సూరా అస్-సాఫ్ఫాత్ pdf తెలుగు

PDF —

182 వచనం Meccan PDF

Built right in your browser — download starts automatically

సూరా అస్-సాఫ్ఫాత్ pdf — డౌన్‌లోడ్ (తెలుగు)

సూరా అస్-సాఫ్ఫాత్ pdf తెలుగు — డౌన్‌లోడ్ సూరా అస్-సాఫ్ఫాత్ అనువాదం. సూరా అస్-సాఫ్ఫాత్ (Meccan) 182 వచనం.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

సూరా అస్-సాఫ్ఫాత్

182 వచనం · Meccan · తెలుగు

ﭑﭒﭓ

37:1 వరుసగా బారులు తీరి నిలుచున్న వారి (దైవదూతల) సాక్షిగా

ﭔﭕﭖ

37:2 మేఘాలను నడిపించే వారి (దైవదూతల) సాక్షిగా

ﭗﭘﭙ

37:3 ఈ ఉపదేశాన్ని (ఖుర్ఆన్ ను, అల్లాహ్ దగ్గరి నుండి మానవులకు) తెచ్చే వారి (దైవదూతల) సాక్షిగా

ﭚﭛﭜﭝ

37:4 నిశ్చయంగా, మీ ఆరాధ్య దైవం కేవలం ఆయన (అల్లాహ్) ఒక్కడే

ﭞﭟﭠﭡﭢﭣﭤﭥ

37:5 ఆకాశాలు మరియు భూమి మరియు వాటి మధ్యనున్న వాటి ప్రభువు మరియు సూర్యోదయ (తూర్పు) స్థలాలకు ప్రభువు

ﭦﭧﭨﭩﭪﭫﭬ

37:6 నిశ్చయంగా, మేము భూలోకానికి దగ్గరి ఆకాశాన్ని నక్షత్ర సముదాయాలతో అలంకరించాము

ﭭﭮﭯﭰﭱﭲ

37:7 మరియు ధిక్కారి అయిన ప్రతి షైతాన్ నుండి కాపాడటానికి

ﭳﭴﭵﭶﭷﭸﭹﭺﭻﭼ

37:8 ఇక వారు (షైతాన్ లు), ఉన్నత స్థానాలలో ఉన్న నాయకుల (దైవదూతల) మాటలు వినలేరు మరియు వారు ప్రతి దిక్కు నుండి తరుమబడుతూ ఉంటారు

ﭽﭾﭿﮀﮁﮂ

37:9 (ఎందుకంటే) వారు (షైతాన్ లు) బహిష్కరించ బడ్డారు. మరియు వారికి నిరంతరమైన శిక్ష ఉంది

ﮃﮄﮅﮆﮇﮈﮉﮊ

37:10 కాని, ఎవడైనా (ఏ షైతానైనా), దేనినైనా ఎగురవేసుకొని పోతున్నట్లైతే, మండే అగ్నిజ్వాల అతనిని వెంబడిస్తుంది

ﮋﮌﮍﮎﮏﮐﮑﮒﮓﮔﮕﮖﮗﮘ

37:11 అయితే వారిని అడగిండి: ఏమీ? వారు (మానవులు) దృఢమైన సృష్టా! లేక, మేము సృష్టించింది (ఈ సృష్టి దృఢమైనదా?" నిశ్చయంగా, మేము వారిని జిగట మట్టి (తీనిల్లాజిబ్) తో సృష్టించాము

ﮙﮚﮛﮜ

37:12 వాస్తవానికి, నీవైతే ఆశ్చర్యపడుతున్నావు, కాని వారు ఎగతాళి చేస్తున్నారు

ﮝﮞﮟﮠﮡ

37:13 మరియు వారికి ఉపదేశమిచ్చినపుడు, వారు దానిని స్వీకరించరు

ﮢﮣﮤﮥﮦ

37:14 మరియు వారొక సంకేతాన్ని చూసినప్పుడు, దానిని ఎగతాళి చేస్తారు

ﮧﮨﮩﮪﮫﮬﮭ

37:15 మరియు వారిలా అంటారు: ఇది స్పష్టమైన మంత్రజాలం మాత్రమే

ﮮﮯﮰﮱﯓﯔﯕﯖ

37:16 ఏమిటి? మేము మరణించి మట్టిగా, ఎముకలుగా (అస్తిపంజరంగా) మారిపోయిన తరువాత కూడా మరల సజీవులుగా లేపబడతామా

ﯗﯘﯙ

37:17 ఏమిటి? మరియు పూర్వీకులైన మా తాతముత్తాతలు కూడానా

ﯚﯛﯜﯝﯞ

37:18 వారితో ఇలా అను: అవును! అప్పుడు మీరు అధమమైన వారు అవుతారు

ﯟﯠﯡﯢﯣﯤﯥﯦ

37:19 నిశ్చయంగా, అది ఒక పెద్ద ధ్వని మాత్రమే (రెండవ బాకా), అప్పుడు వారు (లేచి) చూస్తూ ఉండిపోతారు

