စူရာ အာလ်-အိမရာန် — အာယာသ် 96

၁။ ကမ္ဘာ့ပထမဆုံးသော ဝတ်ပြုရာနေရာ

အနက်အဓိပ္ပာယ် ရှင်းလင်းချက်

• ဗိုင်သ် (بَيْت) — အိမ်၊ ဝတ်ပြုရာနေရာ၊ ဗလီဝတ်ကျောင်းတော်။
• ဝုဒိအာ (وُضِعَ) — ချမှတ်ခဲ့သည်၊ တည်ဆောက်ခဲ့သည်၊ သတ်မှတ်ခဲ့သည်။
• ဗက္ကာ (بَكَّة) — မက္ကာမြို့၏ အခြားအမည်တစ်မျိုး။
• မုဗာရက် (مُبَارَكًا) — ကောင်းချီးမင်္ဂလာများ ပြည့်စုံသော၊ ကောင်းကျိုးများစွာ ရှိသော။
• ဟုဒန် (هُدًى) — လမ်းညွှန်မှု၊ လမ်းမှန်သို့ ညွှန်ပြခြင်း။
• အာလမ်မီန် (لِلْعَالَمِينَ) — လောကီသားအားလုံးအတွက်၊ လူသားအားလုံးအတွက်။

အာယသ်၏ အဓိပ္ပာယ်ဖွင့်ဆိုချက်

အလ္လာဟ်အရှင်မြတ်သည် ဤအာယသ်တော်တွင် လူသားအားလုံးအတွက် ဝတ်ပြုကိုးကွယ်ရန် ကမ္ဘာပေါ်တွင် ပထမဆုံး တည်ဆောက်ခဲ့သော အိမ်တော်သည် မက္ကာမြို့တွင် ရှိသော ကာအ်ဗာဟ် (ကမ္ဘာ့မွတ်စ်လင်မ်တို့၏ ကိဗ်လာ) ပင်ဖြစ်ကြောင်း မိန့်တော်မူခဲ့သည်။ ဤအိမ်တော်သည် ကောင်းချီးမင်္ဂလာများ ပြည့်စုံသော နေရာဖြစ်ပြီး၊ ဒုန်ယာ (လောကီ) နှင့် အာခိရသ် (တမလွန်) နှစ်ဌာနစလုံးအတွက် အကျိုးကျေးဇူးများစွာ ရရှိစေသော နေရာလည်း ဖြစ်သည်။ ထို့အပြင် ဤအိမ်တော်သည် လူသားအားလုံးအတွက် လမ်းညွှန်မှု ဖြစ်သည်။ အဘယ်ကြောင့်ဆိုသော် မွတ်စ်လင်မ်တို့သည် ဆွလာသ်ဝတ်ပြုသည့်အခါ ထိုအိမ်တော်ဘက်သို့ မျက်နှာမူကြရသည်။ ဟဂျ်ျနှင့် အွမ်ရာ ပြုလုပ်ရန် ထိုအိမ်တော်သို့ သွားရောက်ကြရသည်။ ဤအရာများသည် လူသားတို့အတွက် လမ်းမှန်သို့ ညွှန်ပြသော လမ်းညွှန်မှုများ ဖြစ်ကြသည်။

ဤအာယသ်တော် ကျရောက်ရခြင်း၏ အကြောင်းရင်းမှာ ယဟူဒီများက မွတ်စ်လင်မ်တို့အား "ဗိုင်သုလ်မက္ကဒစ် (ဂျေရုဆလင်ရှိ အိမ်တော်) သည် ကျွန်ုပ်တို့၏ ကိဗ်လာ ဖြစ်သည်။ ၎င်းသည် ကာအ်ဗာဟ်ထက် ပိုမိုမြင့်မြတ်ပြီး ပိုမိုရှေးကျသည်" ဟု ပြောဆိုခဲ့ကြသောကြောင့် ဖြစ်သည်။ ထိုအခါ အလ္လာဟ်အရှင်မြတ်သည် ဤအာယသ်တော်ကို ချမှတ်တော်မူခဲ့ပြီး မက္ကာမြို့ရှိ ကာအ်ဗာဟ်သည် ပထမဆုံးသော ဝတ်ပြုရာနေရာ ဖြစ်ကြောင်း ရှင်းလင်းစွာ မိန့်တော်မူခဲ့သည်။

ဤအာယသ်တော်မှ ရရှိသော အကျိုးကျေးဇူးများ

၁။ အစ္စလာမ်သာသနာ၏ ရှေးကျမှုကို သိရှိခြင်း — ကာအ်ဗာဟ်သည် လူသားအားလုံးအတွက် ပထမဆုံး တည