سوره صافات
PDF —
182 آيت Meccan PDF
Built right in your browser — download starts automatically

سوره صافات pdf — ڊائونلوڊ (سنڌي)

سوره صافات pdf سنڌي — ڊائونلوڊ سوره صافات ترجمو. سوره صافات (Meccan) 182 آيت.

→ یسسوره صافات ص ←

Related

More سوره PDF

بقرہ آل عمران نساء مائدہ یوسف ابراہیم حجر کہف مریم حج قصص عنکبوت سجدہ یس دخان فتح حجرات ق نجم رحمن واقعہ حشر ملک حاقہ انشقاق اعلی غاشیہ

📚 پڙهو 🎧 ٻڌو mp3 📜 قرآن ڪريم

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली
182 آيت · Meccan · سنڌي
bismillah
ﭑﭒﭓ
37:1 (پنھنجي پالڻھار وٽ) قطار ڪري صفن ٻڌڻ وارن (ملائڪن) جو قسم آھي.
ﭔﭕﭖ
37:2 پوءِ جھڻڪ ڏيئي (شيطانن) کي ڌمڪائڻ وارن (ملائڪن) جو قسم آھي.
ﭗﭘﭙ
37:3 پوءِ (قرآن) پڙھڻ واري جماعت جو قسم آھي.
ﭚﭛﭜﭝ
37:4 ته اوھان جو معبُود ھڪڙو (ئي) آھي.
ﭞﭟﭠﭡﭢﭣﭤﭥ
37:5 (جو اُھو) آسمانن ۽ زمين جو ۽ جيڪي اُنھن ٻنھي جي وچ ۾ آھي تنھن جو پالڻھار آھي ۽ (اُھو) اُڀرڻ (۽ لَھڻ) وارن طرفن جو (به) پالڻھار آھي.
ﭦﭧﭨﭩﭪﭫﭬ
37:6 بيشڪ اسان دُنيا جي آسمانن کي تارن جي سونھن سان سينگاريو.
ﭭﭮﭯﭰﭱﭲ
37:7 ۽ سڀڪنھن سرڪش شيطان کان (انھيءَ) کي نگاھ رکيوسون.
ﭳﭴﭵﭶﭷﭸﭹﭺﭻﭼ
37:8 ته (شيطان) مَلَاءِ الۡاَعۡلىٰ ڏانھن ڪن ڏيئي (ڳالھيون) نه ٻڌن ۽ سڀڪنھن طرف کان (اُنھن ڏانھن) اُماڙيون اُڇلبيون آھن.
ﭽﭾﭿﮀﮁﮂ
37:9 (اُنھن جي) تڙڻ لاءِ ۽ اُنھن لاءِ ھميشه جو عذاب آھي.
ﮃﮄﮅﮆﮇﮈﮉﮊ
37:10 پر جنھن (چوريءَ ڪن ڏئي مَلَاءِاَعۡلىٰ جي ڳالھين مان ڪنھن ڳالھ کي) جھٽيو تنھن جي پوئتان ٻرندڙ اُماڙي پوندي آھي.
ﮋﮌﮍﮎﮏﮐﮑﮒﮓﮔﮕﮖﮗﮘ
37:11 پوءِ کانئن پُڇ ته اُھي پيدا ڪرڻ ۾ تمام مشڪل آھن ڇا يا (ذڪر ڪيل شيون) جن کي اسان بڻايو آھي؟ بيشڪ اسان کين چيڪيءَ مٽيءَ مان بڻايو.
ﮙﮚﮛﮜ
37:12 بلڪ (ڪافرن جي حال کان) عجب ڪيئي ۽ اُھي ٺـٺوليون ڪندا آھن.
ﮝﮞﮟﮠﮡ
37:13 ۽ جڏھن سمجھائبو اٿن (تڏھن) نه سمجھندا آھن.
ﮢﮣﮤﮥﮦ
37:14 ۽ جڏھن (ھو) ڪا نشاني ڏسن (تڏھن) ٺـٺوليون ڪندا آھن.
ﮧﮨﮩﮪﮫﮬﮭ
37:15 ۽ چوندا آھن ته ھيءُ (قرآن) رڳو پڌرو جادو آھي.
