စူရာ အလ်-မုရ်စလာ့ — အာယာသ် 34

1. စကားလုံးအဓိပ္ပာယ်ရှင်းလင်းချက်

• وَيْلٌ (ဝိုင်လုန်) — ပျက်စီးခြင်း၊ အလွန်ပြင်းထန်သော ပြစ်ဒဏ်နှင့် ဆုံးရှုံးမှု။
• يَوْمَئِذٍ (ယောင်မာအိဇင်) — ထိုနေ့တွင်၊ ဆိုလိုသည်မှာ ကိယာမသ်နေ့။
• لِّلْمُكَذِّبِينَ (လိလ်မုကဇ်ဇိဗီးန) — ငြင်းပယ်သူများအတွက်၊ အလ္လာဟ်အရှင်မြတ်၏ သတိပေးချက်များနှင့် ပြစ်ဒဏ်များကို မဟုတ်မမှန်ဟု ငြင်းဆိုသူများအတွက်။

1. အာယသ်တော်၏ အဓိပ္ပာယ်ဖွင့်ဆိုချက်

ထို ကိယာမသ်နေ့တွင် အလ္လာဟ်အရှင်မြတ်၏ သတိပေးချက်များကို မဟုတ်မမှန်ဟု ငြင်းပယ်ခဲ့ကြသော သူများအတွက် ပျက်စီးခြင်း၊ ပြင်းထန်သော ပြစ်ဒဏ်နှင့် ကြီးမားသော ဆုံးရှုံးမှုသည် ဧကန်အမှန်ရှိပေမည်။ သူတို့သည် လောကီဘဝတွင် သတိပေးခံရသော်လည်း ဂရုမစိုက်ဘဲ ငြင်းပယ်ခဲ့ကြသည်။ ထို့ကြောင့် ထိုနေ့တွင် သူတို့သည် မိမိတို့၏ လုပ်ရပ်များ၏ အကျိုးဆက်ကို မလွှဲမရှောင်သာ ခံစားကြရမည်ဖြစ်သည်။

1. ဤအာယသ်တော်မှ ရရှိသော အကျိုးကျေးဇူးများနှင့် သင်ခန်းစာများ

• အလ္လာဟ်အရှင်မြတ်သည် ဖြောင့်မတ်သော စီရင်ချက်ကို ချမှတ်တော်မူသော အရှင်ဖြစ်ကြောင်း သိရှိစေသည်။
• သတိပေးချက်များကို ငြင်းပယ်ခြင်းသည် ကြီးမားသော ဆုံးရှုံးမှုကို ဖြစ်စေကြောင်း သတိပေးသည်။
• ကိယာမသ်နေ့ကို ယုံကြည်ခြင်းသည် လူတစ်ဦးကို ကောင်းသောလုပ်ရပ်များ ပြုလုပ်ရန် လှုံ့ဆော်ပေးသည်။
• အလ္လာဟ်အရှင်မြတ်သည် ခွင့်လွှတ်တော်မူသော အရှင်ဖြစ်သောကြောင့် လူတစ်ဦးသည် မိမိ၏ အမှားများကို ဝန်ခံပြီး အရှင်မြတ်ထံ ပြန်လည်လှည့်လာပါက ခွင့်လွှတ်ခြင်းကို ရရှိနိုင်သည်။
• ဤအာယသ်တော်သည် အစ္စလာမ်သာသနာနှင့် ကုရ်အာန်ကျမ်းတော်မြတ်ကို လူသားတို့အား ချစ်မြတ်နိုးလာစေရန် သတိပေးချက်တစ်ရပ်ဖြစ်သည်။ အကြောင်းမှာ အရှင်မြတ်သည် လူသားတို့အား ပျက်စီးခြင်းမှ ကယ်တင်ရန် သတိပေးတော်မူခြင်းသည် အရှင်မြတ်၏ ကြီးမားသော ကရုဏာတော်၏ လက္ခဏာတစ်ရပ်ဖြစ်သည်။