ﯧﯨﯩﯪﯫﯬ

37:20 మరియు వారు ఇలా అంటారు: అయ్యో! మా దౌర్భాగ్యం! ఇదే ఆ తీర్పుదినం

ﯭﯮﯯﯰﯱﯲﯳﯴ

37:21 (అప్పుడు వారితో ఇలా అనబడుతుంది): మీరు అబద్ధమని తిరస్కరిస్తూ ఉండే న్యాయవిచారణ దినం ఇదే

ﯵﯶﯷﯸﯹﯺﯻﯼﯽ

37:22 (దైవదూతలతో ఇలా అనబడుతుంది): ఆ దుర్మార్గులను సమావేశపరచండి! మరియు వారి సహవాసులను మరియు వారు ఆరాధిస్తూ ఉన్న వారిని

ﯾﯿﰀﰁﰂﰃﰄﰅ

37:23 అల్లాహ్ ను కాదని - తరువాత వారందరికీ ప్రజ్వలించే నరకాగ్ని మార్గాన్ని చూపండి

ﰆﰇﰈﰉﰊ

37:24 మరియు వారిని అక్కడ నిలబెట్టండి. వాస్తవానికి వారిని ప్రశ్నించవలసి ఉంది

ﭑﭒﭓﭔﭕ

37:25 మీకేమైంది? మీరు పరస్పరం ఎందుకు సహాయం చేసుకోవటం లేదు

ﭖﭗﭘﭙﭚ

37:26 అలా కాదు! ఆ రోజు వారు తమను తాము అల్లాహ్ కు అప్పగించుకుంటారు

ﭛﭜﭝﭞﭟﭠ

37:27 మరియు వారు ఒకరి వైపునకు మరొకరు మరలి ఇలా ప్రశ్నించుకుంటారు

ﭡﭢﭣﭤﭥﭦﭧ

37:28 కొందరు అంటారు: మీరు మా వద్దకు (మమ్మల్ని మోసగించటానికి) మా కుడివైపు నుండి వచ్చేవారు

ﭨﭩﭪﭫﭬﭭ

37:29 ఇతరులు ఇలా జవాబిస్తారు: అలా కాదు, మీ అంతట మీరే విశ్వసించేవారు కాదు

ﭮﭯﭰﭱﭲﭳﭴﭵﭶﭷﭸﭹ

37:30 మాకు మీపై ఎలాంటి అధికారం ఉండేది కాదు. అలా కాదు! మీరే తలబిరుసుతనం చూపేవారు

ﭺﭻﭼﭽﭾﭿﮀﮁ

37:31 కావున, ఇప్పుడు మన ప్రభువు వాక్కు మనపై పూర్తి అయ్యింది. నిశ్చయంగా మనమంతా (శిక్షను) రుచి చూడగలము

ﮂﮃﮄﮅﮆ

37:32 కావున మేము మిమ్మల్ని తప్పు దారిలో పడవేశాము, నిశ్చయంగా మేము కూడా మార్గభ్రష్టులమై ఉంటిమి

ﮇﮈﮉﮊﮋﮌ

37:33 అప్పుడు నిశ్చయంగా, వారందరూ ఆ రోజు శిక్షలో భాగస్వాములవుతారు

ﮍﮎﮏﮐﮑ

37:34 నిశ్చయంగా, మేము అపరాధులతో ఇదే విధంగా ప్రవర్తిస్తాము

ﮒﮓﮔﮕﮖﮗﮘﮙﮚﮛﮜ

37:35 వాస్తవానికి, వారితో: అల్లాహ్ తప్ప మరొక ఆరాధ్యదైవం లేడు." అని అన్నప్పుడు, వారు దరహంకారం చూపేవారు

ﮝﮞﮟﮠﮡﮢﮣ

37:36 మరియు వారు ఇలా అనేవారు: ఏమిటి? మేము ఒక పిచ్చికవి కొరకు మా ఆరాధ్య దైవాలను త్యజించాలా

ﮤﮥﮦﮧﮨﮩ

37:37 వాస్తవానికి, అతను (ముహమ్మద్) సత్యాన్ని తీసుకొని వచ్చాడు. మరియు అతను (తనకు పూర్వం వచ్చిన) ప్రవక్తలను సత్యవంతులని ధృవపరచాడు

