Suuratu Al-Layl — Aaya 5

1. Sarɗiiji kelme ɗe ngoni ɗo faŋŋaade:

— "أَعْطَىٰ": on totti, on hokki. Ɗo woni: hokkirde Alla e ko O yamiri, wano zakka, nafaqa, e kaffaara.

— "اتَّقَىٰ": on huliri Alla, on reŋtii e ko Alla haɗi.

1. Firo aaya nden:

Alla Seniiɗo O senndii yimɓe ɓen ɓe ngollata e laawol moƴƴol, O wi'i: kala mo totti ko Alla yamiri mo tottude, wano zakka e nafaqa e kaffaara, o huliri Alla kadi o reŋtii e ko Alla haɗi kon, o golli ko weli Alla, o woɗɗitii e ko Alla añi, o goonɗini kadi wonnde alaa reweteeɗo si wanaa Alla, o goonɗini kadi ko fawi e ndin goonɗinal immorde e njoɓdi e mbarjaari, haray Alla maa fewnu mo e laabi moƴƴi ɗin, O newinan mo golle moƴƴe ɗen, O newinan mo kadi fiyakuuji makko ɗin fow, O waɗan mo ko newi e fiyaaku makko.

1. Nafaaji ɗi aaya nden hollata:

— Aaya nden no hollu wonnde golle moƴƴe ɗen e hulɗugol Alla ko ɗiɗi kon ko ɓuri teeŋtude e laawol ngol Alla jaɓata.

— No newna ɓernde gomɗinɗo on: kala mo totti e huliri Alla, Alla maa fewnu mo, O newinan mo laawol moƴƴol.

— No hollu wonnde Alla woni e wallude e newnande ɓen ɓe ngollata golle moƴƴe, ɗum noon no haɓɓini ɓernde yimɓe ɓen e golle moƴƴe.

— No waajnu wonnde tottugol ko Alla yamiri e reŋtude e ko Alla haɗi ko ɗum woni laawol baraaku e ndimaagu e nder aduna e laakara.