам, албатта, жазоланадиганлардан бўлурмизми?!» дер эди.

ﭞﭟﭠﭡﭢ

37:54 Сизлар ҳам қараяпсизларми?» деди.

ﭣﭤﭥﭦﭧﭨ

37:55 Бас, ўзи қараб, уни дўзахнинг ўртасида кўрди.

ﭩﭪﭫﭬﭭﭮ

37:56 У: «Аллоҳга қасамки, мени ҳам ҳалок қилишингга оз қолган экан.

ﭯﭰﭱﭲﭳﭴﭵ

37:57 Агар Роббимнинг неъмати бўлмаганида, мен ҳам (дўзахга) ҳозир қилинганлардан бўлур эдим.

ﭶﭷﭸﭹ

37:58 Биз ўлгувчи эмас эканмизми?!

ﭺﭻﭼﭽﭾﭿﮀ

37:59 Фақат биринчи ўлимимиздан бошқа?! Биз азоблангувчи эмас эканмизми?!» деди.

ﮁﮂﮃﮄﮅﮆ

37:60 Албатта, бу айни улуғ ютуқдир.

ﮇﮈﮉﮊﮋ

37:61 Бас, амал қилгувчилар мана шунга ўхшаш нарса учун амал этсинлар.

ﮌﮍﮎﮏﮐﮑﮒ

37:62 Манзил ўлароқ ана ўша яхшими ёки заққум дарахтими?

ﮓﮔﮕﮖﮗ

37:63 Албатта, Биз у(дарахт)ни золимлар учун фитна қилдик.

ﮘﮙﮚﮛﮜﮝﮞ

37:64 Дарҳақиқат, у бир дарахт бўлиб, дўзах қаъридан чиқур.

ﮟﮠﮡﮢﮣ

37:65 Унинг (мева) тугар жойи, худди шайтонларнинг бошларига ўхшайдир.

ﮤﮥﮦﮧﮨﮩﮪ

37:66 Бас, албатта, улар ундан егувчилардир. Ундан қоринларни тўлдиргувчилардир.

ﮫﮬﮭﮮﮯﮰﮱﯓ

37:67 Сўнгра, бунинг устига, улар учун ўта қайноқ сувдан аралаштирма ҳам бор.

ﯔﯕﯖﯗﯘﯙ

37:68 Сўнгра, албатта, уларнинг қайтар жойи жаҳаннамга бўлур.

ﯚﯛﯜﯝﯞ

37:69 Чунки улар ўз оталарини адашган ҳолда топдилар.

ﯟﯠﯡﯢﯣ

37:70 Энди эса, улар ўшаларнинг изидан чопмоқдалар.

ﯤﯥﯦﯧﯨﯩ

37:71 Батаҳқиқ, улардан олдин аввалгиларнинг кўплари адашганлар.

ﯪﯫﯬﯭﯮ

37:72 Батаҳқиқ, Биз ичларига огоҳлантиргувчилар юбордик.

ﯯﯰﯱﯲﯳﯴ

37:73 Бас, огоҳлантирилганларнинг оқибати қандоқ бўлганига назар сол.

ﯵﯶﯷﯸﯹ

37:74 Магар ихлосли бандаларимизгина ҳалокатга учрамадилар.

ﯺﯻﯼﯽﯾﯿ

37:75 Батаҳқиқ, Бизга Нуҳ нидо қилди. Бас, нақадар яхши ижобат қилгувчимиз.

ﰀﰁﰂﰃﰄﰅ

37:76 Ва Биз унга ва унинг аҳлига улуғ ғамдан нажот бердик.

ﭑﭒﭓﭔﭕ

37:77 Ва унинг зурриётларини, ўзларини боқий қолгувчилар қилдик.

ﭖﭗﭘﭙﭚ

37:78 Ва кейингилар ичида унинг учун (олқишлар) қолдирдик.

ﭛﭜﭝﭞﭟﭠ

37:79 Барча оламларда Нуҳга салом бўлсин!

ﭡﭢﭣﭤﭥ

37:80 Албатта, Биз гўзал амал қилгувчиларни мана шундай мукофотлармиз.

ﭦﭧﭨﭩﭪ

37:81 Албатта, у мўмин бандаларимиздандир.

ﭫﭬﭭﭮ

37:82 Сўнгра қолганларни ғарқ қилдик.

ﭯﭰﭱﭲﭳﭴ

37:83 Албатта, Иброҳим ҳам унинг гуруҳидандир.

ﭵﭶﭷﭸﭹﭺ

37:84 Ўшанда у ўз Роббига соғлом қалб ила келмишди.

ﭻﭼﭽﭾﭿﮀﮁ

37:85 Ўшанда отасига ва қавмига: «Нимага ибодат қилмоқдасиз?!

