Ан-Ниса сүрәсе Аять 135 - Уку, Тыңла, Тәрҗемә, Татарча : Ий мөэминнәр! Ґәһедләрегезне Аллаһ ризасы өчен үтәгәнегез хәлдә, һәрвакыт гаделлектә…

Ан-Ниса · 135/176

Тәрҗемә Транслитерация — Ан-Ниса сүрәсе

۞ يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ وَلَوْ عَلَىٰ أَنفُسِكُمْ أَوِ الْوَالِدَيْنِ وَالْأَقْرَبِينَ ۚ إِن يَكُنْ غَنِيًّا أَوْ فَقِيرًا فَاللَّهُ أَوْلَىٰ بِهِمَا ۖ فَلَا تَتَّبِعُوا الْهَوَىٰ أَن تَعْدِلُوا ۚ وَإِن تَلْوُوا أَوْ تُعْرِضُوا فَإِنَّ اللَّهَ كَانَ بِمَا تَعْمَلُونَ خَبِيرًا ۝١٣٥

🔤 Transliteration

Yaa aiyuhal lazeena aamanoo koonoo qawwa ameena bilqisti shuhadaaa`a lillaahi wa law `alaa anfusikum awil waalidaini wal aqrabeen iny yakun ghaniyyan aw faqeeran fallaahu awlaa bihimaa falaaa tattabi`ul hawaaa an ta`diloo; wa in talwooo aw tu`ridoo fa innal laaha kaana bimaa ta`maloona Khabeera

📖 Тәрҗемә (Татарча)

📖 Татарча

Ий мөэминнәр! Ґәһедләрегезне Аллаһ ризасы өчен үтәгәнегез хәлдә, һәрвакыт гаделлектә булыгыз, бу гаделлек гәрчә үзегезнең, ата-анагызның һәм якын кардәшләрегезнең зарарына булса да, дөрес шәһадәт бирегез! Сез шәһадәт биргән кешеләр кирәк – бай, кирәк – ярлы булсыннар, дөрес шәһадәт бирегез, байга да, ярлыга да сезгә караганда Аллаһ артыктыр. Хактан үтеп китмәк өчен нәфескә иярмәгез! Әгәр шаһитлар яки вәкилләр, булган хәлне үзгәртеп шәһадәт бирсәләр, яисә шәһадәт бирүдән баш тартсалар, Аллаһ, әлбәттә, кылган эшләрегездән хәбәрдар булды, эшегез буенча хөкем итәр.

🌐 Additional reference in Русский

📖 Ayah 📜 Tafsir 📚 Al-Waseet 🔤 Ayah (I'rab)

🎧 Тыңла

📜

Тәрҗемә — Tafsir

Сүзләр мәгънәсе:

القِسْط — гаделлек, тулы дөреслек.
قَوَّامِينَ — даими рәвештә, тырышып башкаручылар.
شُهَدَاءَ لِلَّهِ — Аллаһ ризалыгы өчен генә шаһитлек бирүчеләр.
تَلْوُوا — шаһитлекне бозып, аны үзгәртеп сөйләү.
تُعْرِضُوا — шаһитлек бирүдән баш тарту яки аны яшерү.

Аят тәфсире:

Ий Аллаһка һәм Аның Рәсүленә ышанып, Аның кушканнарын үтәүче мөэминнәр! Сез һәрвакыт гаделлекне тулысынча үтәүче булыгыз. Шаһитлекне бары тик Аллаһ өчен генә бирегез, хәтта ул шаһитлек үзегезгә, әти-әнигезгә яки якын туганнарыгызга каршы булса да. Шаһитлек ителүче кеше бай яки фәкыйрь булуына карамастан, гаделлекне үтәгез. Чөнки Аллаһ аларның икесе турында да сездән яхшырак белә һәм аларның нинди хәлдә икәнен, нәрсә алар өчен хәерле икәнен белергә хаклырак. Сезнең байга ярашу яки фәкыйрьгә кызгану хисегез сезне гаделлектән читкә алып китмәсен. Һәм нәфес теләкләрегезгә иярмәгез, чөнки ул сезне хакыйкатьтән читкә алып китәр. Әгәр сез шаһитлекне бозып сөйләсәгез яки аны бирүдән баш тартсагыз, яки яшерсәгез, белүегез кирәк: Аллаһ сезнең барлык эшләрегезне тулысынча белүчедер. Ул сезнең һәр эшегезне күреп тора һәм алар өчен сезгә тиешле җәза яки әҗер бирәчәк.

Аяттән алынган файдалар:

Гаделлек — мөэминнең төп сыйфаты булырга тиеш, ул хәтта үзеңә яки якыннарыңа каршы да булса.
Шаһитлек биргәндә байлык яки фәкыйрьлек бернинди роль уйнарга тиеш түгел; һәркемгә карата гадел булу — Аллаһ кушкан изге эш.
Кешенең нәфес теләкләре гаделлек юлыннан читкә алып китүче иң зур куркыныч, шуңа күрә аларга каршы торырга кирәк.
Аллаһның һәр эшебезне белеп торуы безне дөреслектән читкә китүдән сакларга тиеш, чөнки һәр эшебез өчен без җавап бирәчәкбез.
Бу аят мөселманнарны батыр һәм туры сүзле булырга өйрәтә, чөнки хакыйкатьне яклау — Аллаһ алдындагы бөек изгелек.

