စူရာ အလ်-အန်အာမ် — အာယာသ် 108

၁။ အာယသ်တော်တွင် ရှင်းလင်းရန် လိုအပ်သော ဝေါဟာရများ

• تَسُبُّوا — ကဲ့ရဲ့ရှုတ်ချခြင်း၊ ဆဲရေးခြင်း။
• يَدْعُونَ مِن دُونِ اللَّهِ — အလ္လာဟ်အရှင်မြတ်အား စွန့်၍ ကိုးကွယ်ဆည်းကပ်ကြသော ရုပ်တုများ၊ ကိုးကွယ်ရာများ။
• عَدْوًا — ကျူးလွန်ခြင်း၊ ရန်လိုခြင်း၊ အတိုင်းအတာလွန်ခြင်း။
• زَيَّنَّا — လှပစေခဲ့သည်၊ နှစ်သက်ဖွယ်ဖြစ်စေခဲ့သည်။
• أُمَّةٍ — လူမျိုးတစ်မျိုး၊ အသိုင်းအဝိုင်းတစ်ခု။
• مَرْجِعُهُمْ — သူတို့၏ ပြန်လည်ရောက်ရှိရာနေရာ။

၂။ အာယသ်တော်၏ အဓိပ္ပာယ်ဖွင့်ဆိုချက်

အို မုအ်မင်န်တို့၊ အလ္လာဟ်အရှင်မြတ်အား စွန့်၍ မုရှ်ရိက်တို့ ကိုးကွယ်ဆည်းကပ်နေကြသော ရုပ်တုများကို သင်တို့ မဆဲရေးကြနှင့်။ အကြောင်းမှာ ထိုရုပ်တုများသည် ဆဲရေးခံထိုက်သော အယုတ်ညံ့ဆုံးအရာများ ဖြစ်ကြသော်လည်း၊ သင်တို့ ဆဲရေးခြင်းကြောင့် မုရှ်ရိက်တို့သည် အသိပညာမရှိဘဲ ရန်လိုမုန်းတီးသောစိတ်ဖြင့် အလ္လာဟ်အရှင်မြတ်အား ပြန်လည်ဆဲရေးကြလိမ့်မည်။ ထိုသို့ဖြစ်လျှင် အရှင်မြတ်အား မထိုက်မတန်သော စကားများဖြင့် ကဲ့ရဲ့ရှုတ်ချခြင်းဟူသော ကြီးလေးသည့်အပြစ်သို့ ရောက်ရှိကြမည်။ ထို့ကြောင့် မကောင်းမှုကို တားဆီးရန် လမ်းကြောင်းများကို ပိတ်ဆို့ခြင်းအနေဖြင့် ဤသို့ ဆဲရေးခြင်းကို တားမြစ်တော်မူခြင်း ဖြစ်သည်။

ထို့နောက် အလ္လာဟ်အရှင်မြတ်သည် မိန့်တော်မူသည်။ ဤမုရှ်ရိက်တို့သည် မိမိတို့၏ မှားယွင်းသော လမ်းစဉ်ကို လှပကောင်းမွန်သည်ဟု ထင်မြင်ယူဆကြသကဲ့သို့၊ ငါအရှင်မြတ်သည် လူမျိုးတိုင်း၊ အသိုင်းအဝိုင်းတိုင်းအတွက် သူတို့၏ လုပ်ရပ်များကို လှပစေတော်မူခဲ့သည်။ ကောင်းမှုဖြစ်စေ၊ မကောင်းမှုဖြစ်စေ သူတို့ပြုလုပ်နေကြသည့်အတိုင်း ထင်မြင်ယူဆကြပြီး လုပ်ဆောင်ကြသည်။ ဤသည်မှာ လူသားတို့၏ စမ်းသပ်ခံရခြင်းပင် ဖြစ်သည်။ ထို့နောက် နောက်ဆုံးတွင် သူတို့အားလုံး၏ ပြန်လည်ရောက်ရှိရာသည် သူတို့၏ အရှင်သခင်ထံတော်သို့ပင် ဖြစ်သည်။ ထိုအခါ အရှင်မြတ်သည် သူတို့ပြုလုပ်ခဲ့ကြသော လုပ်ရပ်အားလုံးကို သူတို့အား အသိပေးတော်မူမည်။ ထို့နောက် သူတို့၏ လုပ်ရပ်များအတိုင်း အစားပေးတော်မူမည် ဖြစ်သည်။

၃။ ဤအာယသ်တော်မှ ရရှိသော အကျိုးကျေးဇူးများနှင့် သင်ခန်းစာများ

• အစ္စလ