Suuratu Taha — Aaya 134

1) Sifaaji konngooji ɗi faamugol ngol sokli:

• أَهْلَكْنَاهُم: Men halki ɓe.
• بِعَذَابٍ: e lepte.
• مِن قَبْلِهِ: ado nde o (Nulaaɗo) arata.
• لَوْلَا: haraa, ko haɗi.
• آيَاتِكَ: Aayeeje Maa ɗen (nde woni Alqur'aana e sariya Maa).
• نَذِلَّ: men hoyoo, men famɗoo.
• نَخْزَى: men kerse, men mbaaɗu.

2) Firo Aaya nden:

So Men halkuno ɓee fennooɓe Nulaaɗo Muhammadu (yo Alla juuro mo hisna mo) e lepte ɗen ado Men nulde Nulaaɗo e maɓɓe, ɓe nula e maɓɓe Deftere, ɓe wi'ayno ñalnde darngal, ɓe ngantoo e fennugol maɓɓe ngun: "Joomi amen, ko haɗi nulde e amen Nulaaɗo ka aduna, haray men gollitii mo, men jokki Aayeeje Maa ɗen e sariya Maa, ado lepte Maa ɗen arde e amen, men hoyoo, men kerse?" Ɗum woni ko ɓe ngantortoo e mun, kono ɓe nulaama Nulaaɗo, Deftere nden jippinaama, tawi ɓe fennii. Hakkille aaya nden ko hollude nunɗal Alla e ɓiɗɓe aade, e wonde O nulii Nulaaɓe ado O leptude, fii wata goɗɗo wonu e ngantoowo ñalnde darngal.

3) Nafaaji ɗi Aaya nden jogii:

• Alla no nunɗu, O leptataa yimɓe ado O nulde Nulaaɗo e maɓɓe, fii wata ɓe mbaasu e ngantoowo ñalnde darngal.
• Nulaaɗo Muhammadu (yo Alla juuro mo hisna mo) ko yurmeende wonande winndere nden, sabu ko kanko woni Nulaaɗo sakkitiɗo mo Alla nulii e yimɓe fof.
• Alqur'aana nden ko Aayeeje Alla ɗen, jokkugol ɗe ko daɗndal e hoye e kerse ka aduna e ka laakara.
• Fennugol Nulaaɗo e Aayeeje Alla ɗen no addana neɗɗo hoye e kerse, ɗum noon ko huunde nde poti woɗɗitinde.
• Yimɓe ɓen poti heñoraade e njoɓdi Alla ndin ado lepte ɗen arde, ɓe tuuba e ɓe jokki Aayeeje Alla ɗen, sabu Alla no jaɓira tuuba ɓiɗɓe aade ɓen.