ﮮﮯﮰﮱﯓﯔﯕﯖ
37:16 ھان جڏھن مرنداسون ۽ مٽي ۽ ھڏا ٿينداسون (تڏھن) اسين وري (جيئرا ٿي) کڙا ٿينداسون ڇا؟
ﯗﯘﯙ
37:17 اسان جا اڳيان پيءُ ڏاڏا به (اٿاربا) ڇا؟
ﯚﯛﯜﯝﯞ
37:18 چؤ ته ھائو (اُٿاربا) حالانڪ اوھين خوار ھوندؤ.
ﯟﯠﯡﯢﯣﯤﯥﯦ
37:19 پوءِ اُھو (کڙو ٿيڻ) رڳو ھڪ سخت جھڻڪار ھوندي پوءِ اُھي اُتي جو اُتي ڏسڻ لڳندا.
ﯧﯨﯩﯪﯫﯬ
37:20 ۽ چوندا ته ھيء ارمان اسان لاءِ ھي بدلي (وٺڻ) جو ڏينھن آھي.
ﯭﯮﯯﯰﯱﯲﯳﯴ
37:21 (چئبن ته) نبيري جو ڏينھن جنھن کي اوھين ڪوڙو ڀائيندا ھيؤ سو ھي آھي.
ﯵﯶﯷﯸﯹﯺﯻﯼﯽ
37:22 (چئبو ته اي ملائڪو) ظالمن کي ۽ سندن سنگتين کي ۽ جن کي الله کانسواءِ پوڄيندا ھوا
ﯾﯿﰀﰁﰂﰃﰄﰅ
37:23 تن کي گڏ ڪريو پوءِ کين دوزخ جي واٽ ڏانھن ڏس ڏيو.
ﰆﰇﰈﰉﰊ
37:24 ۽ کين ترسايو جو بيشڪ کانئن پڇبو.
ﭑﭒﭓﭔﭕ
37:25 (ته) اوھان کي ڇا (ٿيو) آھي جو ھڪ ٻئي جي مدد نٿا ڪريو؟
ﭖﭗﭘﭙﭚ
37:26 بلڪ اُھي اڄ ڪنڌ نوائيندڙ آھن.
ﭛﭜﭝﭞﭟﭠ
37:27 ۽ ڪي ڪن ڏانھن مھاڙ ڪري ھڪ ٻئي کان پڇڻ لڳندا.
ﭡﭢﭣﭤﭥﭦﭧ
37:28 (ماڻھو پنھنجن سردارن کي) چوندا ته بيشڪ اوھين (گمراھ ڪرڻ لاءِ) سڄي (۽ کٻي) پاسي کان اسان وٽ ايندا ھُيؤ.
ﭨﭩﭪﭫﭬﭭ
37:29 (سردار) چوندا ته (نه!) بلڪ اوھين پاڻ مُسلمان نه ھُيؤ.
ﭮﭯﭰﭱﭲﭳﭴﭵﭶﭷﭸﭹ
37:30 ۽ اوھان تي اسان جو ڪو زور نه (ھلندو) ھو، بلڪ (اوھين) پاڻ حد کان لنگھيل قوم ھُيؤ.
ﭺﭻﭼﭽﭾﭿﮀﮁ
37:31 پوءِ اسان تي اسان جي پالڻھار جو چوڻ ثابت ٿيو ته بيش اسين (عذاب) چکندڙ ھُجون.
ﮂﮃﮄﮅﮆ
37:32 پوءِ اوھان کي گمراھ ڪيوسون جو بيشڪ اسين (پاڻ) به گمراھ ھواسون.
ﮇﮈﮉﮊﮋﮌ
37:33 پوءِ بيشڪ اُھي اُنھيءَ ڏينھن عذاب ۾ ھڪ ٻئي سا گڏ شريڪ ھوندا.
ﮍﮎﮏﮐﮑ
37:34 بيشڪ اسين ڏوھارين سان اھڙي طرح ڪندا آھيون.
ﮒﮓﮔﮕﮖﮗﮘﮙﮚﮛﮜ
37:35 بيشڪ اُھي (اھڙا) ھوا جو جڏھن کين چئبو ھو ته الله کانسواءِ (ٻيو) ڪو عبادت جو لائق نه آھي (تڏھن) وڏائي ڪندا ھوا.
