Suuratu Hud — Aaya 123

1. Sarɗiiji kelme ɗe ngoni e Aaya nden:

• غَيْبُ: Ko wirnii, ko ɓoyi, ko wonaa e anndal yimɓe.
• يُرْجَعُ الأَمْرُ: Ko fiyakuuji fow nduttoto, ko kanko tun woni joom mum en.
• فَاعْبُدْهُ: Rewo Mo, dewal wonannde Alla tun.
• تَوَكَّلْ عَلَيْهِ: Hoolor Mo, faw e Makko fiyakuuji maa fow.
• بِغَافِلٍ: Wonaa welsindiiɗo, wonaa yejjitiiɗo.

1. Firo Aaya nden:

Ko Alla tun woodani anndal ko wirnii e kammuuli ɗin e leydi ndin. Ko woni kon ko ɓoyi e ɗiɗi ɗin fow, hay huunde suuɗaaki Mo. Ko e Makko tun fiyakuuji fow nduttoto Ñalnde Darngal. Sabu ɗum, an Nulaaɗo, rewo Mo tun, hoolor Mo e fiyakuuji maa fow. Joomi maa wonaa welsindiiɗo e ko golloton kon, ko woni ko moƴƴi e ko boni; ko Annduɗo ɗum fow, o yoɓitoyay kala e ko golli kon.

1. Nafaaji ɗi Aaya nden hollata:

• Anndal ko wirnii fow ko Alla tun woodani; ɗum no ɓeyda hoolaare e Makko.
• Fiyakuuji fow ko e juuɗe Alla nduttoto; ɗum no newna ɓernde gomɗinɗo on.
• Dewal ko Alla tun woodani, kadi hoolaare nden fow ko e Makko woodani.
• Alla anndi ko golloton kon fow, hay huunde suuɗaaki Mo; ɗum no waajna gomɗinɓe ɓen ɓeydude golle moƴƴe.