ﮪﮫﮬﮭﮮ

37:38 నిశ్చయంగా, మీరు బాధాకరమైన శిక్షను రుచి చూడగలరు

ﮯﮰﮱﯓﯔﯕﯖ

37:39 మరియు మీకు, మీరు చేస్తూ ఉండిన కర్మలకు తగిన ఫలితం తప్ప, మరేమీ ఇవ్వబడదు

ﯗﯘﯙﯚﯛ

37:40 ఎన్నుకోబడిన అల్లాహ్ దాసులకు తప్ప

ﯜﯝﯞﯟﯠ

37:41 అలాంటి వారి కొరకు వారికి తెలిసి ఉన్న జీవనోపాధి ఉంది

ﯡﯢﯣﯤ

37:42 అన్ని రకాల ఫలాలు. మరియు వారు ఆదరించబడతారు

ﯥﯦﯧﯨ

37:43 పరమ సుఖాలు గల స్వర్గవనాలలో

ﯩﯪﯫﯬ

37:44 ఆసనాల మీద ఒకరికొకరు ఎదురెదురుగా కూర్చొని ఉంటారు

ﯭﯮﯯﯰﯱﯲ

37:45 వారి మధ్య ప్రవహించే చెలమల నుండి, పానీయపు (మధు) పాత్రలు త్రిప్పబడుతుంటాయి

ﯳﯴﯵﯶ

37:46 అది తెల్లగా (మెరిసిపోతూ) త్రాగే వారికి ఎంతో రుచికరమైనదిగా ఉంటుంది

ﯷﯸﯹﯺﯻﯼﯽﯾ

37:47 దాని వల్ల వారికి ఎలాంటి బాధా కలుగదు మరియు వారు తమ తెలివినీ పోగొట్టుకోరు

ﯿﰀﰁﰂﰃ

37:48 మరియు వారి దగ్గర, శీలవతులైన తమ చూపులను నిగ్రహించుకునే, అందమైన కళ్ళు గల స్త్రీలు ఉంటారు

ﰄﰅﰆﰇ

37:49 వారు దాచబడిన గ్రుడ్లవలే (కోమలంగా) ఉంటారు

ﰈﰉﰊﰋﰌﰍ

37:50 అప్పుడు వారు ఒకరి వైపు కొకరు మరలి, పరస్పరం ఇలా ప్రశ్నించుకుంటారు

ﰎﰏﰐﰑﰒﰓﰔﰕ

37:51 వారిలో ఒకడంటాడు: వాస్తవానికి (భూలోకంలో) నాకొక స్నేహితుడు (ఖరీనున్) ఉండేవాడు

ﭑﭒﭓﭔﭕ

37:52 అతడు నన్ను ఇలా అడిగేవాడు: ఏమీ? నీవు కూడా (పునరుత్థానం) నిజమేనని నమ్మేవారిలో ఒకడివా

ﭖﭗﭘﭙﭚﭛﭜﭝ

37:53 ఏమీ? మనం చనిపోయి మట్టిగా ఎముకలుగా మారి పోయిన తరువాత కూడా నిశ్చయంగా మనకు ప్రతిఫలమనేది ఉంటుందా

ﭞﭟﭠﭡﭢ

37:54 అతడు ఇంకా ఇలా అంటాడు: ఏమీ? మీరు అతడిని చూడదలచుకున్నారా

ﭣﭤﭥﭦﭧﭨ

37:55 తరువాత అతడు తొంగి చూసి, అతడిని (తన పూర్వ స్నేహితుణ్ణి) భగభగ మండే నరకాగ్ని మధ్యలో చూస్తాడు

ﭩﭪﭫﭬﭭﭮ

37:56 అతడితో (ఆ స్నేహితునితో), అతడు అంటాడు: అల్లాహ్ సాక్షిగా! నీవు నన్ను నాశనం చేసి ఉండేవాడివే

ﭯﭰﭱﭲﭳﭴﭵ

37:57 ఒకవేళ నా ప్రభువు అనుగ్రహమే లేకున్నట్లయితే! నేను కూడా (నరకానికి) హాజరు చేయబడిన వారిలో చేరి పోయేవాడిని

ﭶﭷﭸﭹ

37:58 (తరువాత ఆ స్వర్గవాసి తన సహచరులతో అంటాడు): ఏమీ? ఇక మనం మరల చనిపోము కదా

ﭺﭻﭼﭽﭾﭿﮀ

37:59 మన మొదటి (భూలోక) మరణం తప్ప! మనకు ఇక ఎలాంటి శిక్ష పడదు కదా

ﮁﮂﮃﮄﮅﮆ

37:60 నిశ్చయంగా, ఇదే ఆ గొప్ప సాఫల్యం (విజయం)

