Surah Al-Mujadilah — Aya 12

Ma’anonin Kalmomi:

• تُنَاجُوْا : ku yi asirce da magana (musuɗa) da Manzon Allah (s.a.w.).
• فَقَدِّمُوا بَيْنَ يَدَيْ نَجْوَاكُمْ : ku gabatar da sadaka kafin ku yi maganar asirce.
• وَأَطْهَرُ : mafi tsabta ga zukatanku daga ƙazantar zunubai da son rai.

Tafsirin Ayar:

Ya ku waɗanda suka yi imani da Allah da Manzonsa kuma suka aikata aikin sa! Idan kuna son ku yi wa Manzon Allah (s.a.w.) magana ta asirce (musuɗa) tsakaninku da shi, to ku gabatar da sadaka ga matalauta kafin wannan magana. Wannan gabatar da sadaka alheri ne a gare ku a duniya da lahira, saboda yana kara muku lada da kuma tsarkake zukatanku daga ƙazanta da zunubai. Amma idan ba ku sami abin da za ku bayar da sadaka ba, to babu laifi a kanku, domin Allah Mai gafara ne ga bayinsa muminai, kuma Mai jin ƙai ne a gare su, bai ɗora muku nauyi fiye da ƙarfin ku ba.

Fa’idojin Ayar:

1. Wannan ayar tana nuna girman darajar Manzon Allah (s.a.w.) da kuma ladabtar da muminai su girmama shi, ta yadda suke ba da sadaka kafin su yi masa magana ta sirri.
2. Tana koya mana cewa sadaka tana tsarkake zukata da kuma share zunubai, kuma ita ce hanyar kusantar Allah.
3. Tana nuna sauƙin addinin Musulunci, domin Allah bai ɗora wa bayinsa abin da ba su iya ba, kuma yana gafarta musu idan ba su sami damar ba.
4. Tana ƙarfafa muminai su riƙa yin sadaka a duk lokacin da suka sami dama, domin ita ce mafi alheri a gare su.