Suuratu Al-Mursalat — Aaya 18

1. Kelme ɗe ngoni haaja e faamnireede:

• "كَذَٰلِكَ": hono noon, wano men waɗunoo ɓen adinooɓe.
• "نَفْعَلُ": men waɗata.
• "بِالْمُجْرِمِينَ": e bomɓe ɓen, ɓen fennooɓe Nulaaɓe ɓen.

1. Firo Aaya nden:

Hono no Men halkirnoo yimɓe adinooɓe ɓen ɓe fenni Nulaaɓe ɓen wano yimɓe Nuuhu, Aadi e Samuuda, noon kadi Men waɗata e yimɓe caggal maɓɓe ɓen ɓe woni e fennude e yeddugol wano maɓɓe. Hono ndee halkere saɗtunde Men waɗirnoo ɓen, noon kadi Men waɗata e bomɓe Makka ɓen sabu fennugol Nulaaɗo o (jom kisiyee e jam). Kala ɓe ngoni e fennude Nulaaɓe ɓen e yeddugol Alla, halkere maɓɓe nden wano nden.

1. Nafaaji jeyaaɗi e ndee Aaya:

• Alla no halkira bomɓe ɓen e nder aduna, ko ɗum waɗi yo neɗɗo hul Alla.
• Fennugol Nulaaɓe ɓen ko sabu mawɗo halkere, wano waɗunoo e yimɓe adinooɓe ɓen.
• Ndee Aaya no hollira nuunɗal Alqur'aana, sabu ko haalaa kon e mayre ko goonga woni.
• No newna ɓerɗe gomɗimɓe ɓen: Alla no wallira ɓe, no halkira ayɓe maɓɓe ɓen.
• No nodda neɗɗo yo tuubu e Alla ado halkere arii, sabu Alla no jaɓa tuubuɓe ɓen.
• No hollira wonnde laawol Nulaaɓe ɓen woni laawol danngu, kala fennuɗo ɗum no hayra.