ﮝﮞﮟﮠﮡﮢﮣ
37:36 ۽ چوندا ھوا ته اسان ھڪ چريي شاعر جي (چوڻ) تي پنھنجن معبودن کي ڇڏينداسون ڇا؟
ﮤﮥﮦﮧﮨﮩ
37:37 بلڪ (پيغمبر ﷴ ﷺ) سچ (يعني قرآن) آندو ۽ (سڀني) پيغمبرن کي سچو ڄاتائين.
ﮪﮫﮬﮭﮮ
37:38 بيشڪ اوھين ڏکوئيندڙ عذاب (جو مزو) چکڻ وارا آھيو.
ﮯﮰﮱﯓﯔﯕﯖ
37:39 ۽ جيڪي ڪندا ھئو تنھن کانسواءِ (ٻيو) ڪو بدلو نه ڏبؤ.
ﯗﯘﯙﯚﯛ
37:40 پر الله جا خاص ٻانھا (عذاب کان بچندا).
ﯜﯝﯞﯟﯠ
37:41 اُنھن لاءِ روزي مُقرّر (ٿيل) آھي.
ﯡﯢﯣﯤ
37:42 (قسمين) ميوا، ۽ اُھي عزت وارا آھن.
ﯥﯦﯧﯨ
37:43 نعمت وارن باغن ۾.
ﯩﯪﯫﯬ
37:44 تختن تي ھڪ ٻئي جي آمھون سامھون ويٺل ھوندا.
ﯭﯮﯯﯰﯱﯲ
37:45 وھندڙ شراب جو پيالو مٿن پيو ڦيرائبو.
ﯳﯴﯵﯶ
37:46 جو (بلڪل) اڇو پيئندڙن لاءِ مزيدار ھوندو.
ﯷﯸﯹﯺﯻﯼﯽﯾ
37:47 نڪي منجھس مٿي جي ڦيري ھوندي ۽ نڪي اُھي کانئس نشي وارا ٿيندا.
ﯿﰀﰁﰂﰃ
37:48 ۽ وڏين اکين واريون ھيٺ نھاريندڙيون (زالون) وٽن ھونديون.
ﰄﰅﰆﰇ
37:49 ڄڻڪ اُھي (حورون) ڍَڪيل آنا آھن.
ﰈﰉﰊﰋﰌﰍ
37:50 پوءِ ڪي (ماڻھو) ڪن ڏانھن مھاڙ ڪري ڪري ھڪ ٻئي کان پڇڻ لڳندا.
ﰎﰏﰐﰑﰒﰓﰔﰕ
37:51 منجھانئن ڪو چوندڙ چوندو ته بيشڪ (دنيا ۾) منھنجو ھڪ سنگتي ھو.
ﭑﭒﭓﭔﭕ
37:52 جو چوندو ھو ته تون (قيامت جو) مڃيندڙ ٿيو آھين ڇا؟
ﭖﭗﭘﭙﭚﭛﭜﭝ
37:53 ھا جڏھن مرنداسون ۽ مٽي ۽ ھڏا ٿينداسون (تڏھن) اسان کي بدلو ڏنو ويندو ڇا؟
ﭞﭟﭠﭡﭢ
37:54 (وري اُھو) چوندو ته اوھين (به دوزخين کي) ڏسو ٿا ڇا؟
ﭣﭤﭥﭦﭧﭨ
37:55 پوءِ (پاڻ) جھاتي پائيندو ته اُھو (سنگتي) دوزخ جي وچ ۾ ڏسندو.
ﭩﭪﭫﭬﭭﭮ
37:56 چوندو ته الله جو قسم ته تو مونکي ذري گھٽ ھلاڪ ٿي ڪيو.
ﭯﭰﭱﭲﭳﭴﭵ
37:57 ۽ جيڪڏھن منھنجي پالڻھار (جو مون تي) فضل نه ٿئي ھا ته بيشڪ آءٌ (به عذاب ۾) حاضر ڪيلن مان ھجان ھا.
ﭶﭷﭸﭹ
37:58 بيشڪ اسين نڪي (ھاڻي وري) مرڻ وارا آھيون.
ﭺﭻﭼﭽﭾﭿﮀ
37:59 (اھو) رڳو اسان جو پھريون مرڻ ھو (جو ٿي چڪو) ۽ نڪي عذاب ڪيل آھيون.
ﮁﮂﮃﮄﮅﮆ
37:60 بيشڪ اِھا وڏي مراد ماڻڻ آھي.
