Suuratu Az-Zumar — Aaya 20

1. Maanaaji kelme ɗe ngoni ɗe faamnaange:

• اتَّقَوْا: hulde Alla, ɗoftaade yamirooje Makko e woɗɗitaade haɗaaɗe Makko.
• غُرَفٌ: cuuɗi toowɗi, suuduuji ɗi ngoni dow.
• مَّبْنِيَّةٌ: mahaaɗi, ɓaɗaaɗi no haaniri.
• تَجْرِي: ɗiyata, e ɗon rewa.
• الْمِيعَادَ: ahadi, fodoore.

1. Firo Aaya nden:

Kono ɓen ɓe kuli Joomi maɓɓe, ɓe ɗoftii yamirooje Makko, ɓe woɗɗitii haɗaaɗe Makko, hino woodani ɓe Aljanna nder ɗon cuuɗi toowɗi, hino dow maɓɓe kadi cuuɗi goɗɗi mahaaɗi, ndiyam ɗon ila les maɓɓe. Ɗum ko fodoore Alla, Alla wonaa On ɓetnata fodoore Makko, sabu ɓetgol fodoore ko ŋakkeere, Alla toowii e ɗum.

1. Nafaaji ɗi nden Aaya ndokki:

• Nden Aaya hino hollude wonde kulol Alla e ɗoftaare Makko ko laawol feewngol faade e Aljanna.
• Hino newinana ɓerɗe gomɗimɓe ɓen wonde Alla hino moƴƴinani ɓe nokkuuji ɓurɗi wooɗude nder Aljanna.
• Hino hollude wonde fodoore Alla ko goonga, Alla wonaa On ɓetnata nde, ɗum ko hoolaare wonande ɓen gomɗimɓe.
• Hino yooƴude ɓerɗe yimɓe ɓen ngam ɓe rew Alla, ɓe hulu Mo, sabu ko Mo fodi kon ko goonga, ko weltaare ndeen nden wonaa nde taƴata.