ﭑﭒﭓ
(නබිවරය!) කුමක් පිළිබඳව ද ඔවුන් තමන් අතර විමසා සිටිනුයේ.
ﭔﭕﭖﭗ
මහඟු වූ ආරංචිය පිළිබඳව ය.
ﭘﭙﭚﭛﭜ
එය ඔවුන් භේද බින්න වී සිටි දෑය.
ﭝﭞﭟ
නොඑසේය. ඔවුහු මතු දැන ගනු ඇත.
ﭠﭡﭢﭣ
යළි නොඑසේය. ඔවුහු මතු දැන ගනු ඇත.
ﭤﭥﭦﭧﭨ
අපි මහපොළොව තොටිල්ලක් ලෙස පත් නොකළෙමු ද?
ﭩﭪﭫ
තවද කඳු, කූඤ්ඤ ලෙස ද (පත් නොකළෙමු ද?)
ﭬﭭﭮ
තවද අපි නුඹලා ව (ස්ත්රී පුරුෂ ලෙස) යුගල වශයෙන් මැව්වෙමු.
ﭯﭰﭱﭲ
තවද අපි නුඹලාගේ නින්ද විවේකයක් බවට පත් කළෙමු.
ﭳﭴﭵﭶ
තවද අපි රාත්රිය ආවරණයක් බවට පත් කළෙමු.
ﭷﭸﭹﭺ
තවද අපි දහවල ජීවනෝපාය (සලසා ගන්නක්) බවට පත් කළෙමු.
ﭻﭼﭽﭾﭿ
තවද අපි නුඹලාට ඉහළින් ශක්තිමත් (අහස්) හතක් ඉදි කළෙමු.
ﮀﮁﮂﮃ
තවද අපි දීප්තියෙන් දැල්වෙන පහනක් බවට (සූර්යයා) පත් කළෙමු.
ﮄﮅﮆﮇﮈﮉ
තවද අපි මේඝ වලාවන්ගෙන් (වැසි) ජලය අධික ලෙස පහළ කළෙමු.
ﮊﮋﮌﮍﮎ
එමගින් ධාන්ය (වර්ග) හා වෘක්ෂලතා ද හට ගනු පිණිස.
ﮏﮐﮑ
තුරු පතරින් ගහන (සරුසාර) උයන් ද (හට ගනු පිණිස.)
ﮒﮓﮔﮕﮖﮗ
නියත වශයෙන්ම තීරණාත්මක දිනයට (අදාළ) කාලය නියම වී ඇත.
ﮘﮙﮚﮛﮜﮝﮞ
සූර් (හොරණෑව) පිඹිනු ලබන දිනයේ දී නුඹලා කණ්ඩායම් වශයෙන් පැමිණෙනු ඇත.
ﮟﮠﮡﮢﮣ
තවද අහස විවෘත කරනු ලැබ එය දොරටු බවට පත් වනු ඇත.
ﮤﮥﮦﮧﮨ
කඳු (තිබූ තැන් වලින්) විතැන් කරනු ලැබ එය මිරිඟුවක් වනු ඇත.
ﮩﮪﮫﮬﮭ
නියත වශයෙන්ම නිරය රැක බලා සිටින ස්ථානයක් විය.
ﮮﮯﮰ
(එය) සීමාව ඉක්මවා යන්නවුන් සඳහා නවාතැනක් වශයෙනි.
ﮱﯓﯔﯕ
එහි ඔවුහු යුග ගණනාවක්ම වෙසෙන්නන් වෙති.
ﯖﯗﯘﯙﯚﯛﯜ
ඔවුහු එහි සිසිල හෝ පානය හෝ රස නොවිඳිති.
ﯝﯞﯟﯠ
නමුත් නටන උණු දිය සහ සැරව මිස.
ﯡﯢﯣ
එය සුදුසු ප්රතිඵලයක් වශයෙනි.
ﯤﯥﯦﯧﯨﯩ
නියත වශයෙන්ම ඔවුහු විනිශ්චය අපේක්ෂා නොකරමින් සිටියෝය.
ﯪﯫﯬﯭ
තවද ඔවුහු අපගේ වදන් දැඩි ලෙස බොරු යැයි පවසමින් ප්රතික්ෂේප කළෝය.
ﯮﯯﯰﯱﯲ
තවද අපි සෑම දෙයක්ම ලිඛිත ව ලේඛණයෙහි සටහන් කර ඇත්තෙමු.
ﯳﯴﯵﯶﯷﯸ
“එබැවින් නුඹලා රස විඳිනු. එවිට කිසිවිටෙක දඬුවම මිස අන් කිසිවක් අපි නුඹලාට වැඩි නොකරන්නෙමු.”
ﭑﭒﭓﭔ
නියත වශයෙන්ම බිය බැතිමතුන්ට ජයග්රහණය ඇත.
ﭘﭙﭚ
තවද පියයුරු නෙරා ගිය සම වයසේ කන්යාවන් ද (සිටිති).
ﭛﭜﭝ
(පානවලින්) පිරුණු කුසලාන ද (ඇත.)
ﭞﭟﭠﭡﭢﭣﭤ
නිෂ්ඵල කතා බහක් හෝ (ඔවුනොවුන් අතර) කිසිදු බොරු කිරීමක් හෝ එහි ඔවුහු ශ්රවණය නොකරති.
ﭥﭦﭧﭨﭩﭪ
(එය) නුඹගේ පරමාධිපතිගෙන් වූ නිර්ණය කරන ලද දායාදයක ප්රතිඵලයකි.
ﭫﭬﭭﭮﭯﭰﭱﭲﭳﭴﭵﭶ
(එය) අහස්හි ද මහපොළොවෙහි ද ඒ දෙක අතර පවතින දෑහි ද පරමාධිපතියාණන් වන අපරිමිත දයාන්විතයාණන්ගෙනි. (ඔහු ඉදිරියේ) කතා කිරීමට ඔවුනට බලය නොමැත.
ﭷﭸﭹﭺﭻﭼﭽﭾﭿﮀﮁﮂﮃﮄﮅﮆ
එදින රූහ් (ජිබ්රීල්) හා මලක් (දේවදූත)වරුන් පෙළ ගැසී නැගිට සිටිති. අපරිමිත දයාන්විතයා අනුමැතිය දුන් කෙනෙකු හා සත්ය දෑ කතා කරන්නෙකු මිස (අන් කිසිවෙක්) කතා නොකරයි.
ﮇﮈﮉﮊﮋﮌﮍﮎﮏﮐﮑ
මෙයමය සත්යය වූ දිනය. එබැවින් යමෙක් අභිමත කරන්නේද ඔහු තම පරමාධිපති වෙත ආපසු යන මාර්ගය තෝරා ගනිත්වා!
ﮒﮓﮔﮕﮖﮗﮘﮙﮚﮛﮜﮝﮞﮟﮠﮡ
නියත වශයෙන්ම සමීපයෙන් පවතින දඬුවම පිළිබඳ ව අපි නුඹලාට අවවාද කළෙමු. එදින මිනිසා තම දෙඅත් ඉදිරිපත් කළ දෑ දැක ගනී. තවද ප්රතික්ෂේප කරන්නා, “අහෝ මා පස් බවට පත් විය යුතු නොවෙම් දැ”යි පවසයි.
