Ndax ku di kay fuglu lu bakkan bu ne fàggu [danañu ko niroole ak leneen ?...]. Te ñoom dañoo sàkkal Yàlla ay bokkaale. Neel : “Tuddleen leen. Walla moo ndax dangeen koy soloo [Moom Yàlla] ci la Mu xamul ci suuf si ? Walla lu ngeen di wax rekk la ci kaw [te eggul ci seen xol]? Déedéet”. Ñooña rafetaleef na leen seen kéefar ba fekk na ñu soril leen yoon [wu jub wa]. Te ku Yàlla bàyyi cig réeram, du am ku ko gindi.
Àjjana ja ñu dig ña ragal Yàlla [kem ni tool] bu ay dex di daw ci suufam ; ay meññantam ak i keram day sax ba fàww. Loolooy mujjug ña ragal Yàlla, te ña weddi Yàlla seen mujj mooy Safara.
Ña nga xam ne jox nañu leen Téere ba, nekk nañu ci la wàcceef na ko ci yaw. Te am na ñenn ci kurél ya, ñu weddi lenn ci Alxuraan. Neel : “Man dey digaleef na ma may jaamu Yàlla te du ma ko bokkaaleek [dara]. Maa ngi woote jëme ci Moom, Te samab delluwaay ma nga fa Moom”.
SurahQuran.com was founded as a humble effort to serve the Noble Book and the pure Sunnah, to invite people to Allah, and to make the religious sciences accessible according to the methodology of the Quran and Sunnah. We praise and thank Allah for His grace, and we ask Him to accept our work and make it sincere for His noble Face.