📜 Аять 133-137 — Ан-Ниса сүрәсе

133إِن يَشَأْ يُذْهِبْكُمْ أَيُّهَا النَّاسُ وَيَأْتِ بِآخَرِينَ ۚ وَكَانَ اللَّهُ عَلَىٰ ذَٰلِكَ قَدِيرًا

Ий кешеләр! Әгәр Аллаһ теләсә сезне гөнаһларыгыз сәбәпле бөтен нәселегез белән һәлак итеп, юк кылыр да, сезнең, урыныгызга үзенә итагать итә торган кавемне китерер, Аллаһ бу эшне эшләргә кадир булды.

134مَّن كَانَ يُرِيدُ ثَوَابَ الدُّنْيَا فَعِندَ اللَّهِ ثَوَابُ الدُّنْيَا وَالْآخِرَةِ ۚ وَكَانَ اللَّهُ سَمِيعًا بَصِيرًا

Берәү дөнья байлыгын теләр булса, дөнья байлыгы да, ахирәт байлыгы да – Аллаһ кулындадыр, дөньяны кәсеп итүчегә – дөньяны, ахирәтне кәсеп итүчегә – ахирәтне бирер, Аллаһ ишетүче вә күрүче булды.

135۞ يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ وَلَوْ عَلَىٰ أَنفُسِكُمْ أَوِ الْوَالِدَيْنِ وَالْأَقْرَبِينَ ۚ إِن يَكُنْ غَنِيًّا أَوْ فَقِيرًا فَاللَّهُ أَوْلَىٰ بِهِمَا ۖ فَلَا تَتَّبِعُوا الْهَوَىٰ أَن تَعْدِلُوا ۚ وَإِن تَلْوُوا أَوْ تُعْرِضُوا فَإِنَّ اللَّهَ كَانَ بِمَا تَعْمَلُونَ خَبِيرًا

136يَا أَيُّهَا الَّذِينَ آمَنُوا آمِنُوا بِاللَّهِ وَرَسُولِهِ وَالْكِتَابِ الَّذِي نَزَّلَ عَلَىٰ رَسُولِهِ وَالْكِتَابِ الَّذِي أَنزَلَ مِن قَبْلُ ۚ وَمَن يَكْفُرْ بِاللَّهِ وَمَلَائِكَتِهِ وَكُتُبِهِ وَرُسُلِهِ وَالْيَوْمِ الْآخِرِ فَقَدْ ضَلَّ ضَلَالًا بَعِيدًا

Ий ышанучылар! Хак ышану илә ышаныгыз Аллаһуга, расүленә, рәсүленә иңдергән Коръәнгә һәм әүвәл иңдерелгән китапларга! Аллаһуга хак ышану – аңа итагать итү, гыйбадәт кылу илә, рәсүлгә хак ышану – аңа иярү илә. Коръәнгә хак ышану – аның илә гамәл кылу белән һәм ахирәткә хак ышану – ахирәткә әзерләнү илә булыр. Берәү Аллаһуга, аның фәрештәләренә, китапларына, расүлләренә һәм ахирәт көненә ышануны инкяр итсә, яки хак ышану илә ышанмаса, ул кеше бик ерак адашу илә адашты.

137إِنَّ الَّذِينَ آمَنُوا ثُمَّ كَفَرُوا ثُمَّ آمَنُوا ثُمَّ كَفَرُوا ثُمَّ ازْدَادُوا كُفْرًا لَّمْ يَكُنِ اللَّهُ لِيَغْفِرَ لَهُمْ وَلَا لِيَهْدِيَهُمْ سَبِيلًا

Дөреслектә монафикълар иман китерделәр, соңра Коръән хөкемнәрен инкяр итеп кәфер булдылар, аннары тәүбә итеп иман китерделәр, янә Коръән аятьләрен инкяр итеп кәфер булдылар, аннары Коръән хөкемнәрен инкяр итүләрен арттырдылар. Инде Аллаһ аларны ярлыкаучы һәм туры юлга күндерүче булмады.

← Аять 134 📖 Ан-Ниса Аять 136 →

Ан-НисаКоръән исемлеге

176Аять

MedinanRevelation

135Аять

Тәрҗемә — Ан-Ниса 135

Ан-Ниса сүрәсе Аять 135 - Уку, Тыңла, Тәрҗемә, Татарча : Ий мөэминнәр! Ґәһедләрегезне Аллаһ ризасы өчен үтәгәнегез хәлдә, һәрвакыт гаделлектә…

Сүрәсе Аять 135/176 — Ан-Ниса сүрәсе النساء (Medinan). Уку Тыңла Тәрҗемә (Татарча). Тыңла: Ан-Ниса сүрәсе Тыңла, Ан-Ниса сүрәсе Тәрҗемә, Ан-Ниса сүрәсе mp3, Ан-Ниса сүрәсе pdf. Аять 133–137. Татарча: Русский.

📚 Изге Коръән 🎧 Тыңла mp3 ⬇ mp3