Suuratu An-Nisa — Aaya 32

Ma'anaaji kelme ɗe ɗaɗi faamugo:

• Tataɗee (لَا تَتَمَنَّوْا): Wataa on himo himmi (himme) ko woni e dow maɓɓe.
• Faddaade (فَضَّلَ): Ɓurnude goɗɗo e goɗɗo e nder barka e arsike.
• Nasiiba (نَصِيبٌ): Hujja (geɓal) potngal.
• Kasbu (اكْتَسَبُوا): Ko ɓe golli e moƴƴere e bone.
• Fadlu (فَضْلِهِ): Ɓural Makko e kokkugol Makko.

Fassara aaya:

Onon yimɓe gomɗimɓe, wataa on himmi ko Alla ɓurniri woɗɓe e mon e dow woɗɓe, e nder arsike, e ganndal, e teddungal, e ko nanndi e ɗuum; ko fii ɗuum no nawrata e ɓernde caɗeele e nawla (hasad). Alla waɗanii worɓe geɓal potngal e nder njoɓdi ko ɓe golli, waɗanii kadi rewɓe geɓal potngal e nder ko ɓe golli; kala gooto heɓay njoɓdi golle makko, alaa ɓeydagol e alaa ustaagol. Ndeen ɗaɓɓiree Alla e nder Ɓural Makko e kokkugol Makko, wataa on himmi ko woni e juuɗe yimɓe; ko fii Alla ko O annduɗo kala huunde, O anndi ko moƴƴani jeyaaɗo Makko e ko O hokka mo, O hokka kala gooto ko poti mo e ganndal Makko timmungal.

Faayidah e waajuuji ɗi min heɓata e aaya ɗoo:

1. Aaya ɗoo no jannginirɗe gomɗimɓe yo ɓe ndarna ɓernde maɓɓe e ko Alla senndi, ɓe wataa himmi ko woni e juuɗe woɗɓe, ko fii himmugol ɗuum no uddita damal nawla (hasad) e ɓernde, tawde nawla ko bonannde mawnde.
2. No hollirta wonde kala neɗɗo—gorko maa debbo—heɓay njoɓdi golle makko e Alla, alaa ko ronki mo e njoɓdi makko, ɗuum no hoolnisirta gomɗimɓe e peewal Alla e ñaawoore Makko.
3. No jannginirta gomɗimɓe yo ɓe ɗaɓɓire Alla e nder Ɓural Makko, hara ɓe njiɗaali ko woni e juuɗe yimɓe; ko fii ɗaɓɓitugol Alla ko ɓuri moƴƴude e himmugol ko yimɓe njogii.
4. No hollirta timmugol ganndal Alla, ko O annduɗo kala huunde, O anndi ko moƴƴani kala jeyaaɗo Makko e ko O hokka mo, ɗuum no tiiɗnirta gomɗimɓe e yarlitaare e ko Alla senndi, ɓe ndarna ɓernde maɓɓe e Makko.