Sura Al-Qasas — Aya 20

Maana ya maneno:

• Al-Mala'u: Wakuu na waheshimiwa wa watu wa Firauni.
• Ya'tamiruna bika: Wanashauriana kuhusu jambo lako, yaani wanapanga na kula njama dhidi yako.
• Fakhruj: Toka nje ya mji huu.
• An-Nasihina: Wanao kushauri kwa wema na wanao kutakia kheri.

Ufafanuzi wa Aya:

Baada ya habari za kuuwawa kwa Mwisraeli kufikia kwa Firauni na wakuu wake, Firauni alituma askari wake kumkamata Musa (a.s.) na kumuua. Mwenyezi Mungu alimtuma mtu mmoja mwaminifu kutoka mwisho wa mji wa Manf, akikimbia kwa haraka na kuchukua njia fupi ili kumfikia Musa kabla ya askari. Alipomfikia Musa alimwambia: "Ewe Musa! Hakika wakuu wa watu wa Firauni wanashauriana kuhusu jambo lako, wanapanga kukuua. Kwa hiyo toka nje ya mji huu usiku huu, kwani mimi ni miongoni mwa wakushauri kwa wema na wanao kutakia kheri." Mtu huyu alikuwa mwaminifu kwa Musa, akamshauri kwa huruma na wema, akamuonya juu ya hatari iliyomkabili, na akamwomba atoke kabla ya kuwasili kwa wauaji.

Faida Zinazotokana na Aya hii:

1. Wema na ushauri mwema ni sifa ya Waumini; mwamini humsaidia ndugu yake hata kama ni hatari kwake.
2. Kujihadhari na maadui na kuchukua hatua za kujikinga ni jambo linalostahili, na si kinyume na tawakkali (kumtegemea Mwenyezi Mungu).
3. Mwenyezi Mungu humlinda mtumishi wake kwa njia zisizotarajiwa; alimtuma mtu huyu mwaminifu kumwokoa Musa.
4. Kukubali ushauri mwema ni miongoni mwa mambo yaliyopendwa na Mwenyezi Mungu, na Musa (a.s.) alikubali ushauri huo na kutoka mjini.
5. Muislamu anapaswa kuwa tayari kumsaidia ndugu yake kwa maneno na vitendo, hasa wakati wa hatari na shida.