سوڕەتی هود — ئایه‌ت 1

الر: پێشتر باسی پیتی بڕاوەکان له سەرەتای سوره‌تی به‌قه‌ره‌دا هاتووه‌.

ئه‌م قورئانه‌ کتابێکه‌ که‌ ئایه‌تەکانی به‌شێوازێکی زۆر ڕه‌سه‌ن و پتەو ڕێکخراوه‌، به‌شێوه‌یه‌ك هیچ کێشه‌ و ناته‌واویه‌ک تێدا نیه‌، نه‌ له ڕووی ووشه‌ و ڕسته‌وه‌ و نه‌ له ڕووی ماناوه‌. پاشان ئه‌و ئایه‌تانه‌ ڕوون کراوه‌ته‌وه‌ و جیاکراوه‌ته‌وه‌ به‌ زیکری حه‌ڵاڵ و حهرام، فه‌رمان و ڕێگری، به‌ڵێن و هه‌ڕه‌شه‌، چیرۆک و ئامۆژگاری و هه‌موو ئه‌و شتانه‌ی که‌ پێویسته‌ بۆ ڕێنموویی مرۆڤایه‌تی. ئه‌م هه‌مووه‌ له‌ لایه‌ن زاتێکه‌وه‌ هاتووه‌ که‌ دانا و کاربه‌ژه‌ژێره‌ له‌ کارو بار و فه‌رمانه‌کانیدا، زانایه‌ به‌ هه‌موو نهێنی و ئاشکراکانی به‌نده‌کانی و ده‌زانێت چی بۆ ئه‌وان چاکه‌ و چی بۆ ئه‌وان خراپه‌.

ئه‌ی خوێنه‌ری به‌ڕێز! سه‌رنج بده‌ له‌م ئایه‌ته‌ پیرۆزه‌دا، خوای گه‌وره‌ خۆی باس له‌ قورئانه‌که‌ی ده‌کات و ده‌فهرموێت که‌ ئه‌م کتابه‌ له‌ هه‌موو لایه‌که‌وه‌ تهمام و کامله‌. ئه‌مه‌ش به‌ڵگه‌یه‌که‌ بۆ ئه‌وه‌ی که‌ قورئان له‌ لایه‌ن خوای دانا و زاناوه‌ دابه‌زیوه‌، نه‌ک له‌ لایه‌ن مرۆڤه‌وه‌. بۆیه‌ ئه‌گه‌ر به‌ڕاستی ڕێگای ڕاستی و خۆشبختی ده‌گه‌ڕێیت، ئه‌م کتابه‌ بکه‌ به‌ ڕێبه‌ری ژیانت، چونکه‌ تێیدا هه‌موو ئه‌و شتانه‌ هه‌یه‌ که‌ پێویسته‌ بۆ ژیانێکی ئارام و سه‌رفرازانه‌ له‌ دنیا و قیامه‌تدا.