سورت ذاریات — آیت 10

### معاني الكلمات:

• قُتِلَ: دلعنه او له رحمت څخه ليرې كول.
• الْخَرَّاصُونَ: هغه كسان چې په خپل خيال او اټكل باندې خبرې كوي، دروغجن او اټكل كوونكي.

### تفسير آيت:

دا آيت د هغو كسانو په اړه دى چې د قرآن كريم او د رسول الله ﷺ په اړه يې ناسمې او بې بنسټه خبرې كولې. الله تعالی دوى ته لعنت ويل او د رحمت څخه يې ليرې كول، ځكه چې دوى په خپل باطل خيال او اټكل باندې تكيه كړې وه او د حق پر ځاى يې دروغ غوره كړل. دوى په كفر او ګمراهۍ كې ډوب وو او له حقه يې مخ اړولى و، نو الله تعالی دوى د خپل رحمت څخه محروم كړل او لعنت يې پرې وكړ. دا هغه كسان دي چې د قرآن او پېغمبر په اړه يې مختلفې او بې بنسټه خبرې كولې، لکه داسې چې دوى به ويل چې دا قران شعر دى، يا جادو دى، يا د بشر خبره ده، په داسې حال كې چې دا ټول دروغ او بې بنسټه اټكلونه وو.

### فايدې:

• دا آيت مونږ ته ښيي چې الله تعالی د دروغجنو او اټكل كوونكو كسانو سره څومره سخت چلند كوي، ځكه چې دوى د حق پر ځاى باطل غوره كوي.
• مونږ بايد له اټكل او بې بنسټه خبرو څخه ځان وساتو، په ځانګړې توګه د دين په اړه، ځكه چې د دين په اړه بې بنسټه خبرې كول ستر ګناه ده.
• دا آيت مونږ ته د قرآن د عظمت يادونه كوي، چې هر څوك يې په اړه ناسمې خبرې كوي، هغه د الله له رحمت څخه محروميږي.
• مونږ بايد په خپلو خبرو كې محتاط واوسو او له دروغو او اټكلونو څخه ځان ليرې وساتو، ځكه چې الله تعالی هر څه پېژني او د هر چا حساب به اخلي.