Suuratu An-Najm — Aaya 42

1. Sarɗiiji kelme ɗe ngoni ɗo e Aaya nden:

• "الْمُنتَهَىٰ": ko ɗum woni nokku ɓaawoowo, maanaa ko ɗon yimɓe fow artata, ko ɗon kadi fow gasata.

1. Firo Aaya nden:

Alla no humpita wonde ko e Joomi maa, an Nulaaɗo, tagaaɗi fow ndewata, ko ɗon kadi fow nduttata ɓaawo maayde. Wonande tagaaɗi ɗin fow, ɓe ngartata ko e Alla tun, o yoɓita ɓe golle maɓɓe ɗe ɓe golli e aduna. Kala neɗɗo no yaha ka Joomi mum, ɗon o tawa ko o foti e golle makko.

1. Nafaaji ɗi Aaya nden hollata:

• Aaya nden no hollita wonde nguurndam aduna ɗam alaa gasagol, fow no ndutta ka Alla.
• No hollita wonde kala neɗɗo no foti hebloraade ñalnde nden, o golla golle moƴƴe.
• No hollita wonde Alla tun woni Joomi goonga, ko e makko fow gasata, ɗum noon no ɓeyda gomɗinal e deeƴere e nder ɓerɗe gomɗimɓe ɓen.
• No waajitoo wonde njoɓdi golle fow ko ka Alla, ɗum noon no newna ɓernde gomɗinɗo o woni e golle moƴƴe, o hulaa Alla.