ﮇﮈﮉﮊﮋ
37:61 اھڙي (نعمت) لاءِ ڀلي ته عمل ڪندڙ عمل ڪن.
ﮌﮍﮎﮏﮐﮑﮒ
37:62 ڀلا اِھا (بيان ڪيل نعمت) مھمانيءَ طور ڀلي آھي يا ٿوھر جو وڻ؟
ﮓﮔﮕﮖﮗ
37:63 بيشڪ اسان اِن (وڻ) کي ظالمن جي لاءِ عذاب ٺھرايو آھي.
ﮘﮙﮚﮛﮜﮝﮞ
37:64 بيشڪ اِھو ھڪ وڻ آھي جو دوزخ جي تري ۾ پيدا ٿيندو آھي.
ﮟﮠﮡﮢﮣ
37:65 اُن جا گوشا ڄڻڪ شيطانن جون سِسيون آھن.
ﮤﮥﮦﮧﮨﮩﮪ
37:66 پوءِ بيشڪ دوزخي اُن مان کائيندا پوءِ منجھانئس پيٽ ڀريندا.
ﮫﮬﮭﮮﮯﮰﮱﯓ
37:67 وري اُنھن لاءِ اُن (کاڄ) تي ٽھڪندڙ پاڻيءَ جي ملاوت ھوندي.
ﯔﯕﯖﯗﯘﯙ
37:68 وري بيشڪ کائڻ پيئڻ کانپوءِ سندن موٽڻ دوزخ ڏانھن ھوندو.
ﯚﯛﯜﯝﯞ
37:69 بيشڪ اُنھن پنھنجن پيءُ ڏاڏن کي گمراھ ڏٺو.
ﯟﯠﯡﯢﯣ
37:70 تنھنڪري اُھي (به) سندن پيرن تي ڊوڙن ٿا.
ﯤﯥﯦﯧﯨﯩ
37:71 ۽ بيشڪ کانئن اڳ اڳين مان گھڻا گمراھ ٿيا ھوا.
ﯪﯫﯬﯭﯮ
37:72 ۽ بيشڪ منجھن ڊيڄاريندڙ موڪليا ھواسون.
ﯯﯰﯱﯲﯳﯴ
37:73 پوءِ نھار ته ڊيڄاريلن جي پڇاڙي ڪئن ٿي؟
ﯵﯶﯷﯸﯹ
37:74 پر الله جا خاص ٻانھا (انھن جي پڇاڙي چڱي ٿي).
ﯺﯻﯼﯽﯾﯿ
37:75 ۽ بيشڪ نوح اسان کي سڏيو پوءِ چڱا (دُعا کي) قبول ڪندڙ آھيون.
ﰀﰁﰂﰃﰄﰅ
37:76 ۽ کيس ۽ سندس (تعلق وارن) ماڻھن کي وڏي مصيبت کان بچايوسون.
ﭑﭒﭓﭔﭕ
37:77 ۽ (فقط) سندس اولاد کي ئي باقي رھندڙ ڪيوسون.
ﭖﭗﭘﭙﭚ
37:78 ۽ پوين ۾ اُن لاءِ (چڱي يادگيري) ڇڏي سون.
ﭛﭜﭝﭞﭟﭠ
37:79 ساري جَڳ ۾ نوح تي شال سلام ھجي.
ﭡﭢﭣﭤﭥ
37:80 بيشڪ اسين ڀلارن کي اھڙي طرح بدلو ڏيندا آھيون.
ﭦﭧﭨﭩﭪ
37:81 بيشڪ اُھو اسان جي مؤمنن ٻانھن مان آھي.
ﭫﭬﭭﭮ
37:82 وري ٻـين کي ٻوڙيوسون.
ﭯﭰﭱﭲﭳﭴ
37:83 ۽ بيشڪ نوح جي پيروري ڪندڙن مان ابراھيم ھو.
ﭵﭶﭷﭸﭹﭺ
37:84 (ياد ڪر) جڏھن (ھو) پنھنجي پالڻھار وٽ سالم دِل سان آيو.
