Suurah Saba — Aayad 4

Macnaha Erayada:

• Liyajziya: Si uu u abaal-mariyo.
• Amiluu al-saalihat: Camal wanaagsan oo ku salaysan sunnaha Rasuulka ﷺ.
• Maghfirah: Dhaafista dambiyada oo aan loo xisaabin.
• Rizqin kariim: Rizqi sharaf leh oo aan dhammaanayn, taasoo ah Jannada.

Tafsiirka:

Allaah Subxaannahu wuxuu sheegay inaan waxba ka qarsoonaan Cilmigiisa, xitaa waxa ugu yar ee ku sugan samooyinka iyo dhulka, sida qudhunta (antiga) yar, iyo waxa ka yar ama ka weyn, waxaas oo dhan wuxuu ku qoranyahay Kitaab Cad (Luxul-Maxfuudh). Ujeeddadaas qorista iyo cilmiga waana si uu u abaal-mariyo kuwa rumeeyay Allaah, raacsaday Rasuulkiisa, oo camal fiican falaay. Kuwaas oo leh sifooyinkaas wanaagsan, waxaa u sugnaaday dambi dhaaf ka yimaada Eebahood, iyo Rizqi Sharaf leh oo ah Jannada, halkaas oo ay ku raaxaysan doonaan ni’mo aan dhammaanayn.

Faa'iidooyinka laga qaato:

1. Dhiirigelin ku camal-falidda wanaagga: Aayaddu waxay ku bishaaraynaysaa mu’miniinta in camalkooda wanaagsan uu ka heli doono abaal-marin ka hor imaanaysa Eebbe, taasoo ku kordhinaysa hamigooda iyo dadaalkooda.
2. Caddaaladda Eebbe: Waxay muujinaysaa in Eebbe uusan ku xumeynayn addoomadiisa, balse wuxuu abaal-mariyaa camalka wanaagsan iyo xumaanta si caddaalad ah.
3. Rajo iyo niyad wanaag: Mu’minku wuxuu ku nool yahay rajo, isagoo og in dhibaatooyinka adduunku ay yihiin kuwo ku meel gaar ah, balse abaalmarinta Eebbe waa mid joogta ah oo aan dhammaanayn.
4. Cilmiga Eebbe waa mid dhammaystiran: Waxay xoojinaysaa in Eebbe ogyahay waxa yar iyo waxa weyn, taasoo ku kallifaysa dadka inay ka fogaadaan dembiga meel kasta oo ay joogaan, maxaa yeelay Eebbe wuu arkaa oo wuu ogyahay.
5. Jannadu waa rizqi kariim: Iyada oo Jannada lagu tilmaamay "rizqin kariim", waxay muujinaysaa in Jannadu ay tahay ni’mo sharaf leh oo ka duwan waxa adduunka laga helo, taasoo ku xoojinaysa rabitaanka mu’minka ee Jannada.