بقرہ سۈرىسى — ئايەت 171

1) ئايەتتىكى چۈشەندۈرۈشكە موھتاج سۆزلەر:

• يَنْعِقُ: پادىچىنىڭ قوي-كالىلارغا قاراپ قىچقىرىشى، ھەيدەش ئاۋازى.
• دُعَاءً وَنِدَاءً: چاقىرىش ۋە ئاۋاز قىلىش؛ يەنى پەقەت ئاۋازلا، مەنىسىز توۋلاش.
• صُمٌّ: گاسلار، ئاڭلىمايدىغانلار؛ بۇ يەردە ھەقىقەتنى ئاڭلىمايدىغانلار مەنىسىدە.
• بُكْمٌ: گاچىلار، سۆزلىيەلمەيدىغانلار؛ بۇ يەردە ھەقىقەتنى ئېيتالمايدىغانلار مەنىسىدە.
• عُمْيٌ: كورلار؛ بۇ يەردە ھىدايەتنى كۆرەلمەيدىغانلار مەنىسىدە.

2) ئايەتنىڭ تەپسىرى:

ئاللاھ تائالا بۇ ئايەتتە كاپىرلارنىڭ ھالەتىنى پادىچىنىڭ چاقىرىقىغا ئوخشىتىدۇ. پادىچى قوي-كالىلىرىغا قىچقىرىپ چاقىرغاندا، ئۇلار پەقەت ئاۋازنىلا ئاڭلايدۇ، ئەمما سۆزنىڭ مەنىسىنى چۈشەنمەيدۇ. خۇددى شۇنىڭدەك، پەيغەمبەر ئەلەيھىسسالام كاپىرلارنى ئىمان ۋە ھىدايەتكە چاقىرغاندا، ئۇلار پەقەت ئاۋازنى ئاڭلايدۇ، ئەمما چاقىرىقنىڭ مەزمۇنىنى چۈشەنمەيدۇ ۋە ئۇنىڭدىن پايدىلانمايدۇ. ئۇلار ھەقىقەتكە قارشى قۇلاقلىرىنى تۇتۇۋالغان، ھەقىقەتنى ئېيتىشتىن تىللىرىنى چىگىشلىگەن، ھىدايەت ئالامەتلىرىنى كۆرۈشتىن كۆزلىرىنى يۇمغان كىشىلەردۇر. شۇڭا ئۇلار ئۆزلىرىگە پايدىلىق بولغان نەرسىلەرنى چۈشىنىش ئۈچۈن ئەقىللىرىنى ئىشلەتمەيدۇ. بۇ ئايەت پەيغەمبەر ئەلەيھىسسالامغا تەسەللى بېرىش ۋە كاپىرلارنىڭ ھالەتىنى ئوچۇق بايان قىلىش ئۈچۈن نازىل بولغان.

3) ئايەتتىن ئېلىنىدىغان پايدىلار:

• ئىسلام دىنى ئىنساننى ھەقىقەتنى ئاڭلاشقا، چۈشىنىشكە ۋە ئەقىلنى ئىشلىتىشكە چاقىرىدۇ. بۇ ئايەت ئەقىلنى ئىشلەتمەي، ھەقىقەتكە قۇلاق سالمىغان كىشىلەرنىڭ ھالەتىنى كۆرسىتىپ بېرىدۇ.
• قۇرئان كەرىم ھەر قانداق ئادەمنى ھىدايەتكە يېتەكلەيدىغان نۇر بولۇپ، ئۇنى ئاڭلىغان ۋە چۈشەنگەن كىشى ئۈچۈن زور بەختتۇر. بۇ ئايەت بىزنى قۇرئاننى چوڭقۇر چۈشىنىشكە ۋە ئۇنىڭدىن پايدىلىنىشقا تەرغىب قىلىدۇ.
• ئىسلام دىنى ئىنساننىڭ قەلبىنى، قۇلىقىنى ۋە كۆزىنى ھەقىقەتكە ئېچىشىنى تەلەپ قىلىدۇ. بۇ ئايەت بىزگە ھەقىقەتكە قارشى تۇرماي، ئۇنى قوبۇل قىلىش ۋە ئەمەل قىلىش لازىملىقىنى ئەسكەرتىدۇ.
• ئاللاھ تائالا ھەر بىر ئىنسانغا ئەقىل ۋە ئىرادە بەرگەن، شۇڭا بىز ئەقلىمىزنى ئىشلىتىپ، ھەقىقەتنى تونۇش ۋە ئۇنىڭغا ئەمەل قىلىش ئارقىلىق بەخت-سائادەتكە ئېرىشەلەيمىز.