ﭻﭼﭽﭾﭿﮀﮁ
37:85 (ياد ڪر) جڏھن پنھنجي پيءُ ۽ پنھنجي قوم کي چيائين ته اوھان ڇاکي پوڄيندا آھيو؟
ﮂﮃﮄﮅﮆﮇ
37:86 الله کانسواءِ ھٿرادو ٺھيل معبودن کي گھرو ٿا ڇا؟
ﮈﮉﮊﮋﮌ
37:87 پوءِ جھانن جي پالڻھار بابت اوھان جو ڪھڙو گُمان آھي؟
ﮍﮎﮏﮐﮑ
37:88 پوءِ تارن ۾ ھڪ ڀيرو چتائي ڏٺائين.
ﮒﮓﮔﮕ
37:89 پوءِ چيائين ته آءٌ بيمار ٿيندس.
ﮖﮗﮘﮙ
37:90 پوءِ کانئس پُٺي ڏيئي ڦِريا.
ﮚﮛﮜﮝﮞﮟﮠ
37:91 پوءِ سندن معبودن ڏانھن منھن ڪيائين ته اوھين ڇونه ٿا کائو؟
ﮡﮢﮣﮤﮥ
37:92 اوھان کي ڇا (ٿيو آھي) جو نه ٿا ڳالھايو؟
ﮦﮧﮨﮩﮪ
37:93 پوءِ سڄي ھٿ (يعني زور) سان مٿن ڏاڍا ڌَڪ ھڻڻ لڳو.
ﮫﮬﮭﮮ
37:94 پوءِ (قوم وارا) ڏانھس ڊوڙندا سامھون آيا.
ﮯﮰﮱﯓﯔ
37:95 (کين) چيائين ته جنھن کي اوھين (پاڻ) گھَڙيندا آھيو تنھن کي ڇو پوڄيندا آھيو؟
ﯕﯖﯗﯘﯙ
37:96 ھن ھوندي جو الله اوھان کي ۽ جيڪي اوھين ڪريو ٿا تنھن کي پيدا ڪيو.
ﯚﯛﯜﯝﯞﯟﯠﯡ
37:97 (ھڪ ٻئي کي) چيائون ته ابراھيم لاءِ اڏاوت اڏيو پوءِ کيس (باھ جي) آڙاھ ۾ اُڇليو.
ﯢﯣﯤﯥﯦﯧ
37:98 پوءِ ساڻس فريب ڪرڻ جو ارادو ڪيائون پوءِ کين تمام زير ڪيوسون.
ﯨﯩﯪﯫﯬﯭﯮ
37:99 ۽ ابراھيم چيو ته بيشڪ آءٌ پنھنجي پالڻھار ڏانھن وڃڻ وارو آھيان (اھو) سگھوئي مون کي واٽ ڏيکاريندو (جتي سندس رضا ھوندي).
ﯯﯰﯱﯲﯳﯴ
37:100 اي منھنجا پالڻھار صالحن مان (ڪو پُٽ) مون کي عطا ڪر.
ﯵﯶﯷﯸ
37:101 پوءِ کيس ھڪ حليمت واري نينگر جي خوشخبري ڏني سون.
ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕ
37:102 پوءِ جڏھن ساڻس گڏ ڊوڙڻ (واريءَ عمر) کي پھتو (تڏھن ابراھيم) چيو ته اي منھنجا پُٽڙا بيشڪ آءٌ ننڊ ۾ ڏسان ٿو ته آءٌ توکي ڪُھان ٿو پوءِ تون نظر ڪر ته تنھنجي دل ۾ ڇا ٿو اچي؟ چيائين ته اي مُنھنجا ابا جنھن ڪم جو توکي حُڪم ڏنو وڃي ٿو سو ڪر جيڪڏھن الله گھريو ته مون کي صبر ڪرڻ وارن مان لھندين.
ﭑﭒﭓﭔﭕ
37:103 پوءِ جڏھن ٻنھي حُڪم مڃيو ۽ ابراھيم (پنھنجي) پُٽ کي پيشانيءَ ڀر ليٽايو.
ﭖﭗﭘﭙ
37:104 ۽ کيس سڏيوسون ته اي ابراھيم.
ﭚﭛﭜﭝﭞﭟﭠﭡﭢ
37:105 بيشڪ تو خواب کي سچو ڪيو، بيشڪ اسين ڀلارن کي اھڙي طرح بدلو ڏيندا آھيون.
ﭣﭤﭥﭦﭧﭨ
37:106 بيشڪ اِھا پڌري پرک آھي.