ﮇﮈﮉﮊﮋ

37:61 ఇలాంటి (స్థానం) పొందటానికి పాటుపడే వారు పాటు పడాలి

ﮌﮍﮎﮏﮐﮑﮒ

37:62 ఏమీ? ఇలాంటి ఆతిథ్యం మేలైనదా? లేక జముడు ఫలపు ఆతిథ్యమా

ﮓﮔﮕﮖﮗ

37:63 నిశ్చయంగా, మేము దానిని, దుర్మార్గుల కొరకు ఒక పరీక్షగా చేశాము

ﮘﮙﮚﮛﮜﮝﮞ

37:64 నిశ్చయంగా, అది నరకపు అడుగు భాగం నుండి మొలిచే ఒక చెట్టు

ﮟﮠﮡﮢﮣ

37:65 దాని మొగ్గలు షైతానుల తలల వలే ఉంటాయి

ﮤﮥﮦﮧﮨﮩﮪ

37:66 నిశ్చయంగా, వారు దాని నుంచే తింటారు మరియు దానితోనే తమ కడుపులు నింపుకుంటారు

ﮫﮬﮭﮮﮯﮰﮱﯓ

37:67 తరువాత నిశ్చయంగా, దాని మీద వారికి త్రాగటానికి సలసల కాగే పానీయం మాత్రమే ఉంటుంది

ﯔﯕﯖﯗﯘﯙ

37:68 ఆ తరువాత నిశ్చయంగా, వారి మరలింపు కేవలం భగభగ మండే నరకాగ్ని వైపునకే అవుతుంది

ﯚﯛﯜﯝﯞ

37:69 నిశ్చయంగా, అప్పుడు వారు తమ తండ్రితాతలు, మార్గభ్రష్టత్వంలో ఉండేవారని కనుగొంటారు

ﯟﯠﯡﯢﯣ

37:70 మరియు తాము కూడా వారి అడుగు జాడలను అనుసరించటానికి త్వరపడుతూ ఉండేవారమని

ﯤﯥﯦﯧﯨﯩ

37:71 మరియు వాస్తవానికి వారి పూర్వీకులు కూడా చాలా మంది మార్గభ్రష్టులుగానే ఉండేవారు

ﯪﯫﯬﯭﯮ

37:72 మరియు వాస్తవానికి మేము వారి వద్దకు హెచ్చరిక చేయటానికి (సందేశహరులను) పంపి ఉన్నాము

ﯯﯰﯱﯲﯳﯴ

37:73 ఇక చూడు! హెచ్చరిక చేయబడిన వారి పర్యవసానం ఎలా ఉండిందో

ﯵﯶﯷﯸﯹ

37:74 ఎన్నుకోబడిన అల్లాహ్ దాసులకు తప్ప

ﯺﯻﯼﯽﯾﯿ

37:75 మరియు వాస్తవంగా, నూహ్ మమ్మల్ని వేడుకున్నాడు. ఎందుకంటే, మేము (ప్రార్థనలకు) ప్రత్యుత్తరమిచ్చే వారిలో సర్వోత్తములము

ﰀﰁﰂﰃﰄﰅ

37:76 మరియు మేము అతనిని మరియు అతని కుటుంబం వారిని మహా విపత్తు (జలప్రళయం) నుండి కాపాడాము

ﭑﭒﭓﭔﭕ

37:77 మరియు అతని సంతతి వారిని మాత్రమే మిగిలి ఉండేటట్లు చేశాము

ﭖﭗﭘﭙﭚ

37:78 మరియు తరువాత వచ్చే వారిలో అతని కీర్తిని (పేరు ప్రతిష్ఠను) నిలిపాము

ﭛﭜﭝﭞﭟﭠ

37:79 సర్వలోకాలలో నూహ్ కు శాంతి కలుగు గాక (సలాం)

ﭡﭢﭣﭤﭥ

37:80 నిశ్చయంగా, మేము సజ్జనులకు ఈ విధంగా ప్రతిఫలం ఇస్తూ ఉంటాము

ﭦﭧﭨﭩﭪ

37:81 నిశ్చయంగా, అతను మా విశ్వాసులైన దాసులలోని వాడు

ﭫﭬﭭﭮ

37:82 తరువాత మేము ఇతరులను ముంచి వేశాము

ﭯﭰﭱﭲﭳﭴ

37:83 మరియు నిశ్చయంగా, అతనిని అనుసరించిన వారిలో ఇబ్రాహీమ్ ఒకడు

ﭵﭶﭷﭸﭹﭺ

37:84 అతను తన ప్రభువు సాన్నిధ్యానికి నిర్మల హృదయంతో వచ్చి

ﭻﭼﭽﭾﭿﮀﮁ

37:85 అతను తన తండ్రి మరియు తన జాతి వారితో ఇలా అన్నాడు: మీరు దేనిని ఆరాధిస్తున్నారు

ﮂﮃﮄﮅﮆﮇ

37:86 ఏమీ? మీరు అల్లాహ్ ను వదలి మిథ్యా (బూటక) దైవాలను (ఆరాధించ) గోరుతున్నారా

ﮈﮉﮊﮋﮌ

37:87 అయితే సర్వలోకాల ప్రభువును గురించి మీ అభిప్రాయమేమిటి

ﮍﮎﮏﮐﮑ

37:88 ఆ తరువాత, అతను నక్షత్రాల వైపుకు తన దృష్టి సారించాడు

ﮒﮓﮔﮕ

37:89 అప్పుడు అతను ఇలా అన్నాడు: నిశ్చయంగా, నా ఆరోగ్యం బాగులేదు

ﮖﮗﮘﮙ

37:90 కావున వారు అతనిని వదలి పెట్టి వెళ్ళిపోయారు

ﮚﮛﮜﮝﮞﮟﮠ

37:91 తరువాత అతను మెల్లగా వారి దేవతల (విగ్రహాల) దగ్గరికి వెళ్ళి ఇలా అన్నాడు: మీరు తినటం లేదేమిటి

