ሱረቱ አት-ተውባ — አንቀጽ 36

የቃላት ማብራሪያ፦

• عِدَّةَ الشُّهُورِ፦ የወራትን ቁጥር።
• حُرُمٌ፦ የተከበሩ፣ ጦርነት የተከለከለባቸው።
• الدِّينُ الْقَيِّمُ፦ ቀናው ሃይማኖት፣ ትክክለኛው ስርዓት።
• كَافَّةً፦ በሙሉ፣ በአንድነት።
• الْمُتَّقِينَ፦ አላህን የሚፈሩ፣ ትእዛዙን የሚጠብቁ።

የአንቀጹ ትርጉምና ማብራሪያ፦

አላህ ዘንድ የወራት ቁጥር አሥራ ሁለት ነው። ይህ ስርዓት ሰማያትንና ምድርን በፈጠረበት ጊዜ አስቀድሞ በሉህ መሐፉዝ (በተጠበቀው ሰሌዳ) የተመዘገበ ነው። ከእነዚህ አሥራ ሁለት ወራት መካከል አራቱ የተከበሩ ናቸው፤ እነሱም ዙልቂዳ፣ ዙልሒጃ፣ መሐረም እና ረጀብ ናቸው። ይህ የወራት ቁጥርና የአራቱ ወራት መከበር ቀናው ሃይማኖትና ትክክለኛው ስርዓት ነው። ስለዚህ በእነዚህ የተከበሩ ወራት ውስጥ ጦርነት በመፈጸም ራሳችሁን አትበድሉ፤ በእነሱ ውስጥ መበደል ከሌሎች ወራት የበለጠ ከባድ ነው። ከዚያም አላህ ሙስሊሞችን አጋሪዎች በሙሉ እንደሚዋጉአችሁ ሁሉ እናንተም በሙሉ እንድትዋጉአቸው አዘዘ። አላህ ከተጠንቀቁት ሰዎች ጋር መሆኑን እወቁ፤ እርሱ በእነሱ ላይ ድልንና ድጋፍን ይሰጣል።

ከአንቀጹ የሚገኙ ትምህርቶች፦

1. አላህ የወራትን ቁጥር አሥራ ሁለት አድርጎ ወስኗል፤ ይህ ውሳኔው ከፍጥረቱ መጀመሪያ ጀምሮ የተመዘገበና የማይለወጥ ነው።
2. አራቱ የተከበሩ ወራት (ዙልቂዳ፣ ዙልሒጃ፣ መሐረም፣ ረጀብ) ልዩ ክብርና ደህንነት አላቸው።
3. በእነዚህ ወራት ውስጥ መበደልና ጦርነት መፈጸም ከሌሎች ወራት የበለጠ ኃጢ