ﮂﮃﮄﮅﮆﮇ

37:86 Аллоҳдан ўзга уйдирма илоҳларни хоҳлайсизларми?!

ﮈﮉﮊﮋﮌ

37:87 Оламларнинг Робби ҳақида нима гумонингиз бор?!» демишди.

ﮍﮎﮏﮐﮑ

37:88 У юлдузларга бир назар солди

ﮒﮓﮔﮕ

37:89 Ва: «Албатта, мен беморман» деди.

ﮖﮗﮘﮙ

37:90 Дарҳол, ундан юз ўгириб юриб кетдилар.

ﮚﮛﮜﮝﮞﮟﮠ

37:91 Бас, тезда уларнинг худоларига бурилди ва: «Қани, емайсизларми?!

ﮡﮢﮣﮤﮥ

37:92 Сизга нима бўлди?! Гапирмайсизларми?!» деди.

ﮦﮧﮨﮩﮪ

37:93 Сўнг уларга яқинлашиб, ўнг қўл билан ура бошлади.

ﮫﮬﮭﮮ

37:94 Улар у томон шошиб, бир-бирларини туртиб кела бошлади.

ﮯﮰﮱﯓﯔ

37:95 У: «Ўзингиз йўниб ясаган нарсага ибодат қиласизларми?!

ﯕﯖﯗﯘﯙ

37:96 Ҳолбуки, сизни ҳам, қолган нарсаларингизни ҳам Аллоҳ яратган-ку?!» деди.

ﯚﯛﯜﯝﯞﯟﯠﯡ

37:97 Улар: «Унинг учун (ўчоқ) бино қилинглар, бас, уни гулханга отинглар!» дедилар.

ﯢﯣﯤﯥﯦﯧ

37:98 Бас, улар унга макр-ҳийлани ирода қилишди. Биз уларни тубан қилдик.

ﯨﯩﯪﯫﯬﯭﯮ

37:99 У: «Албатта, мен Роббимга боргувчиман. У мени ҳидоят қилур.

ﯯﯰﯱﯲﯳﯴ

37:100 Роббим, менга солиҳлардан ато эт», деди.

ﯵﯶﯷﯸ

37:101 Бас, Биз унга бир ҳалим ўғилнинг хушхабарини бердик.

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕ

37:102 Бас, қачонки (бола) унинг ўзи билан бирга юрадиган бўлганида: «Эй ўғилчам, мен тушимда сени сўяётганимни кўрмоқдаман, боқиб кўр, нима дейсан?» деди. У: «Эй отажон, сенга амр этилганни бажар, инша Аллоҳ, мени сабр қилгувчилардан топурсан», деди.

ﭑﭒﭓﭔﭕ

37:103 Икковлари таслим бўлиб, уни пешонасича ётқизганида.

ﭖﭗﭘﭙ

37:104 Биз унга нидо қилдик: «Эй Иброҳим!

ﭚﭛﭜﭝﭞﭟﭠﭡﭢ

37:105 Батаҳқиқ, сен тушни тасдиқ қилдинг! Албатта, биз гўзал иш қилгувчиларни мана шундай мукофотлаймиз», деб.

ﭣﭤﭥﭦﭧﭨ

37:106 Албатта, бу очиқ-ойдин синовнинг айни ўзидир.

ﭩﭪﭫﭬ

37:107 Биз унинг ўрнига катта қурбонлик фидо қилдик.

ﭭﭮﭯﭰﭱ

37:108 Ва кейингилар ичида унинг учун (олқишлар) қолдирдик.

ﭲﭳﭴﭵ

37:109 Иброҳимга салом бўлсин!

ﭶﭷﭸﭹ

37:110 Биз гўзал амал қилгувчиларни шундай мукофотлармиз.

ﭺﭻﭼﭽﭾ

37:111 Чунки у мўмин бандаларимиздандир.

ﭿﮀﮁﮂﮃﮄ

37:112 Яна Биз унга солиҳлардан бир Пайғамбар бўлажак Исҳоқнинг хушхабарини бердик.

ﮅﮆﮇﮈﮉﮊﮋﮌﮍﮎﮏﮐ

37:113 Ва унга ҳам, Исҳоққа ҳам барака бердик. Икковларининг зурриётидан гўзал амал қилгувчи ҳам, ўзига очиқ-ойдин зулм қилгувчи ҳам бўлур.

ﮑﮒﮓﮔﮕﮖ

37:114 Батаҳқиқ, Биз Мусо ва Ҳорунга неъмат бердик.

ﮗﮘﮙﮚﮛﮜ

37:115 Икковларига ва қавмларига катта ғамдан нажот бердик.

