اسراء سۈرىسى — ئايەت 18

بۇ ئايەتتە ئاللاھ تائالا دۇنياپەرەس كىشىلەرنىڭ ئاقىۋىتىنى بايان قىلىدۇ.

سۆزلەرنىڭ مەنىسى:

• ئەلئاجىلە (الْعَاجِلَةَ): دۇنيا ھاياتى، يەنى تېز ئۆتۈپ كېتىدىغان، ۋاقىتلىق ھايات.
• ئەججالنا (عَجَّلْنَا): بىز تېز بەردۇق، ئالدىراپ بەردۇق.
• ياسلاھا (يَصْلَاهَا): ئۇنىڭغا كىرىدۇ، ئۇنىڭ ئازابىنى تارتىدۇ.
• مەزئۇمەن (مَذْمُومًا): ئەيىبلەنگەن، مالامەت قىلىنغان ھالدا.
• مەدھۇرەن (مَدْحُورًا): قوغۇنغان، ئاللاھنىڭ رەھمىتىدىن يىراق قىلىنغان ھالدا.

ئايەتنىڭ تەپسىرى:

كىمكى پەقەت دۇنيا ھاياتىنىلا كۆزلىسە، ئۇنىڭ بارلىق ئارزۇسى، تىرىشچانلىقى ۋە ئەمەللىرى دۇنياغىلا قارىتىلغان بولسا، ئاخىرەتكە ئىشەنمىسە ۋە ئاخىرەت ئۈچۈن ئەمەل قىلمىسا، ئاللاھ تائالا ئۇنىڭغا دۇنيادا ئۆزى خالىغان ۋە ئىرادە قىلغان نەرسىلەرنى، يەنى بېيىش، كەمبەغەللىك قاتارلىق ئەھۋاللارنى ئۆز ھېكمىتىگە ئاساسەن تېز بېرىدۇ. ئەمما بۇ ئۇنىڭ خالىغىنىچە ئەمەس، بەلكى ئاللاھنىڭ ئىرادىسى ۋە ھېكمىتى بويىچە بولىدۇ. ھەر بىر ئارزۇ قىلغۇچى ئۆز ئارزۇسىغا يېتەلمەيدۇ، ھەر بىر كىشى ئۆزى خالىغان ھەممە نەرسىگە ئېرىشەلمەيدۇ.

ئاندىن ئاللاھ تائالا ئۇنىڭغا ئاخىرەتتە جەھەننەمنى تەييارلايدۇ، ئۇ ئۇنىڭغا كىرىپ ئازابىنى تارتىدۇ. ئۇ ئەيىبلەنگەن ھالدا، يەنى دۇنيانى ئاخىرەتتىن ئارتۇق كۆرگەنلىكى ۋە ئاخىرەتكە ئىشەنمىگەنلىكى ئۈچۈن مالامەت قىلىنغان ھالدا، ھەمدە ئاللاھنىڭ رەھمىتىدىن قوغۇنغان ھالدا جەھەننەمگە كىرىدۇ.

بۇ ئايەت بىزگە شۇنى ئەسكەرتىدۇكى، پەقەت دۇنيا ھاياتىنىلا نىشان قىلىش ۋە ئاخىرەتنى ئۇنتۇش ئەڭ ئېغىر زىيانغا ئېلىپ بارىدۇ. ئەمما ئاللاھقا ۋە ئاخىرەت كۈنىگە ئىشىنىپ، دۇنيا ۋە ئاخىرەت ئۈچۈن تەڭ ئەمەل قىلغان كىشىلەر ھەقىقىي بەخت-سائادەتكە ئېرىشىدۇ. ئاللاھ تائالا بىزنى دۇنياپەرەسلىكتىن ساقلىسۇن ۋە ئاخىرەت ئۈچۈن ئەمەل قىلغۇچىلاردىن قىلسۇن.