ሱረቱ አል-በቀራ — አንቀጽ 85

የቃላት ማብራሪያ፦

• ተቋተሉ አንፉሰኩም፦ አንዳችሁ ሌላውን መግደል ማለት ነው።
• ተዛሀሩነ፦ ትተባበራላችሁ፣ ትረዳዳላችሁ ማለት ነው።
• ቢል-ኢስሚ ወል-ዑድዋን፦ በኃጢአትና በግፍ ማለት ነው።
• ኡሳራ፦ የ«አሲር» (እስረኛ) ብዙ ቁጥር ነው።
• ቱፋዱሁም፦ በካሳ ልውውጥ ነፃ ታወጣላችሁ ማለት ነው።
• ሕዝይ፦ ውርደት፣ ነውርና ስድብ ማለት ነው።

የአንቀጹ ትርጉም፦

ከዚያም እናንተ የእስራኤል ልጆች የገባችሁትን ቃል ኪዳን ሁሉ ረሳችሁ፤ አንዳችሁ ሌላውን ትገድላላችሁ፤ አንዳችሁ ሌላውን ከቀያቸው ታባርራላችሁ፤ በዚህም ጊዜ ጠላቶቻችሁን በመተባበር በኃጢአትና በግፍ ትረዳዳላችሁ። ነገር ግን ከእናንተ የሆኑ ሰዎች በጠላት እጅ ተማርከው ቢመጡ በካሳ እየከፈላችሁ ነፃ ታወጣላችሁ፤ ሆኖም እነሱን ከቀያቸው ማባረር በሃይማኖታችሁ ላይ የተከለከለ ነው። እንዴት የመጽሐፉን ከፊሉን ታምናላችሁ፣ ከፊሉን ደግሞ ትክዳላችሁ? ከእናንተ ይህን የሚሠራ ሰው በቅርቢቱ ሕይወት ከውርደትና ከነውር ሌላ ምንም ዋጋ የለውም፤ በትንሣኤ ቀንም ወደ እጅግ በጣም ከባድ ወደሆነው ቅጣት ይመለሳል። አላህም እናንተ ከምትሠሩት ነገር ዘንጊ አይደለም።

ከአንቀጹ የምናገኛቸው ትምህርቶች፦

• እስልምና የሰውን ክብር፣ ደምና ሀብት በእጅጉ ያከብራል፤ ወንድማማችነትንና አንድነትንም ያጠናክራል።
• ሃይማኖትን በከፊል መቀበልና በከፊል መካድ ከባድ ጥፋት ነው፤ እውነተኛ እምነት ሁሉንም የአላ