ﮝﮞﮟﮠﮡ

37:116 Ва уларга нусрат бердик, бас, улар ғолиб бўлдилар.

ﮢﮣﮤﮥ

37:117 Ва Биз икковларига равшану комил баёнли китобни бердик.

ﮦﮧﮨﮩ

37:118 Ва икковларини сиротул мустақиймга ҳидоят қилдик.

ﮪﮫﮬﮭﮮ

37:119 Ва кейингилар ичида икковлари учун (олқишлар) қолдирдик.

ﮯﮰﮱﯓﯔ

37:120 Мусо ва Ҳорунга салом бўлсин!

ﯕﯖﯗﯘﯙ

37:121 Биз гўзал амал қилгувчиларни мана шундай мукофотлармиз.

ﯚﯛﯜﯝﯞ

37:122 Чунки икковлари мўмин бандаларимиздандирлар.

ﯟﯠﯡﯢﯣ

37:123 Албатта, Илёс ҳам Пайғамбарлардандир.

ﯤﯥﯦﯧﯨﯩ

37:124 Ўшанда у қавмига: «Тақво қилмайсизми?!

ﯪﯫﯬﯭﯮﯯ

37:125 Баълга ибодат қилиб, яратувчиларнинг энг яхшисини.

ﯰﯱﯲﯳﯴﯵ

37:126 Ўз Роббингизни ва аввалги ота-боболарингизнинг Робби Аллоҳни тарк этасизми?!» деди.

ﭑﭒﭓﭔ

37:127 Бас, уни ёлғончи қилдилар. Энди, албатта, улар (азобга) ҳозир қилингувчилардир.

ﭕﭖﭗﭘﭙ

37:128 Магар Аллоҳнинг мухлис бандаларигина (мустаснодир).

ﭚﭛﭜﭝﭞ

37:129 Ва кейингилар ичида унинг учун (олқишлар) қолдирдик.

ﭟﭠﭡﭢﭣ

37:130 Илиёсийнга салом бўлсин.

ﭤﭥﭦﭧﭨ

37:131 Биз гўзал амал қилгувчиларни мана шундай мукофотлармиз.

ﭩﭪﭫﭬﭭ

37:132 Чунки у мўмин бандаларимиздандир.

ﭮﭯﭰﭱﭲ

37:133 Албатта, Лут ҳам Пайғамбарлардандир.

ﭳﭴﭵﭶﭷ

37:134 Ўшанда Биз унга ва унинг аҳлига, ҳаммаларига нажот бердик.

ﭸﭹﭺﭻﭼ

37:135 Магар бир кампиргина (азобда) қолгувчилардан бўлди.

ﭽﭾﭿﮀ

37:136 Сўнгра қолганларини ҳалок этдик.

ﮁﮂﮃﮄﮅ

37:137 Албатта, сиз уларнинг устидан ўтиб турурсизлар. Эрталаб.

ﮆﮇﮈﮉﮊ

37:138 Ва кечда ҳам. Ақл юритмайсизларми?!

ﮋﮌﮍﮎﮏ

37:139 Албатта, Юнус ҳам Пайғамбарлардандир.

ﮐﮑﮒﮓﮔﮕ

37:140 Ўшанда у тўлган кемага қочди.

ﮖﮗﮘﮙﮚ

37:141 Бас, қуръа ташлашди ва у мағлублардан бўлди.

ﮛﮜﮝﮞﮟ

37:142 Бас, уни маломатга лойиқ бўлган ҳолида наҳанг балиқ ютди.

ﮠﮡﮢﮣﮤﮥ

37:143 Агар у кўп тасбиҳ айтгувчилардан бўлмаганида эди.

ﮦﮧﮨﮩﮪﮫﮬ

37:144 Унинг қорнида қайта тирилтирадиган кунгача қолиб кетар эди.

ﮭﮮﮯﮰﮱﯓ

37:145 Бас, Биз уни бемор ҳолида майдонга отдик.

ﯔﯕﯖﯗﯘﯙ

37:146 Ва унинг устига қовоқ дарахтини ўстириб қўйдик.

ﯚﯛﯜﯝﯞﯟﯠ

37:147 Ва уни юз минг ёки ундан кўпроққа Пайғамбар қилиб юбордик.

ﯡﯢﯣﯤﯥ

37:148 Бас, иймон келтирдилар. Кейин Биз уларни маълум муддат баҳраманд қилдик.

ﯦﯧﯨﯩﯪﯫ

37:149 Бас, у(мушрик)лардан сўра-чи, Роббингга қизлар-у, уларга ўғиллар эканми?!

