سوڕەتی زوخرف — ئایه‌ت 21

ووشەكان:

• أَمْ: مەبەست لێی پرسیارێكە بە ڕەخنەگرتنەوە.
• آتَيْنَاهُمْ: دامانە پێیان.
• كِتَابًا: کتێبێکی ئاسمانی.
• مِّن قَبْلِهِ: پێش قورئان.
• مُسْتَمْسِكُونَ: دەستیان گرتووە پێوە و پابەندی.

تەفسیر:

ئەی پێغەمبەر، ئایا ئەو موشریكانە ئامادەی دروستكردنی فریشتەكان بوون؟ یان ئێمە پێش قورئان كتێبێكمان دابە ئەوانە كە ڕێگەیان پێبدات بۆ عیبادەتكردنی غەیری خوا و هاوپەیمانی بۆ خوا؟! ئەگەر وایە، با بەو كتێبە دەست بگرن و پابەندی بن و بەوە حوجەت بهێنن. بەڵام ئەوانە هیچ كتێبێكیان نییە كە پشتیوانی لە كوفریان بكات، بەڵكو بە تەنها شوێنی گومان و دوودڵی و هەواو هەوەسەكانی خۆیان دەكەون.

ئەی خوێنەری بەڕێز، ئەم ئایەتە بەرچاوی ڕوونە كە ئەو كەسانەی كە دەبنە بەربەست لەبەردەم ڕاستیدا و دەست بەهەڵەكانیانەوە دەگرن، هیچ بەڵگەیەكی ئاسمانییان نییە بۆ كردەوەكانیان. جا ئەمە بانگەوازێكە بۆ هەموو ئادەمیزادێك كە پێش ئەوەی شوێن هیچ بیروباوەڕێك بكەوێت، لێیبپرسێت: ئایا ئەمە لە كتێبی خوایەوە هاتووە یان لە خەیاڵی مرۆڤانەوە؟ چونكە ڕاستی تەنها لەو كتێبەدایە كە خوای گەورە ناردوویەتی بۆ ڕێنمایی مرۆڤایەتی، ئەویش قورئانی پیرۆزە. جا با هەموومان دەست بە قورئانەوە بگرین و پابەندی بین، بەڕاستی ئەوە ڕێگای ڕزگاری و خۆشبەختییە لە دنیا و قیامەتدا.