ﮡﮢﮣﮤﮥ

37:92 మీకేమైంది? మీరెందుకు మాట్లాడరు

ﮦﮧﮨﮩﮪ

37:93 తరువాత అతను వాటి వద్దకు వెళ్ళి తన కుడిచేతితో వాటిని పగుల గొట్టాడు

ﮫﮬﮭﮮ

37:94 అప్పుడు, వారు (ప్రజలు) అతని దగ్గరకు త్వరత్వరగా వచ్చారు

ﮯﮰﮱﯓﯔ

37:95 అప్పుడు (ఇబ్రాహీమ్) వారితో అన్నాడు: ఏమీ? మీరు చెక్కిన వాటినే మీరు ఆరాధిస్తారా

ﯕﯖﯗﯘﯙ

37:96 వాస్తవానికి, మిమ్మల్ని మరియు మీరు (చెక్కి) చేసిన వాటిని సృష్టించింది అల్లాహ్ యే కదా

ﯚﯛﯜﯝﯞﯟﯠﯡ

37:97 వారు (పరస్పరం ఇలా చెప్పుకున్నారు): ఇతని కొరకు ఒక (అగ్ని) గుండం నిర్మించి, తరువాత ఇతనిని ఆ భగభగ మండే అగ్నిలో పడవేయండి

ﯢﯣﯤﯥﯦﯧ

37:98 కావున, వారు అతనికి విరుద్ధంగా పన్నాగాలు పన్నారు, కాని మేము వారిని కించపరచాము

ﯨﯩﯪﯫﯬﯭﯮ

37:99 మరియు అతను (ఇబ్రాహీమ్) అన్నాడు: నిశ్చయంగా, నేను నా ప్రభువు (తీసుకొని వెళ్ళే) వైపునకు వెళ్ళిపోతాను. ఆయనే నాకు మార్గదర్శకత్వం చేస్తాడు

ﯯﯰﯱﯲﯳﯴ

37:100 (అతను ఇలా ప్రార్థించాడు): ఓ నా ప్రభూ! నాకు సద్వర్తనుడైన (కుమారుణ్ణి) ప్రసాదించు

ﯵﯶﯷﯸ

37:101 కావున మేము అతనికి సహనశీలుడైన కుమారుని శుభవార్త నిచ్చాము

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕ

37:102 ఆ బాలుడు అతనికి తోడుగా శ్రమ చేయగల వయస్సుకు చేరుకున్నప్పుడు, అతను (ఇబ్రాహీమ్) అన్నాడు: ఓ నా కుమారా! వాస్తవానికి నేను నిన్ను బలి (జిబహ్) చేస్తున్నట్లుగా కలలో చూశాను, ఇక నీ సలహా ఏమిటో చెప్పు!" అతను (ఇస్మాయీల్) అన్నాడు: ఓ నాన్నా! నీకు ఇవ్వబడిన ఆజ్ఞను నెరవేర్చు, అల్లాహ్ కోరితే నీవు నన్ను సహనశీలునిగా పొందగలవు

ﭑﭒﭓﭔﭕ

37:103 ఆ తరువాత వారిద్దరూ ఆయన (అల్లాహ్) ఆజ్ఞను నెరవేర్చటానికి సిద్ధ పడ్డారు. మరియు అతను (ఇబ్రాహీమ్) అతనిని (ఇస్మాయీల్ ను) నుదుటిపై బోర్లా పరుండబెట్టాడు

ﭖﭗﭘﭙ

37:104 మరియు మేము అతనిని పిలుస్తూ ఇలా అన్నాము: ఓ ఇబ్రాహీమ్

ﭚﭛﭜﭝﭞﭟﭠﭡﭢ

37:105 వాస్తవంగా, నీవు కలన నిజం చేసి చూపించావు!" నిశ్చయంగా, మేము సజ్జనులకు ఇలాంటి ప్రతిఫలమిస్తాము

ﭣﭤﭥﭦﭧﭨ

37:106 నిశ్చయంగా, ఇదొక స్పష్టమైన (కఠిన) పరీక్ష

ﭩﭪﭫﭬ

37:107 మరియు మేము అతనికి (ఇస్మాయీల్ కు) బదులుగా ఒక గొప్ప బలిని పరిహారంగా ఇచ్చాము

ﭭﭮﭯﭰﭱ

37:108 మరియు తరువాత వచ్చే తరాలలో అతని కీర్తిని నిలిపాము

ﭲﭳﭴﭵ

37:109 ఇబ్రాహీమ్ కు శాంతి కలుగు గాక (సలాం)

