Аль Имран сүрәсе Аять 35 - Уку, Тыңла, Тәрҗемә, Татарча : Ґимран хатыны Хөннәнең Раббысына ялварганын хәтерләгез, ул әйтте: "Ий Раббым,…

Аль Имран · 35/200

Тәрҗемә Транслитерация — Аль Имран сүрәсе

إِذْ قَالَتِ امْرَأَتُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي ۖ إِنَّكَ أَنتَ السَّمِيعُ الْعَلِيمُ ۝٣٥

🔤 Transliteration

Iz qaalatim ra atu `Imraana Rabbi innee nazartu laka maa fee batnee muharraran fataqabbal minnee innaka Antas Samee`ul `Aleem

📖 Тәрҗемә (Татарча)

📖 Татарча

Ґимран хатыны Хөннәнең Раббысына ялварганын хәтерләгез, ул әйтте: "Ий Раббым, карнымдагы баланы үз хезмәтемнән азат итеп Синең юлыңа тапшырырга нәзер әйттем. Йә Рабби сораганымны кабул итеп теләгемә ирештер! Син минем сүземне ишетүче һәм теләгемне белүчесең". (Ґимран һәм хатыны картлыкка ирешкәннәр ләкин балалары булмаган. Хөннә бер көнне агач күләгәсендә утырганда бер кошның балаларын ашатканын күреп минем дә балам булсачы, дип зарланды. Йә Рабби, миңа бер бала бирсәң, ул баланы мәсҗид Әкъсага дин хезмәтенә куяр идем, дип нәзер әйтте. Аллаһ теләген кабул итте, Хөннә Мәрьямгә йөкле булды.)

🌐 Additional reference in Русский

📖 Ayah 📜 Tafsir 📚 Al-Waseet 🔤 Ayah (I'rab)

🎧 Тыңла

📜

Тәрҗемә — Tafsir

Сүзләрнең мәгънәләре:

نَذَرْتُ – мин үземә йөкләдем, үз ихтыярым белән бурыч итеп алдым.
مُحَرَّرًا – ирекле, дөнья эшләреннән азат ителгән, Аллаһуга гыйбадәт кылу өчен аерып куелган.
فَتَقَبَّلْ – кабул ит, үзеңнән рәхмәтле булып ал.

Аять тәфсире:

Бу аятьтә Аллаһы Тәгалә пәйгамбәребез Мөхәммәдкә (с.г.в.) элекке заманнарда булган хәлне искә төшерергә күрсәтә. Имранның хатыны – Мәрьям анасы, йөкле вакытында Раббысына дога кылып әйтте: "И Раббым! Мин үз карынымдагы баланы Синең хакыңа азат ителгән итеп – Бәйтүл-Мәкъдис хезмәтенә багышланган хезмәтче итеп бирүне үземә йөкләдем. Бу бала дөнья эшләре белән шөгыльләнмичә, бары тик Синең йортыңа хезмәт итәргә, Синең гыйбадәтеңә багышланырга тиеш. Шуңа күрә бу корбанны миннән кабул ит. Синең минем догамны ишетүеңә һәм минем ниятемнең ихласлыгын белүеңә ышанам – Син ишетүче һәм белүчесең!"

Имран хатыны малай көткән иде, чөнки ул вакытта Бәйтүл-Мәкъдис хезмәтенә бары тик ир балаларны гына билгелиләр иде. Ул үзенең баласын дөнья мәшәкатьләреннән азат итеп, Аллаһуга гыйбадәт кылу өчен тулысынча багышларга ниятләде. Бу аның ихласлыгын һәм Аллаһуга булган тирән мәхәббәтен күрсәтә.

Гыйбрәтләр:

Әти-әниләрнең балалары өчен дога кылулары – зур бәрәкәт чыганагы. Имран хатынының догасы нәтиҗәсендә Мәрьям кебек бөек хатын-кыз дөньяга килде.
Баланы тәрбияләүдә иң мөһим максат – аны Аллаһуга хезмәт итүче, дин өчен файдалы кеше итеп үстерү. Бу – ата-аналарның иң олы бурычы.
Дога кылганда ихласлык һәм Аллаһуның ишетүенә, белүенә ышаныч – доганың кабул булуының төп шарты. Имран хатыны "Син ишетүче һәм белүчесең" дип, Аллаһының сыйфатларын танып, аңа ышаныч белән дога кылды.
Аллаһ юлына багышланган гамәлләр һәрвакыт югары бәяләнә. Кеше үзенең иң кадерле нәрсәсен Аллаһ юлына бирсә, Аллаһы Тәгалә аның урынына иң яхшысын бирәчәк.

📜 Аять 33-37 — Аль Имран сүрәсе

33۞ إِنَّ اللَّهَ اصْطَفَىٰ آدَمَ وَنُوحًا وَآلَ إِبْرَاهِيمَ وَآلَ عِمْرَانَ عَلَى الْعَالَمِينَ

Дөреслектә Аллаһу тәгалә – Адәм, Нух, Ибраһим пәйгамбәрләрне, Ибраһим нәселеннән килгән пәйгамбәрләрне һәм Ґимран гаиләсеннән Мәрьямне вә Мәрьям угълы Гыйсаны бөтен дөнья кешеләреннән өстен итеп сайлады, беек дәрәҗәләргә күтәрде.

