سورت صافات — آیت 82

د کلمو معناګانې:

• أَغْرَقْنَا: موږ ډوب کړل (په اوبو کې).
• الْآخَرِينَ: نور خلک، یعنې هغه کسان چې له نوح علیه السلام نه یې انکار کړی و.

تفسیر:

د دې آیت مبارک مفهوم دا دی چې کله نوح علیه السلام خپل قوم ته د حق پیغام ورساوه او هغوی یې د الله تعالی د عذاب نه ووېرول، خو ډېرو خلکو د هغه خبره ونه منله او په کفر او سرکشۍ یې دوام وکړ. نو الله تعالی خپل پیغمبر ته امر وکړ چې په کشتۍ کې سپره شي او له هغو مومنانو سره چې پر هغه یې ایمان راوړی و، ووځي. بیا الله تعالی پر ځمکه د اسمان له لوري سخت باران ووراوه او له ځمکې نه یې اوبه راوخوټولې، تر دې چې سیلاب راغی او ټول هغه کسان چې کافر وو او د نوح علیه السلام یې دروغجن ګڼلی و، په اوبو کې ډوب شول او له دوی نه هېڅوک پاتې نه شول. دوی ټول هلاک شول او له منځه لاړل، پداسې حال کې چې نوح علیه السلام او مومنان په کشتۍ کې خوندي وو.

فايدې:

• دا چې الله تعالی تل د خپلو پیغمبرانو او مومنانو مدد کوي او دوی له سختو مصیبتونو نه ژغوري، خو کافرانو ته سزا ورکوي.
• دا چې د الله تعالی عذاب کله راشي، نو هېڅوک یې نشي مخنیوی کولی، نو انسان باید تل له الله تعالی نه ووېرېږي او د هغه د حکمونو پیروي وکړي.
• دا چې په کفر او سرکشۍ ټینګار کول د هلاکت سبب کیږي، لکه څنګه چې د نوح علیه السلام قوم هلاک شو.
• دا چې د الله تعالی په رحمت او قدرت باندې باور کول د نجات سبب دی، لکه څنګه چې مومنان په کشتۍ کې وژغورل شول.