စူရာ ဂါဖီရ် — အာယာသ် 2

1. ဤအာယသ်တော်တွင် ရှင်းလင်းရန်လိုအပ်သော ဝေါဟာရများ။

• تَنزِيلُ (တန်ဇီးလ်) — ချပေးတော်မူခြင်း၊ ထုတ်ဖော်ချပေးအပ်တော်မူခြင်း။
• الْكِتَابِ (အလ်ကီတာဗ်) — ကျမ်းတော်၊ ဤနေရာတွင် ကုရ်အာန်ကျမ်းတော်မြတ်ကို ဆိုလိုသည်။
• الْعَزِيزِ (အလ်အဇီးဇ်) — ဘုန်းတန်ခိုးတော်နှင့်ပြည့်စုံတော်မူသော၊ မည်သူမျှ အနိုင်မယူနိုင်သော။
• الْعَلِيمِ (အလ်အလီးမ်) — အရာခပ်သိမ်းကို အကြွင်းမဲ့သိတော်မူသော။

1. အာယသ်တော်၏ အဓိပ္ပာယ်ဖွင့်ဆိုချက်။

ဤကုရ်အာန်ကျမ်းတော်မြတ်သည် တမန်တော်မုဟမ္မဒ် (ဆွလ္လလ္လာဟုအလိုင်ဟိဝစလ္လမ်) အပေါ်သို့ အလ္လာဟ်အရှင်မြတ်ထံတော်မှ ချပေးအပ်တော်မူခြင်းဖြစ်သည်။ အလ္လာဟ်အရှင်မြတ်သည် အလွန်တန်ခိုးကြီးတော်မူသောအရှင်၊ မည်သည့်အရာကမျှ အရှင်မြတ်ကို အနိုင်ယူနိုင်ခြင်းမရှိသောအရှင်၊ မိမိဖန်ဆင်းထားသော သတ္တဝါအားလုံးကို အကြွင်းမဲ့သိရှိတော်မူသောအရှင် ဖြစ်တော်မူသည်။ ဤကျမ်းတော်သည် အရှင်မြတ်၏ အသိဉာဏ်တော်နှင့် တန်ခိုးတော်မှ ဆင်းသက်လာသောကြောင့်၊ မှားယွင်းမှုဟူ၍ လုံးဝမရှိနိုင်ပေ။ အရှင်မြတ်သည် မိမိကျေးကျွန်များ၏ အကျိုးစီးပွားများကို အကြွင်းမဲ့သိရှိတော်မူသောကြောင့်၊ လူသားတို့အတွက် လမ်းညွှန်အဖြစ် ဤကျမ်းတော်ကို ချပေးတော်မူခြင်းသည် အရှင်မြတ်၏ ကြီးမားသော ဂရုဏာတော်နှင့် ဉာဏ်ပညာတော်ကို ဖော်ပြနေသည်။

1. ဤအာယသ်တော်မှ ရရှိနိုင်သော အကျိုးကျေးဇူးများနှင့် သင်ခန်းစာများ။

• ကုရ်အာန်ကျမ်းတော်မြတ်သည် အလ္လာဟ်အရှင်မြတ်ထံတော်မှ အမှန်တကယ် ချပေးအပ်တော်မူသော ကျမ်းတော်ဖြစ်ကြောင်း ယုံကြည်စိတ်ချနိုင်သည်။
• အလ္လာဟ်အရှင်မြတ်သည် တန်ခိုးတော်နှင့် အသိဉာဏ်တော်ဖြင့် ပြည့်စုံတော်မူသောကြောင့်၊ အရှင်မြတ်၏ စကားတော်သည် အမြင့်မြတ်ဆုံးဖြစ်ပြီး၊ လူသားတို့၏ ဘဝလမ်းစဉ်အတွက် အကောင်းဆုံး လမ်းညွှန်ဖြစ်သည်။
• ဤကျမ်းတော်ကို ဖတ်ရှုလိုက်နာခြင်းဖြင့်၊ လူသားတို့သည် လောကီနှင့် လောကုတ္တရာ နှစ်ဌာနစလုံးတွင် အောင်မြင်မှုရရှိနိုင်သည်။
• အလ္လာဟ်အရှင်မြတ်သည် မိမိကျေးကျွန်များကို အကြွင်းမဲ့သိရှိတော်မူသောကြောင့်၊ လူသားတို့သည် အရှင်မြတ်ထံ ပြန်လှည့်ကာ အရှင်မြတ်၏ လမ်းညွှန်ချက်များကို လိုက်နာခြင်းဖြင့်၊ စစ်မှန်သော ငြိမ်းချမ်းမှုနှင့် ကယ