Sura Al-Fil — Aya 3

Maana ya maneno:

• طَيْرًا أَبَابِيلَ: ndege waliofika kwa makundi makundi yanayofuatana, wakiwa wengi na waliotawanyika.

Tafsiri ya Aya:

Mwenyezi Mungu Alimtuma dhidi yao ndege waliofika kwa makundi makundi yanayofuatana, wakiwa wengi na waliotawanyika. Kila ndege alikuwa na mawe matatu ya udongo uliokuwa umekauka: mawe mawili mikononi mwake na jive moja mdomoni mwake. Walikuwa wakiwarushia mawe hayo, na kila jiwe lililowagusa lilimuangamiza. Hivyo ndivyo Mwenyezi Mungu Alivyowaangamiza jeshi la Abraha na askari wake kwa njia isiyo ya kawaida, kuonesha uweza Wake na kuwalinda wenyeji wa Al-Kaaba.

Faida zinazopatikana katika aya hii:

1. Uweza wa Mwenyezi Mungu hauna mipaka; Anawaangamiza maadui kwa njia zisizotarajiwa, hata kwa viumbe vidogo kama ndege.
2. Mwenyezi Mungu humlinda mtu Anayemtaka kulinda, hata kama adui ana nguvu nyingi na silaha nzito.
3. Aya hii inaimarisha imani ya muumini kwamba ushindi hautokani na wingi wa watu au silaha, bali kwa msaada wa Mwenyezi Mungu.
4. Inafundisha kwamba Al-Kaaba ni nyumba takatifu iliyolindwa na Mwenyezi Mungu, na kwamba Yeye ndiye Mlinzi wa dini Yake.
5. Inathibitisha kwamba historia ya Waarabu na Waislamu ina miujiza inayoonesha ukuu wa Mwenyezi Mungu, na hilo linapaswa kuwa somo kwa waja wote.