سورت صافات — آیت 19

د کلمو معناګانې:

• زَجْرَةٌ: یوه چغه یا یوه سخت غږ، چې دلته د اسرافیله په صور کې دوهمه پوکۍ (نفخه) ده.
• يَنظُرُونَ: ګوري، انتظار کوي، او د قیامت د هولناکو پېښو په لور ګوري.

د آیت تفسیر:

نو بېشکه دا (قیامت) یوه واحده چغه ده (د اسرافیله په صور کې دوهمه پوکۍ)، نو ناڅاپه دوی (ټول مخلوقات) له خپلو قبرونو راپاڅیږي او د قیامت د هولناکو پېښو په لور ګوري، او په انتظار کې دي چې الله تعالی به ورسره څه کوي. دا خبره د هغو کسانو د ځواب لپاره ده چې د بعث (بیا راژوندي کېدو) څخه یې انکار کاوه، نو الله تعالی وایي چې د دوی بیا راژوندي کول به دومره اسان وي لکه یوه چغه چې ووهل شي، نو ټول به ژوندي وي او خپلو سترګو سره به د قیامت منظرې ویني.

فايدې:

• دا آیت د الله تعالی د قدرت عظمت ښیي، چې د ټول مخلوقاتو بیا راژوندي کول د هغه لپاره یوه شیبه کار دی، او دا د مسلمانانو لپاره د امید او باور سرچینه ده چې الله تعالی پر هر څه قادر دی.
• په دې آیت کې د قیامت د راتلو یقین او د هغې نږدې والی ښودل شوی، چې انسان باید تل د آخرت لپاره چمتو وي او په دنیا کې د الله تعالی د اطاعت په لاره کې کوښښ وکړي.
• دا آیت د هغو کسانو لپاره چې د بیا راژوندي کېدو څخه انکار کوي، یو ډار او خبرداری دی، چې د الله تعالی له قهر او عذاب څخه ځان وژغوري او د ایمان او نیکو اعمالو لار غوره کړي.