سورت آل عمران — آیت 130

ای مومنانو! چې پر الله او د هغه پر رسول ایمان لرئ او د هغه پر شریعت عمل كوئ، د ربا (سود) له ټولو ډولونو ډډه وكړئ، او په قرض كې د خپل اصل مال (رأس المال) نه زیات مه اخلئ، كه څه هم لږ وي. نو څنګه به حال وي كله چې دا زیاتوالی په هر ځل د قرض د مودې په رارسېدو سره دوه چنده كېږي، لكه څنګه چې د جاهلیت خلوكو كول، چې كله به د قرض موده پوره شوه نو به یې ویل: یا خو خپل مال راكړه او یا به سود زیات كړو، او په دې توګه به یې پر هغوی باندې بار درونداوه.

او تاسو د الله تعالیٰ وېره وكړئ، یعنې د هغه په امرونو عمل وكړئ او له هغه څه نه ځان وساتئ چې هغه حرام كړي دي، په ځانګړې توګه د ربا له خوړلو ډډه وكړئ، ځكه چې الله تعالیٰ ربایي مال له بركت نه خالي كوي. دا تقوا د دې لپاره غوره كړئ چې تاسو په دنیا او آخرت كې بریالي شئ، یعنې په دنیا كې له نېكو كارونو او په آخرت كې له جنت او د الله له رضایت نه برخمن شئ.

په یاد ولرئ چې ربا یوه لویه ګناه ده او الله تعالیٰ پرې سخت وعید كړی دی، نو مسلمان باید له دې نه په بشپړه توګه ځان وساتي، ځكه چې الله تعالیٰ د هغو خلكو لپاره چې له ربا څخه ډډه كوي او په خپلو مالي چارو كې د الله د احكامو پیروي كوي، ډېرې لویې نعمتونه او بركتونه چمتو كړي دي. نو تاسو د الله په تقوا سره د هغه د رحمت او فضل هیلهمن اوسئ، ځكه چې بریالیتوب یوازې د هغه چا لپاره دی چې له الله نه وېرېږي او د هغه په لارښوونو عمل كوي.