ﭶﭷﭸﭹ

37:110 ఈ విధంగా మేము సజ్జనులకు ప్రతిఫలమిస్తాము

ﭺﭻﭼﭽﭾ

37:111 నిశ్చయంగా, అతను (ఇబ్రాహీమ్) విశ్వసించిన మా దాసులలోని వాడు

ﭿﮀﮁﮂﮃﮄ

37:112 మరియు మేము అతనికి ఇస్ హాఖ్ యొక్క శుభవార్తను ఇచ్చాము, అతను ఒక సద్వర్తనుడైన ప్రవక్త

ﮅﮆﮇﮈﮉﮊﮋﮌﮍﮎﮏﮐ

37:113 మరియు మేము అతనిని (ఇబ్రాహీమ్ ను) మరియు ఇస్ హాఖ్ ను అనుగ్రహించాము. మరియు వారి సంతతిలో కొందరు సజ్జనులుండే వారు. మరికొందరు తమకు తాము స్పష్టంగా అన్యాయం చేసుకున్నవారు కూడా ఉన్నారు

ﮑﮒﮓﮔﮕﮖ

37:114 మరియు వాస్తవానికి, మేము మూసా మరియు హారూన్ లను అనుగ్రహించాము

ﮗﮘﮙﮚﮛﮜ

37:115 మరియు మేము వారిద్దరిని మరియు వారి జాతి వారిని మహా విపత్తు నుండి విముక్తి కలిగించాము

ﮝﮞﮟﮠﮡ

37:116 మరియు మేము వారికి సహాయం చేశాము, కాబట్టి వారు విజయం పొందిన వారయ్యారు

ﮢﮣﮤﮥ

37:117 మరియు వారిద్దరికి (మంచి చెడులను) స్పష్టపరిచే గ్రంథాన్ని ప్రసాదించాము

ﮦﮧﮨﮩ

37:118 మరియు వారిద్దరికి ఋజుమార్గం వైపునకు మార్గదర్శకత్వం చేశాము

ﮪﮫﮬﮭﮮ

37:119 మరియు ఆ తరువాత తరాల వారిలో వారిద్దరి గురించి మంచి కీర్తిని నిలిపాము

ﮯﮰﮱﯓﯔ

37:120 మూసా మరియు హారూన్ లకు శాంతి కలుగు గాక (సలాం)

ﯕﯖﯗﯘﯙ

37:121 నిశ్చయంగా, ఈ విధంగా మేము సజ్జనులకు ప్రతిఫలమిస్తాము

ﯚﯛﯜﯝﯞ

37:122 నిశ్చయంగా వారిద్దరూ, విశ్వాసులైన మా దాసులలోని వారు

ﯟﯠﯡﯢﯣ

37:123 మరియు నిశ్చయంగా, ఇల్యాస్ కూడా మా సందేశహరులలో ఒకడు

ﯤﯥﯦﯧﯨﯩ

37:124 అతను తన జాతి వారితో ఇలా అన్నప్పుడు: ఏమీ? మీకు దైవభీతి లేదా

ﯪﯫﯬﯭﯮﯯ

37:125 ఏమీ? మీరు బఅల్ (అనే విగ్రహాన్ని) ఆరాధిస్తూ సర్వోత్తముడైన సృష్టికర్తను వదలి పెడుతున్నారా

ﯰﯱﯲﯳﯴﯵ

37:126 అల్లాహ్ యే మీ ప్రభువు! మరియు మీ పూర్వీకులైన మీ తాతముత్తాతల ప్రభువు కదా

ﭑﭒﭓﭔ

37:127 కాని వారు అతనిని (ఇల్యాస్ ను) అసత్యవాదుడని తిరస్కరించారు, కాబట్టి వారు తప్పకుండా (శిక్ష కొరకు) హాజరు చేయబడతారు

ﭕﭖﭗﭘﭙ

37:128 ఎన్నుకోబడిన అల్లాహ్ దాసులు తప్ప

ﭚﭛﭜﭝﭞ

37:129 తరువాత వచ్చే తరాలలో అతని కీర్తిని (పేరు ప్రతిష్ఠను) నిలిపాము

ﭟﭠﭡﭢﭣ

37:130 ఇల్ యాసీన్ కు శాంతి కలుగు గాక (సలాం)

