စူရာ အန်-နီဆာ — အာယာသ် 123

၁။ အာယသ်တော်တွင် ရှင်းလင်းရန် လိုအပ်သော စကားလုံးများ၏ အဓိပ္ပာယ်

• أَمَانِيّ (အာမာနီ) — ဆန္ဒများ၊ မျှော်လင့်ချက်များ၊ အကောင်အထည်မဖော်ဘဲ စိတ်ကူးယဉ်မှုများ။
• أَهْلَ الْكِتَابِ (အဟ်လလ်ကီတာဗ်) — ကျမ်းရရှိသူများ၊ ယဟူဒီနှင့် ခရစ်ယာန်များ။
• سُوءًا (ဆူအန်) — မကောင်းမှု၊ အကုသိုလ်၊ အပြစ်ဖြစ်စေသော လုပ်ရပ်။
• يُجْزَ بِهِ (ယူဂျ်ဇာ ဗိဟိ) — ထိုအမှုအတွက် အကျိုးအပြစ် ခံစားရမည်။
• وَلِيًّا (ဝလိယျန်) — ကူညီစောင့်ရှောက်သူ၊ အုပ်ထိန်းသူ။
• نَصِيرًا (နဆီရန်) — ကယ်တင်သူ၊ ကူညီသူ။

၂။ အာယသ်တော်၏ အဓိပ္ပာယ်ဖွင့်ဆိုချက်

အို မွတ်စ်လင်မ်တို့၊ ကယ်တင်ခြင်းနှင့် အောင်မြင်မှုသည် သင်တို့၏ ဆန္ဒများနှင့် မျှော်လင့်ချက်များဖြင့် ရရှိမည်မဟုတ်သကဲ့သို့ ကျမ်းရရှိသူများ (ယဟူဒီနှင့် ခရစ်ယာန်များ)၏ ဆန္ဒများဖြင့်လည်း ရရှိမည်မဟုတ်ပေ။ ဤအရာသည် မည်သူမည်ဝါဖြစ်သည်ဟူသော ဂုဏ်ပုဒ်များဖြင့် မဟုတ်ဘဲ စစ်မှန်သော ယုံကြည်မှုနှင့် ကောင်းမှုလုပ်ရပ်များဖြင့်သာ ရရှိမည်ဖြစ်သည်။ မည်သူမဆို မကောင်းမှုတစ်စုံတစ်ရာကို ပြုလုပ်ပါက ထိုအမှုအတွက် အကျိုးအပြစ်ကို မဖြစ်မနေ ခံစားရမည်ဖြစ်ပြီး အလ္လာဟ်အရှင်မြတ်မှလွဲ၍ သူ့အတွက် ကူညီစောင့်ရှောက်မည့်သူ၊ ဘေးအန္တရာယ်မှ ကယ်တင်မည့်သူ တစ်ဦးတစ်ယောက်မျှ ရှာဖွေတွေ့ရှိမည်မဟုတ်ပေ။

ဤအာယသ်တော်သည် မွတ်စ်လင်မ်များနှင့် ကျမ်းရရှိသူများအကြား မည်သူက အလ္လာဟ်အရှင်မြတ်နှင့် ပိုမိုနီးစပ်သည်ဟု အချင်းချင်း ဂုဏ်ယူပြောဆိုနေကြသော အခြေအနေတွင် ထုတ်ဖော်ခဲ့ခြင်းဖြစ်သည်။ ဤအာယသ်တော်က ရှင်းလင်းစွာ ဖော်ပြသည်မှာ အလ္လာဟ်အရှင်မြတ်၏ အကျိုးဆုလာဘ်သည် ဆန္ဒများ၊ မျှော်လင့်ချက်များ၊ ဂုဏ်ပုဒ်များဖြင့် မရရှိဘဲ စစ်မှန်သော ယုံကြည်မှုနှင့် ကောင်းမှုလုပ်ရပ်များဖြင့်သာ ရရှိသည်ဟူသောအချက်ဖြစ်သည်။

မကောင်းမှုပြုသူတိုင်း ထိုအမှု၏ အကျိုးအပြစ်ကို ခံစားရမည်ဆိုသော ဤအာယသ်တော်သည် လူတိုင်းအတွက် ယေဘုယျအားဖြင့် သက်ရောက်သည်။ ကာဖိရ်များအတွက်မူ ငရဲမီးဖြစ်ပြီး မုအ်မင်န်များအတွက်မူ ဤလောကီဘဝတွင် ကြုံတွေ့ရသော ဒ