ﭩﭪﭫﭬ
37:107 ۽ ذُبح جي وڏي جانور سان اُن جو عوض ڏنوسون.
ﭭﭮﭯﭰﭱ
37:108 ۽ پوين ۾ (چڱي ساراھ) اُن لاءِ ڇڏي سون.
ﭲﭳﭴﭵ
37:109 ابراھيم تي شال سلام ھجي.
ﭶﭷﭸﭹ
37:110 ڀلارن کي اھڙي طرح بدلو ڏيندا آھيون.
ﭺﭻﭼﭽﭾ
37:111 بيشڪ اُھو اسان جي مؤمنن ٻانھن مان آھي.
ﭿﮀﮁﮂﮃﮄ
37:112 ۽ کيس اسحٰق جي خوشخبري ڏني سون جو صالحن مان ھڪڙو نبي آھي.
ﮅﮆﮇﮈﮉﮊﮋﮌﮍﮎﮏﮐ
37:113 ۽ ابراھيم تي ۽ اسحٰق تي برڪت نازل ڪئي سون، ۽ ٻنھي جي اولاد مان ڪي چڱا آھن ۽ ڪي پاڻ تي پڌرو ظلم ڪندڙ آھن.
ﮑﮒﮓﮔﮕﮖ
37:114 ۽ بيشڪ موسىٰ ۽ ھارون تي احسان ڪيوسون.
ﮗﮘﮙﮚﮛﮜ
37:115 ۽ کين ۽ سندن قوم کي وڏي سختيءَ کان بچايوسون.
ﮝﮞﮟﮠﮡ
37:116 ۽ کين مدد ڏني سون پوءِ اُھي غالب رھيا.
ﮢﮣﮤﮥ
37:117 ۽ کين پڌرو ڪتاب ڏنوسون.
ﮦﮧﮨﮩ
37:118 ۽ کين سِڌي رستي لاتوسون.
ﮪﮫﮬﮭﮮ
37:119 ۽ پوين ۾ (چڱي ساراھ) انھن لاءِ ڇڏي سون.
ﮯﮰﮱﯓﯔ
37:120 مُوسىٰ ۽ ھارون تي شال سلام ھجي.
ﯕﯖﯗﯘﯙ
37:121 بيشڪ اسين ڀلارن کي اھڙيءَ طرح بدلو ڏيندا آھيون.
ﯚﯛﯜﯝﯞ
37:122 بيشڪ اُھي (ٻئي) اسان جي مؤمن ٻانھن مان آھن.
ﯟﯠﯡﯢﯣ
37:123 ۽ بيشڪ الياس پيغمبرن مان ھو.
ﯤﯥﯦﯧﯨﯩ
37:124 جڏھن پنھنجي قوم کي چيائين ته (الله کان) ڇونه ڊڄندا آھيو؟
ﯪﯫﯬﯭﯮﯯ
37:125 ڇو بَعل کي پوڄيندا آھيو ۽ تمام چڱي خلقيندڙ کي ڇڏيندا آھيو؟
ﯰﯱﯲﯳﯴﯵ
37:126 (جو) الله اوھان جو پالڻھار ۽ اوھان جي اڳين پِين ڏاڏن جو پالڻھار آھي.
ﭑﭒﭓﭔ
37:127 پوءِ کيس ڪوڙو ڀانيائون تنھنڪري اُھي بيشڪ (دوزخ ۾) حاضر ڪيل آھن.
ﭕﭖﭗﭘﭙ
37:128 پر الله جا خاص ٻانھا (ڇٽل آھن).
ﭚﭛﭜﭝﭞ
37:129 ۽ پوين ۾ (چڱي ساراھ) اُن لاءِ ڇڏي سون.
ﭟﭠﭡﭢﭣ
37:130 الياس تي شال سلام ھجي.
ﭤﭥﭦﭧﭨ
37:131 بيشڪ اسين ڀلارن کي اھڙي طرح بدلو ڏيندا آھيون.
ﭩﭪﭫﭬﭭ
37:132 بيشڪ اُھو اسان جي مؤمن ٻانھن مان آھي.
ﭮﭯﭰﭱﭲ
37:133 ۽ بيشڪ لُوط پيغمبرن مان ھو.