ﭤﭥﭦﭧﭨ

37:131 నిశ్చయంగా, సజ్జనులకు మేము ఈ విధంగా ప్రతిఫలమిస్తాము

ﭩﭪﭫﭬﭭ

37:132 నిశ్చయంగా, అతను విశ్వాసులైన మా దాసులలోని వాడు

ﭮﭯﭰﭱﭲ

37:133 మరియు నిశ్చయంగా లూత్ కూడా మేము పంపిన సందేశహరులలో ఒకడు

ﭳﭴﭵﭶﭷ

37:134 ఎప్పుడైతే మేము అతనిని మరియు అతని కుటుంబం వారినందరిని రక్షించామో

ﭸﭹﭺﭻﭼ

37:135 ముసలామె (అతని భార్య) తప్ప - ఆమె వెనుక ఉండిపోయే వారిలో చేరిపోయింది

ﭽﭾﭿﮀ

37:136 ఆ తరువాత మిగతా వారినందరినీ నిర్మూలించాము

ﮁﮂﮃﮄﮅ

37:137 మరియు వాస్తవానికి, మీరిప్పుడు వారి (శిథిల) ప్రాంతాల మీదుగా ఉదయపు వేళల్లో ప్రయాణిస్తూ ఉంటారు

ﮆﮇﮈﮉﮊ

37:138 మరియు రాత్రులలో కూడా! అయినా మీరు అర్థం చేసుకోలేరా

ﮋﮌﮍﮎﮏ

37:139 మరియు నిశ్చయంగా, యూనుస్ కూడా మేము పంపిన సందేశహరులలోని వాడు

ﮐﮑﮒﮓﮔﮕ

37:140 అతను నిండు పడవ వైపుకు పరిగెత్తినప్పుడు

ﮖﮗﮘﮙﮚ

37:141 అక్కడ చీటీలలో పాల్గొన్నాడు, కాని ఓడిపోయాడు

ﮛﮜﮝﮞﮟ

37:142 ఆ పిదప అతనిని ఒక పెద్ద చేప మ్రింగింది; ఎందుకంటే అతను నిందార్హుడు

ﮠﮡﮢﮣﮤﮥ

37:143 అప్పుడతను, (అల్లాహ్) పవిత్రతను కొనియాడే వారిలోని వాడు కాకపోయినట్లైతే

ﮦﮧﮨﮩﮪﮫﮬ

37:144 దాని (చేప) కడుపులో పునరుత్థాన దినం వరకు ఉండి పోయేవాడు

ﮭﮮﮯﮰﮱﯓ

37:145 ఆ పిదప మేము అతనిని అనారోగ్య స్థితిలో, ఒక దిగంబర మైదానంలో పడవేశాము

ﯔﯕﯖﯗﯘﯙ

37:146 మరియు అతనిపై ఒక ఆనప జాతి తీగను మొలిపించాము

ﯚﯛﯜﯝﯞﯟﯠ

37:147 మరియు అతనిని ఒక లక్ష లేదా అంతకంటే ఎక్కువ మంది (ప్రజల) వద్దకు పంపాము

ﯡﯢﯣﯤﯥ

37:148 వారు విశ్వసించారు, కావున మేము ఒక నిర్ణీత కాలం వరకు వారిని సుఖసంతోషాలు అనుభవించనిచ్చాము

ﯦﯧﯨﯩﯪﯫ

37:149 అయితే వారిని ఇలా అడుగు: ఏమీ? నీ ప్రభువుకైతే కుమార్తెలు మరియు వారి కొరకు కుమారులా

ﯬﯭﯮﯯﯰﯱﯲ

37:150 లేక మేము దేవదూతలను స్త్రీలుగా పుట్టించామా? మరియు వారు దానికి సాక్షులా

ﯳﯴﯵﯶﯷﯸ

37:151 అలా కాదు! నిశ్చయంగా, వారు (ఖురైషులు) తమ బూటకపు నమ్మకాల ఆధారంగా అంటున్నారు

ﯹﯺﯻﯼﯽ

37:152 అల్లాహ్ కు సంతానముంది!"అని మరియు వారు నిశ్చయంగా, అబద్ధాలాడుతున్నారు

ﯾﯿﰀﰁﰂ

37:153 ఆయన (అల్లాహ్) కుమార్తెలను - కుమారులకు బదులుగా -ఎన్నుకున్నాడా

ﭑﭒﭓﭔﭕ

37:154 మీకేమయింది? మీరెలాంటి నిర్ణయాలు చేస్తున్నారు

ﭖﭗﭘ

37:155 ఏమీ? మీరు గ్రహించలేరా

ﭙﭚﭛﭜﭝ

37:156 లేక! మీ వద్ద ఏదైనా స్పష్టమైన ప్రమాణం ఉందా

ﭞﭟﭠﭡﭢﭣ

37:157 మీరు సత్యవంతులే అయితే మీ గ్రంథాన్ని తీసుకురండి

ﭤﭥﭦﭧﭨﭩﭪﭫﭬﭭﭮﭯ

37:158 మరియు వారు, ఆయన (అల్లాహ్) మరియు జిన్నాతుల మధ్య బంధుత్వం కల్పించారు. కాని వాస్తవానికి జిన్నాతులకు తెలుసు, తాము ఆయన (అల్లాహ్) ముందు (లెక్క కొరకు) హాజరు చేయబడతామని

