سورت شوری — آیت 32

د لاندې آيت تفسير په پښتو ژبه کې وړاندې کېږي:

د آيت د مهمو وييونو معناګانې:

• الْجَوَارِ: هغه بېړۍ چې په بحر کې روانې وي (د "جارية" جمع ده).
• الْأَعْلَامِ: غرونه او لوړې څوکې؛ همدارنګه هر لوړ څيز ته "علم" ويل کېږي.

د آيت تفسير:

الله تعالی د خپل قدرت او وحدانيت له نښو څخه دا يادوي چې هغه لويې بېړۍ چې په سمندر کې روانې دي، د غرونو په شان لوړې او سترې دي. دا بېړۍ د الله تعالی په امر او قدرت سره پر اوبو باندې روانېږي او د هغه د حکمت او رحمت ښکارندويي کوي. که الله تعالی وغواړي، هوا ارامه کوي او دا بېړۍ پر اوبو باندې ولاړې پاتې کېږي، نه خوځي. په دې کې د الله تعالی د قدرت ډېرې نښې او د هغه د وحدانيت روښانه دلايل پرتې دي، چې هر هغه څوک چې د الله په اطاعت کې صبر کوي او د هغه د نعمتونو شکر ادا کوي، پرې پوهېږي.

د آيت څخه استفادې شوې فايدې:

1. دا چې د سمندر په څېر داسې لوی مخلوق او په هغه کې د غرونو په شان بېړۍ روانول، د الله تعالی د لوی قدرت ښکاره ثبوت دی.
2. انسان بايد د الله تعالی په قدرت او تدبير باندې باور ولري، ځکه چې هغه پر هر څيز قادر دی.
3. په دې آيت کې د الله تعالی د نعمتونو يادونه شوې، نو بايد له دې نعمتونو څخه د عبرت اخيستلو ترڅنګ د هغه شکر هم ادا کړو.
4. دا چې الله تعالی د بېړيو د روانولو او درولو واک لري، نو انسان بايد په خپلو چارو کې له الله تعالی مرسته وغواړي او پر هغه توکل وکړي.