ﭳﭴﭵﭶﭷ
37:134 (ياد ڪر) جڏھن اُن کي ۽ سندس مڙني گھر وارن کي بچايوسون.
ﭸﭹﭺﭻﭼ
37:135 سواءِ ھڪڙي ڪراڙي زال جي جا پُٺ تي رھندڙن مان ٿي.
ﭽﭾﭿﮀ
37:136 وري (ھنن) ٻـين کي ھلاڪ ڪيوسون.
ﮁﮂﮃﮄﮅ
37:137 ۽ بيشڪ اوھين انھن (جي ڳوٺن) وٽان صبح جو لنگھندا آھيو.
ﮆﮇﮈﮉﮊ
37:138 ۽ رات جو (به) پوءِ ڇونه سمجھندا آھيو؟
ﮋﮌﮍﮎﮏ
37:139 ۽ بيشڪ يُونس پيغمبرن مان ھو.
ﮐﮑﮒﮓﮔﮕ
37:140 جڏھن (ھو) ڀريل ٻيڙيءَ ڏانھن ڀڳو.
ﮖﮗﮘﮙﮚ
37:141 پوءِ (ٻيڙي وارن سان) پُکو وڌائين ته (پاڻ) پُکي پيلن مان ٿيو.
ﮛﮜﮝﮞﮟ
37:142 پوءِ کيس مڇي ڳھي وئي ۽ اُھو (اھڙو ڪم ڪندڙ ھو جو) ملامت جو لائق ھو.
ﮠﮡﮢﮣﮤﮥ
37:143 پوءِ اُھو جيڪڏھن تسبيح چوندڙن مان نه ھجي ھا.
ﮦﮧﮨﮩﮪﮫﮬ
37:144 ته اُنھي ڏينھن تائين جنھن ۾ (ماڻھو) اُٿارجن اُن جي پيٽ ۾ رھي ھا.
ﮭﮮﮯﮰﮱﯓ
37:145 پوءِ کيس صاف پَٽ ۾ اُڇليوسون ۽ اُھو بيمار ھو.
ﯔﯕﯖﯗﯘﯙ
37:146 ۽ مٿس وڻ ڪدوءَ (جي قِسم) مان ڄمايوسون.
ﯚﯛﯜﯝﯞﯟﯠ
37:147 ۽ کيس (ھڪ) لک يا (اُن کان) وڌيڪ (ماڻھن) ڏانھن موڪليوسون.
ﯡﯢﯣﯤﯥ
37:148 پوءِ انھن ايمان آندو پوءِ ھڪ وقت تائين کين فائدو ڏنوسون.
ﯦﯧﯨﯩﯪﯫ
37:149 پوءِ (اي پيغمبر) اُنھن (يعني مشرڪن) کان پُڇ ته تنھنجي پالڻھار کي ڌيئر آھن ڇا يا کيس پُٽ آھنئ
ﯬﯭﯮﯯﯰﯱﯲ
37:150 يا ملائڪن کي زالون بڻايوسون ۽ اُھي (اُن وقت) حاضر ھوا.
ﯳﯴﯵﯶﯷﯸ
37:151 خبردار ھُجو (ته) بيشڪ اُھي پنھنجي (ھٿرادو ٺھيل) ڪوڙ مان چوندا آھن.
ﯹﯺﯻﯼﯽ
37:152 ته الله (اولاد کي) ڄڻيو آھي ۽ اُھي ڪوڙا آھن.
ﯾﯿﰀﰁﰂ
37:153 پٽن کان ڌيئر پسند ڪيائين ڇا؟
ﭑﭒﭓﭔﭕ
37:154 اوھان کي ڇا ٿيو آھي، ڪيئن نبيرو ڪندا آھيو؟
ﭖﭗﭘ
37:155 (اوھين) ڇونه ڌيان ڪندا آھيو؟
ﭙﭚﭛﭜﭝ
37:156 يا اوھان کي ڪا پڌري حُجّت آھي؟
ﭞﭟﭠﭡﭢﭣ
37:157 جيڪڏھن اوھين سچا آھيو ته پنھنجو ڪتاب آڻيو.
ﭤﭥﭦﭧﭨﭩﭪﭫﭬﭭﭮﭯ
37:158 ۽ (ڪافرن) الله ۽ جِنن جي وچ ۾ مائٽي مُقرر ڪئي، ۽ بيشڪ جِنن ڄاتو آھي ته اُھي (قيامت ۾ حساب لاءِ) حاضر ڪيا ويندا.
