Suuratu 'Abasa — Aaya 21

1. Maanaaji kelme ɗe ngoni ɗe poti faamnireede:

• "أَمَاتَهُ": O wari mo, O waɗi mo maayɗo.
• "أَقْبَرَهُ": O waɗani mo yenaande (heɗo) nde o wirnee e mayre.

1. Firo aaye nden:

Alla seniiɗo O waɗi neɗɗo ummoraade e ndiyam seeɗa, O fotondiri mo e mbaadiiji keewɗi, O holli mo laawol moƴƴol e laawol bonngol. Caggal ɗuum, nde dumunna mo O halfini mo ngu timmi, O wari mo, O waɗani mo yenaande nde o wirnee e mayre, nden yenaande woni nokkuure nde o wonata haa ñalnde O umminta mo kadi ngam haasboo e njoɓdi. Ɗum fof ko hollirde yurmeende e semmbe Alla, e wonde neɗɗo ko O tagi mo, O toppitii mo, O wari mo, O wirni mo, nden O wuurtinoyta mo. Kono heeferɓe ɓen njaɓataa ɗum, ɓe ngoowaa e goonga.

1. Nafaaji ɗi aaye nden jannginta:

• Aaye nden no hollira wonde Alla ko Kanko woni joom semmbe e nguurndam e maayde, tawde ko Kanko wari neɗɗo, Kanko kadi waɗani mo yenaande.
• Nde no waajna neɗɗo yo o miijoo ko fayi makko, o heblo hoore makko ngam ñalnde maayde nden nde ɓooyataa.
• Nde no kollira wonde wirneede e nder leydi ko nokkuure nde Alla suɓani neɗɗo, ɗum noon ko teddungal e yurmeende wonande ɓanndu neɗɗo.
• Nde no renndina ɓerɗe juulɓe e faamde wonde nguurndam aduna ko kooɗal, tawi ko laakara woni nguurndam goongam.
• Nde no newna ɓerɗe gomɗimɓe ɓen tawde Alla toppitiiɗo ɓanndu maɓɓe haa e nder yenaande, ko ɗum hollirde wonde O yejjittaa ɓe, O wuurtinoyta ɓe kadi.