34ذُرِّيَّةً بَعْضُهَا مِن بَعْضٍ ۗ وَاللَّهُ سَمِيعٌ عَلِيمٌ

Бу пәйгамбәрләр бер-берсеннән туа килмеш бер нәселләрдер. Аллаһ һәрнәрсәне ишетүче вә белүче.

35إِذْ قَالَتِ امْرَأَتُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي ۖ إِنَّكَ أَنتَ السَّمِيعُ الْعَلِيمُ

36فَلَمَّا وَضَعَتْهَا قَالَتْ رَبِّ إِنِّي وَضَعْتُهَا أُنثَىٰ وَاللَّهُ أَعْلَمُ بِمَا وَضَعَتْ وَلَيْسَ الذَّكَرُ كَالْأُنثَىٰ ۖ وَإِنِّي سَمَّيْتُهَا مَرْيَمَ وَإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ

Хөннә Мәрьямне тудыргач: "Ий Раббым, кыз бала тудырдым, ир бала булса дин хезмәтенә яхшы булыр иде", – диде. Аллаһ белүчерәктер, нинди бала тудырганыңны. Хөннә әйтте: "Ир бала, әлбәттә, кыз бала кеби түгел, аның исемен Мәрьям куштым, бу баланы вә аннан туачак балаларны рәхмәтеңнән сөрелгән шайтан шәреннән Синең саклавыңа тапшырдым". Марьямнең анасы Хөннә, Зәкәрья пәйгамбәрнең хатыны белән бертуган иделәр.

37فَتَقَبَّلَهَا رَبُّهَا بِقَبُولٍ حَسَنٍ وَأَنبَتَهَا نَبَاتًا حَسَنًا وَكَفَّلَهَا زَكَرِيَّا ۖ كُلَّمَا دَخَلَ عَلَيْهَا زَكَرِيَّا الْمِحْرَابَ وَجَدَ عِندَهَا رِزْقًا ۖ قَالَ يَا مَرْيَمُ أَنَّىٰ لَكِ هَٰذَا ۖ قَالَتْ هُوَ مِنْ عِندِ اللَّهِ ۖ إِنَّ اللَّهَ يَرْزُقُ مَن يَشَاءُ بِغَيْرِ حِسَابٍ

Мәрьямне Раббысы мәсҗид Әкъсага күркәм кабул итү белән кабул итте һәм яхшы тәрбия белән тәрбияләде, һәм тәрбияләп үстермәк өчен Зәкәръя пәйгамбәргә тапшырды. "Хөннә Мәрьямне тудыргач, мәсҗид Әкъсага алып барып, андагы намаз укучыларга: "Бу бала Аллаһ юлына нәзер әйтелгән, кабул итеп алыгыз", – диде. Мәсҗид әһелләре баланы кабул итеп алдылар һәм тәрбияләп үстерү хакында һәрбере, мин алам, дип, үзара бәхәсләштеләр. Бу бәхәсне бетерү өчен Аллаһудан юл күрсәтелде: "Барчагыз да каләмнәрегезне суга салыгыз, кемнең каләме суга батмаса, Мәрьямне шул кеше алыр". Әйтелгәнчә эш кылдылар, Зәкәръяның каләме суга батмады, Мәрьям аңа тапшырылды. Зәкәръя мәсҗид эчендә бер урын хәзерләп Мәрьямне шунда тәрбия кылды. Мәрьям зекер, гыйбадәт белән мәшгул булды. Зәкәръя Мәрьям янына кайчан гына керсә дә, алдында төрле җимешләр һәм башка ризыкларны күрер иде. Бер кергәнендә: "Ий Мәрьям, бу ризыклар сиңа кайдан килә", – дип сорады. Мәрьям әйтте: "Бу ризыклар Аллаһ хозурыннан килә, Аллаһ, әлбәттә, үзе теләгән бәндәсен хисапсыз ризыкландыра".

← Аять 34 📖 Аль Имран Аять 36 →

Аль ИмранКоръән исемлеге

200Аять

MedinanRevelation

35Аять

Тәрҗемә — Аль Имран 35

Аль Имран сүрәсе Аять 35 - Уку, Тыңла, Тәрҗемә, Татарча : Ґимран хатыны Хөннәнең Раббысына ялварганын хәтерләгез, ул әйтте: "Ий Раббым,…

Сүрәсе Аять 35/200 — Аль Имран сүрәсе آل عمران (Medinan). Уку Тыңла Тәрҗемә (Татарча). Тыңла: Аль Имран сүрәсе Тыңла, Аль Имран сүрәсе Тәрҗемә, Аль Имран сүрәсе mp3, Аль Имран сүрәсе pdf. Аять 33–37. Татарча: Русский.

📚 Изге Коръән 🎧 Тыңла mp3 ⬇ mp3