سورت شعراء — آیت 68

د معناوي کلمې:

• العزيز: هغه ذات چې غالب، بېخي پیاوړی او په هر څه باندې قادر وي، چې هیڅوک د هغه پر وړاندې ودرېدلای نشي.
• الرحيم: هغه ذات چې خپلو بندګانو ته ډېر رحم کوي، په ځانګړې توګه پر مؤمنانو باندې.

د آیت تفسیر:

اې محمده! ته ډاډه اوسه چې ستا رب یقیناً همغه ذات دی چې بېخي غالب او پیاوړی دی، او په خپل عزت او قدرت سره یې کافرانو او دروغجنو ته هلاکت او تباهي راوسته. هغه د خپلو دښمنانو څخه په بشپړ ډول انتقام اخلي او هیڅوک د هغه له عذابه نشي تېښته کولای. له بلې خوا، هغه رحم کوونکی دی چې پر خپلو بندګانو، په ځانګړې توګه پر مؤمنانو، لکه حضرت موسی علیه السلام او د هغه ملګرو باندې یې رحم وکړ او له فرعون او د هغه له لښکرو یې وژغورل. نو د دې آیت مفهوم دا دی چې الله تعالی په خپل عزت سره کافرانو ته سزا ورکوي او په خپل رحمت سره مؤمنان بچ کوي.

د آیت څخه لاسته راوړنې (فايدې):

• دا چې الله تعالی د خپلو دوستانو او پیغمبرانو مدد کوي او د دښمنانو پر وړاندې یې بریا ورکوي، نو مؤمن باید تل پر الله باندې باور او توکل ولري.
• دا چې الله تعالی د کافرانو او ظالمانو څخه انتقام اخلي، نو دا د مؤمنانو لپاره د تسلیت او ډاډ سبب دی چې ظالمان به له سزا نه خلاص نشي.
• د الله تعالی رحمت دومره پراخه ده چې خپل بندګان له سختو مصیبتونو او ستونزو څخه ژغوري، نو مؤمن باید د الله له رحمته هیله مند وي او د هغه د عذابه وېره ولري.
• دا آیت د صبر او استقامت درس ورکوي، ځکه چې بریا تل د مؤمنانو ملګرې وي، که څه هم ځنډه وي.