Sura Al-Qasas — Aya 36

Maana ya Maneno:

• Bainati: Dalili zilizo wazi na zenye kuthibitisha ukweli.
• Muftaran: Uzushi uliozuliwa na kutungwa kwa uongo.
• Fi aba'ina al-awwalin: Katika mababu zetu wa zamani waliotangulia.

Tafsiri ya Aya:

Alipo wajia Musa (A.S.) Firauni na wakuu wa kaumu yake na ishara zetu zilizo wazi, zinazo dhihirisha ukweli wa utume wake, walikataa kuzipokea na wakasema: "Haya tuliyoletewa si chochote ila uchawi ulio zuliwa na kutungwa na Musa mwenyewe. Wala hatujasikia katika enzi za mababu zetu wa zamani kuwa kuna mtu aliyekuja na mambo kama haya." Walisema hivyo kwa ajili ya ukaidi na kukataa haki, ingawa walijua kuwa ni kweli, lakini waliendelea kusisitiza katika upotofu wao.

Faida Zinazotokana na Aya:

1. Watu wanao kufuru na kukataa haki mara nyingi hutumia njia za kukanusha ukweli kwa kudai kuwa ni uchawi au uzushi, bila kujali ushahidi ulio wazi.
2. Kukataa kwao kwa mambo mapya kwa kisingizio cha kutokusikia katika mababu zao ni dalili ya kufuata mila potofu bila kutumia akili na kufikiri.
3. Aya ina fundisha kwamba ukweli hautegemei kuwa umezoeleka au kusikika kwa wazee, bali unategemea uthibitisho na dalili zake zilizo wazi.
4. Inaonyesha subira ya Mitume na uvumilivu wao katika kukabiliana na upinzani na ukaidi wa kaumu zao, jambo linalo tia moyo Waumini kusimama imara katika kuitangaza haki.
5. Inaonya juu ya hatari ya kiburi na kujiona kuwa wakubwa, kwani ndio sababu kuu ya kuwafanya makafiri kukataa haki hata baada ya kuthibiti kwake.