ﭰﭱﭲﭳﭴ

37:159 వారు కల్పించే విషయాలకు అల్లాహ్ అతీతుడు (పరమ పవిత్రుడు)

ﭵﭶﭷﭸﭹ

37:160 ఎన్నుకోబడిన అల్లాహ్ దాసులు తప్ప

ﭺﭻﭼﭽ

37:161 ఇక నిశ్చయంగా, మీరు మరియు మీ ఆరాధ్యదైవాలు (కలిసి)

ﭾﭿﮀﮁﮂ

37:162 ఎవ్వడిని కూడా, దుష్టకార్యాలు చేయటానికి పురి కొలుపలేరు

ﮃﮄﮅﮆﮇﮈ

37:163 భగభగ మండే నరకాగ్నిలో కాలి పోనున్న వాడిని తప్ప

ﮉﮊﮋﮌﮍﮎﮏ

37:164 (దైవదూతలు ఇలా అంటారు): మరియు మాలో ఒక్కడు కూడా తన స్థానం నియమింప బడకుండా లేడు

ﮐﮑﮒﮓ

37:165 మరియు నిశ్చయంగా, మేము కూడా (ఆయనను ప్రార్థించటానికి) వరుసలు దీరి నిలుచుంటాము

ﮔﮕﮖﮗ

37:166 మరియు నిశ్చయంగా, మేము కూడా ఆయన పవిత్రతను కొనియాడే వారమే

ﮘﮙﮚﮛ

37:167 మరియు (సత్యతిరస్కారులు) ఇలా అంటూ ఉండేవారు

ﮜﮝﮞﮟﮠﮡﮢ

37:168 ఒకవేళ మా పూర్వీకుల నుండి మాకు ఇలాంటి బోధన లభించి ఉంటే

ﮣﮤﮥﮦﮧ

37:169 మేము కూడా, అల్లాహ్ యొక్క ఎన్నుకున్న, భక్తులమై ఉండేవారము

ﮨﮩﮪﮫﮬﮭ

37:170 కాని, వారిప్పుడు దీనిని (ఈ ఖుర్ఆన్ ను) తిరస్కరిస్తున్నారు. ఇక త్వరలోనే వారు తెలుసు కుంటారు

ﮮﮯﮰﮱﯓﯔ

37:171 మరియు వాస్తవానికి మా దాసులైన, మేము పంపిన సందేశహరుల విషయంలో మా నిర్ణయం జరిగింది

ﯕﯖﯗﯘ

37:172 నిశ్చయంగా, వారు సహాయం (విజయం) పొందుతారని

ﯙﯚﯛﯜﯝ

37:173 మరియు నిశ్చయంగా, మా సైనికులే తప్పక విజయం పొందుతారని

ﯞﯟﯠﯡﯢ

37:174 కావున నీవు వారిని (సత్యతిరస్కారులను) కొంతకాలం వదలిపెట్టు

ﯣﯤﯥﯦ

37:175 మరియు వారిని చూస్తూ ఉండు. ఇక త్వరలోనే వారు కూడా (తమ పర్యవసానాన్ని) చూడగలరు

ﯧﯨﯩ

37:176 ఏమీ? వారు మా శిక్ష కొరకు తొందర పెడుతున్నారా

ﯪﯫﯬﯭﯮﯯﯰ

37:177 కాని, అది వారి ఇంటి ప్రాంగణంలో దిగినప్పుడు, హెచ్చరించబడిన వారికి అది దుర్భరమైన ఉదయం కాగలదు

ﯱﯲﯳﯴﯵ

37:178 కావున నీవు ప్రస్తుతానికి వారిని వదలి పెట్టు

ﯶﯷﯸﯹ

37:179 మరియు చూస్తూ ఉండు. ఇక త్వరలోనే వారు కూడా (తమ పర్యవసానాన్ని) చూడగలరు

ﯺﯻﯼﯽﯾﯿﰀ

37:180 నీ ప్రభువు సర్వలోపాలకు అతీతుడు; సర్వశక్తిమంతుడైన ప్రభువు, వారి కల్పనలకు అతీతుడు

ﰁﰂﰃﰄ

37:181 మరియు సందేశహరులందరికీ శాంతి కలుగుగాక (సలాం)

ﰅﰆﰇﰈﰉ

37:182 మరియు సర్వస్తోత్రాలకు అర్హుడైన అల్లాహ్ యే సమస్త లోకాలకు ప్రభువు

పవిత్ర ఖురాన్

Wednesday, September 9, 2026

Don't forget us in your sincere prayers

సూరా అస్-సాఫ్ఫాత్ pdf

సూరా అస్-సాఫ్ఫాత్ pdf — డౌన్‌లోడ్ (తెలుగు)

Related

More సూరా PDF