سوڕەتی نازیعات — ئایه‌ت 31

ووشەكان:

• ماءها: ئاوی ژێر زەوی كە بە سەرچاوە و كانیاوەكان دەردەهێنێت.
• مرعاها: گژوگیا و ڕوەكەكان كە ئاژەڵ و ماڵات لێی دەلەوەڕێن.

تەفسیر:

دوای ئەوەی خوای گەورە لە ئایەتە پێشووەكاندا باسی دروستكردنی زەوی و ڕاخستنی كردووە، ئێستە لەم ئایەتەدا ڕوون دەكاتەوە كە چۆن زەوی بۆ ژیانی مرۆڤ و گیانلەبەران ئامادە كردووە. خوای میهرەبان لە ناو زەوییەوە ئاوی ژێر زەوی دەرهێنا و كردی بە سەرچاوە و كانیاوە ڕەوانەكان، بەم شێوەیە ئاوی خواردنەوە و ئاودێری بۆ مرۆڤ و گیانلەبەران دابین كرد. هەروەها لە هەمان زەویدا گژوگیا و ڕووەكی جۆراوجۆری ڕواند كە بۆ لەوەڕاندنی ئاژەڵ و ماڵات بەسوودە.

ئەی مرۆڤە! تەماشای ئەم دەستەودای خوای گەورە بكە؛ ئەو زاتەی كە لە زەوییەكی وشك و بێ گیاندا ئاو و ڕووەك دەردەهێنێت، ئایا ئەو زاتە ناتوانێت مردووەكان زیندوو بكاتەوە؟ بە دڵنیایی ئەو خوایەی كە ئەم هەموو ناز و نیعمەتەی بۆ مرۆڤ ئامادە كردووە، بەسەر هەموو شتێكدا بەدەسەڵاتە و زیندووكردنەوەی مردووان بۆی ئاسانە. كەواتە ئەی بەندە! سوپاسگوزاری ئەم هەموو نیعمەتە بە، و بزانە كە ژیانی دوایی ڕاستە و ڕۆژێك دێت كە هەموومان لەو گۆڕانەوە هەڵدەستین و بەرامبەر كردارەكانمان لێپرسینەوە دەكرێت. جا ئەو ڕۆژە بۆ ئەوانەی كە باوەڕیان هێناوە و كاری چاك كردووە، ڕۆژی خۆشی و کامەرانییە، و بۆ ئەوانەی كە ڕێبازی خوايان بەجێهێشتووە، ڕۆژی پەشیمانی و سزایە.