Sura Az-Zumar — Aya 61

Maana ya maneno:

• بِمَفَازَتِهِمْ: Kwa sababu ya mafanikio yao na kufika kwenye kitu cha ushindi wao, ambao ni Pepo.
• لَا يَمَسُّهُمُ السُّوءُ: Hakuna maovu au adhabu itakayo wafikia.
• وَلَا هُمْ يَحْزَنُونَ: Wala hawatahuzunika kwa kukosa kitu chochote.

Ufafanuzi wa Aya:

Mwenyezi Mungu Atawaokoa na kuwaepusha na adhabu ya Jahannamu wale waliomcha Mola wao kwa kutekeleza amri Zake na kujiepusha na makatazo Yake. Atawapeleka kwenye mahali pa ushindi wao, ambao ni Pepo, kwa sababu ya imani yao na matendo yao mema. Hawataguswa na adhabu yoyote ya Moto, wala hawatahuzunika kwa kukosa vitu vya duniani walivyojinyima kwa ajili ya Mwenyezi Mungu, kwani watapata kilicho bora zaidi kwenye Pepo.

Faida zinazotokana na Aya:

1. Aya hii inathibitisha kwamba wacha Mungu ndio wenye ushindi wa kweli, na kwamba kumcha Mungu ndio njia pekee ya kuepuka adhabu na kupata furaha ya milele.
2. Inatupa matumaini makubwa kwa waumini kwamba kila kitu wanachojinyima duniani kwa ajili ya Mwenyezi Mungu, kitabadilishwa na kitu bora zaidi Peponi, na kwamba hawatahuzunika kwa chochote walichokosa.
3. Inaonyesha ukarimu wa Mwenyezi Mungu na rehema Yake kwa waja wake wacha Mungu, kwamba Anawahifadhi na kuwaokoa kutokana na kila baya, na kuwapa amani na furaha kamili.
4. Inatuhimiza kuvumilia na kujinyima raha za duniani kwa ajili ya mwisho mwema, kwani mwisho wa wacha Mungu ni ushindi mkubwa na furaha isiyo na mwisho.