ﯬﯭﯮﯯﯰﯱﯲ

37:150 Ёки Биз фаришталарни қиз қилиб яратганмизу улар гувоҳ бўлиб турганларми?

ﯳﯴﯵﯶﯷﯸ

37:151 Огоҳ бўлингким! Улар ўз уйдирмаларида дерлар:

ﯹﯺﯻﯼﯽ

37:152 «Аллоҳ туғди». Албатта, улар ёлғончилардир.

ﯾﯿﰀﰁﰂ

37:153 У зот ўғилларини қўйиб қизларни танлаб олибдими?

ﭑﭒﭓﭔﭕ

37:154 Сизга нима бўлди?! Қандай ҳукм чиқармоқдасиз?

ﭖﭗﭘ

37:155 Ахир эсламайсизларми?!

ﭙﭚﭛﭜﭝ

37:156 Ёки сизда очиқ-ойдин ҳужжат борми?!

ﭞﭟﭠﭡﭢﭣ

37:157 Агар ростгўйлардан бўлсангиз, китобингизни келтиринг!

ﭤﭥﭦﭧﭨﭩﭪﭫﭬﭭﭮﭯ

37:158 Ва улар У билан жинлар орасида насаб (даъвоси) қилдилар. Ҳолбуки, жинлар ўзларининг, албатта, (азобга) ҳозир қилингувчиликларини билганлар.

ﭰﭱﭲﭳﭴ

37:159 Аллоҳ улар васф қилган нарсадан покдир.

ﭵﭶﭷﭸﭹ

37:160 Фақат Аллоҳнинг ихлосли бандаларигина (мустаснодир).

ﭺﭻﭼﭽ

37:161 Албатта, сиз ҳам, сиз ибодат қилаётган нарсалар ҳам.

ﭾﭿﮀﮁﮂ

37:162 У зотга қарши фитнага солгувчи бўла олмассиз.

ﮃﮄﮅﮆﮇﮈ

37:163 Ўзи (аслида) жаҳаннамга киргувчи кимсадан бошқани.

ﮉﮊﮋﮌﮍﮎﮏ

37:164 Биздан ҳар биримизнинг маълум мақоми бордир.

ﮐﮑﮒﮓ

37:165 Албатта, бизлар саф тортиб тургувчилармиз.

ﮔﮕﮖﮗ

37:166 Ва, албатта, бизлар тасбиҳ айтгувчилармиз.

ﮘﮙﮚﮛ

37:167 Ҳолбуки, улар дер эдилар:

ﮜﮝﮞﮟﮠﮡﮢ

37:168 «Агар бизнинг ҳузуримизда ҳам аввалгилардан бир эслатма бўлганида.

ﮣﮤﮥﮦﮧ

37:169 Албатта, Аллоҳнинг ихлосли бандаларидан бўлар эдик».

ﮨﮩﮪﮫﮬﮭ

37:170 Бас, унга куфр келтирдилар. Энди яқинда билурлар.

ﮮﮯﮰﮱﯓﯔ

37:171 Батаҳқиқ, Пайғамбар этиб юборилган бандаларимизга сўзимиз ўтгандир.

ﯕﯖﯗﯘ

37:172 Албатта, улар, ҳа, уларгина нусрат топишлари.

ﯙﯚﯛﯜﯝ

37:173 Ва, албатта, Бизнинг лашкаримизгина ғолиб бўлиши ҳақида.

ﯞﯟﯠﯡﯢ

37:174 Бас, сен улардан бир вақтгача юз ўгир.

ﯣﯤﯥﯦ

37:175 Ва уларнинг (томошасини) кўр! Бас, тезда ўзлари ҳам кўрурлар.

ﯧﯨﯩ

37:176 Ҳали улар Бизнинг азобимизни шошилтирмоқдамилар?!

ﯪﯫﯬﯭﯮﯯﯰ

37:177 Қачонки, у уларнинг ҳовлисига тушганида, огоҳлантирилганларнинг тонги жуда ёмон бўлур.

ﯱﯲﯳﯴﯵ

37:178 Бас, сен улардан бир вақтгача юз ўгир.

ﯶﯷﯸﯹ

37:179 Ва уларнинг (томошасини) кўр! Бас, тезда ўзлари ҳам кўрурлар.

ﯺﯻﯼﯽﯾﯿﰀ

37:180 Сенинг Роббинг, иззат Робби улар қилган васфдан покдир.

ﰁﰂﰃﰄ

37:181 Ва Пайғамбарларга салом бўлсин!

ﰅﰆﰇﰈﰉ

37:182 Оламларнинг Робби Аллоҳга ҳамдлар бўлсин!

Muqaddas Qur'on

Wednesday, September 9, 2026

Don't forget us in your sincere prayers