ሱረቱ አር-ራዕድ — አንቀጽ 37

የቃላት ማብራሪያ፦

• حُكْمًا عَرَبِيًّا፦ በዐረብኛ ቋንቋ የወረደ ግልጽ ፍርድና ጥበብ።
• أَهْوَاءَهُم፦ የእነሱን ምኞቶችና ፍላጎቶች (የአይሁድንና የክርስቲያኖችን ወይም የአረመኔዎችን)።
• وَلِيٍّ፦ ረዳት፣ ጠባቂ፣ ወዳጅ።
• وَاقٍ፦ ጠብቆ ከሚከላከል፣ ከቅጣት የሚያድን።

የአንቀጹ ትርጉም፦

አላህ ለሁሉም ነቢያት መጻሕፍትን በራሳቸው ቋንቋ እንዳወረደ፣ ለአንተም (ለነቢዩ ሙሐመድ) ቁርአንን በዐረብኛ ቋንቋ ግልጽ ፍርድና ጥበብ አድርጎ አወረደ። ይህም ሕጉን በቀላሉ ተረድተው እንዲተገብሩት ነው።

ከዚያም አላህ ነቢዩን አስጠንቅቆ እንዲህ አለ፦ ከአላህ ዘንድ የተሰጠህን እውነተኛ ዕውቀት ከተቀበልክ በኋላ፣ የእነዚያን ምኞታቸውን የሚከተሉ ሰዎች ፍላጎት ብትከተል (ለምሳሌ ቂብላን ከቀየርን በኋላ ወደ ቀድሞው እንድትመለስ ቢጠይቁህ)፣ ከአላህ ቅጣት የሚከላከልልህ ረዳትም ሆነ ጠባቂ የለህም። ይህ ንግግር ለነቢዩ የተነገረ ቢሆንም፣ ሁሉም ሰሚዎች ለራሳቸው ትምህርት እንዲወስዱና በዲኑ እንዲጸኑ ማሳሰቢያ ነው።

ከአንቀጹ የምናገኛቸው ጠቃሚ ትምህርቶች፦

1. ቁርአን በዐረብኛ ቋንቋ የወረደው ለሰው ልጆች በተለይም ለመጀመሪያዎቹ ተቀባዮች በቀላሉ እንዲረዱትና እንዲተገብሩት ነው። ይህ የአላህ ጥበብና እዝነት ማሳያ ነው።
2. እውነተኛ ዕውቀት ከአላህ ዘንድ ሲመጣ፣ የሰዎችን ምኞትና ፍላጎት መከተል ከፍተኛ ጉዳት ያስከትላል። ምክንያቱም የአላህን መመሪያ ከመከተል ይልቅ የፍጡራንን ፍላጎት ማስቀ