ﭰﭱﭲﭳﭴ
37:159 (ڪافر) جيڪي بيان ڪندا آھن تنھن کان الله پاڪ آھي.
ﭵﭶﭷﭸﭹ
37:160 پر الله جا خاص ٻانھا (انھن جو چوڻ سچو آھي).
ﭺﭻﭼﭽ
37:161 پوءِ (اي ڪافرؤ) بيشڪ اوھين ۽ جن (بتن) کي پوڄيندا آھيو.
ﭾﭿﮀﮁﮂ
37:162 اوھين (سڀئي) اُن (يعني ڪوڙن معبُودن جي عبادت) لاءِ گمراھ ڪرڻ وارا نه آھيو.
ﮃﮄﮅﮆﮇﮈ
37:163 پر اُنھن کي جيڪو (پاڻ) دوزخ ۾ گھڙڻ وارو آھي.
ﮉﮊﮋﮌﮍﮎﮏ
37:164 ۽ (ملائڪ چوندا آھن ته) اسان مان اھڙو آھي ئي ڪونه جنھن لاءِ (عبادت جي) ھڪ جاءِ ٺھرايل نه آھي.
ﮐﮑﮒﮓ
37:165 ۽ بيشڪ اسين صِف ٻَڌڻ وارا آھيون.
ﮔﮕﮖﮗ
37:166 ۽ بيشڪ اسين تسبيح چوڻ وارا آھيون.
ﮘﮙﮚﮛ
37:167 ۽ بيشڪ (عرب جا ڪافر) چوندا ھوا.
ﮜﮝﮞﮟﮠﮡﮢ
37:168 ته جيڪڏھن اسان وٽ پھرين جو احوال ھجي ھا.
ﮣﮤﮥﮦﮧ
37:169 ته ضرور الله جا خاص ٻانھا ٿيون ھا.
ﮨﮩﮪﮫﮬﮭ
37:170 وري اُن (يعني قرآن) جا مُنڪر ٿيا پوءِ سِگھوئي (ڪفر جي پڄاڻي) ڄاڻندا.
ﮮﮯﮰﮱﯓﯔ
37:171 ۽ بيشڪ پنھنجن ٻانھن پيغمبرن لاءِ اسان جو وعدو اڳي ئي ٿي چڪو..
ﯕﯖﯗﯘ
37:172 ته بيشڪ اُھي (اسان جا پيغمبر) ئي فتح مند آھن.
ﯙﯚﯛﯜﯝ
37:173 ۽ بيشڪ اسان جو لشڪر ئي غالب آھي.
ﯞﯟﯠﯡﯢ
37:174 پوءِ کانئن ھڪ وقت تائين منھن موڙ.
ﯣﯤﯥﯦ
37:175 ۽ کين ڏسندو رھ پوءِ اُھي به سگھوئي ڏسندا.
ﯧﯨﯩ
37:176 (ھي ڪافر) اسان جو عذاب جلد گھرندا آھن ڇا؟
ﯪﯫﯬﯭﯮﯯﯰ
37:177 پوءِ جڏھن سندن (گھرن جي) اڱڻن ۾ (عذاب) لھندو تڏھن ڊيڄاريلن جو صُبح بڇڙو ٿيندو.
ﯱﯲﯳﯴﯵ
37:178 ۽ کانئن ھڪ وقت تائين مُنھن موڙ.
ﯶﯷﯸﯹ
37:179 ۽ ڏسندو رھ پوءِ اُھي به سگھوئي (نتيجو) ڏسندا.
ﯺﯻﯼﯽﯾﯿﰀ
37:180 تنھنجو پالڻھار پاڪ آھي جيڪي (اِھي ڪافر) بيان ڪندا آھن تنھن کان (اُھو) عزّت وارو آھي.
ﰁﰂﰃﰄ
37:181 ۽ (الله جي) پيغمبرن تي شال سَلام ھجي.
ﰅﰆﰇﰈﰉ
37:182 ۽ جھانن جي پالڻھار الله کي ئي سڀ ساراھ جڳائيندي آھي.
القرآن الكريم ☾ قرآن

قرآن ڪريم
Wednesday, September 9, 2026

Don't forget us in your sincere prayers