سوڕەتی ئه‌نبیا — ئایه‌ت 28

معاني الكلمات:

• ما بين أيديهم: کردەوەکانی پێشوویان کە ئەنجامیان داوە.
• ما خلفهم: کردەوەکانی داهاتوویان کە دەیکەن.
• یرتضی: کەسێک کە خوا ڕازی بێت پێی، واتە باوەڕدار و موسڵمان.
• خشیت: ترس و لەخواترسی.
• مشفقون: ترسێکی زۆر و بەهیبت.

تەفسیر:

خوای گەورە هەموو شتێک دەزانێت، ئەو کردەوانەی کە فریشتەکان و پێغەمبەران لە پێشدا ئەنجامیانداوە و ئەو کردەوانەشی کە لە داهاتوودا دەیکەن، هەمووی بەتەواوی لای خوا ڕوون و ئاشکرایە، هیچ شتێک لە زانینی خوا ون نابێت.

فریشتەکان و پێغەمبەران ناتوانن بۆ هیچ کەسێک شەفاعەت بکەن، مەگەر بۆ ئەو کەسانەی کە خوا ڕازی بێت پێیان و ڕێگە بدات کە شەفاعەتیان بۆ بکرێت، ئەوانەش ئەو کەسانەن کە باوەڕیان بە یەکتایی خوا هێناوە و بە دڵسۆزییەوە موسڵمان بوون.

فریشتەکان و پێغەمبەران هەمیشە لە ترسی خوای گەورەدان، لە سزای ئەو دەترسن و لەوەی کە فەرمانەکانی پێشێل بکەن، زۆر هۆشیار و ئاگادارن، بۆیە هەرگیز لە فەرمانی خوا دەرناچن و بە تەواوی ملکەچی ئەون.

ئەی موسڵمانان! ئەم ئایەیە فێرمان دەکات کە خوا زانای بە هەموو شتێکە و هیچ شتێک لێی شاراوە نییە، جا با هەمیشە لە خوا بترسین و لە نافرمانی ئەو خۆمان بپارێزین، وەک فریشتەکان کە لە ترسی خوا لە هەموو گوناهێک خۆیان دەپارێزن. هەروەها پێمان دەڵێت کە شەفاعەت تەنها بە ڕەزامەندی خوا دەبێت، نەک بە ویستی کەسێک، جا با هەوڵ بدەین ببینە لەو کەسانەی کە خوا ڕازییە پێیان، تا لە ڕۆژی قیامەتدا شەفاعەتی پێغەمبەرانمان بۆ بکرێت.