Suuratu Yunus — Aaya 26

1. Maanaaji konngol ɗi ngoni e Aayaa nden:

• أَحْسَنُوا: ɓen moƴƴinɓe golle maɓɓe ɗen ka aduna.
• الْحُسْنَىٰ: Aljanna.
• زِيَادَةٌ: Ɓeydungal, ko woni ndaarde yeeso Alla Tedduɗo on ka Aljanna.
• يَرْهَقُ: Hiɗa suddii, hiɗa heɓa.
• قَتَرٌ: Nduuɗi, ɓowle ɗe ɗiƴata yeeso.
• ذِلَّةٌ: Jaasaare, koyeera.
• خَالِدُونَ: Ko ɓe ñiiɓuɓe ton poomaa.

1. Firo Aayaa nden:

Alla Tedduɗo on hollitii wonde ɓen golluɓe golle moƴƴe ka aduna, ɓen jaɓɓiiɓe yamirooje Makko ɗen, ɓen woɗɗitiiɓe e haɗaaɗi Makko ɗin, ina woodani ɓe Aljanna. Ɗum ko njoɓdi ɓurndi moƴƴude. Ɗoon woni "al-ḥusnā". Ɓe keɓay kadi ɓeydungal ngal ɓuri mawnude, ngal woni ndaarde yeeso Alla Tedduɗo on ka Aljanna, ko ɗum woni mbarjaari ɓurndi toowde ndi gollotooɓe moƴƴere ndokka. E nder ndeen mbarjaari, yeeso maɓɓe ɗon heɓataa ɓowle walaa nduuɗi, heɓataa kadi jaasaare walaa koyeera. Ɗum ko luutndi e ko woni e yimɓe Yiite ɗen, ɓen woni e nder ɓowle e koyeera poomaa. Ɓen sifaaɓe e ɗee sifaaji moƴƴi ɗin, ko ɓe yimɓe Aljanna, ko ɓe ñiiɓuɓe ton poomaa, ɓe njaltataa ton, ɓe maayataa ton.

1. Nafaaji ɗi Aayaa nden waajnata:

• Aayaa nden ina hollita wonde moƴƴere e jaɓɓaade yamirooje Alla ina addana neɗɗo mbarjaari ɓurndi mawnude, ndi woni Aljanna.
• Ina newna wonde ɓeydungal ngal ɓuri kala ko neɗɗo e hakkillaŋ makko waawi eɓɓude ina woodi: ndaarde yeeso Alla Tedduɗo on, ko ɗum woni mbarjaari ɓurndi welde ndi Alla fodani gollotooɓe moƴƴere.
• Aayaa nden ina hollita wonde yimɓe Aljanna ɓen heɓataa koyeera walaa jaasaare, ɗum noon ina newna ɓerɗe gollotooɓe moƴƴere ɓen.
• Ina waajna neɗɗo yo o gollu moƴƴere ka aduna, sabu njoɓdi mayre ko ndi poomaa ndi taƴataa.
• Aayaa nden ina hollita wonde Alla Tedduɗo on ko Jaajɗo, Mo fodi mbarjaari ndi o firlitataa, ɗum noon ina ɓeyda yoolaare e nder ɓerɗe gomɗimɓe ɓen.