စူရာ အာလ်-အိမရာန် — အာယာသ် 184

1. အာယသ်တော်တွင် ရှင်းလင်းရန် လိုအပ်သော ဝေါဟာရများ၏ အဓိပ္ပာယ်များ:

• الْبَيِّنَاتِ (အလ်-ဗိုင်ယိနာသ်): ထင်ရှားလှသော အထောက်အထားများ၊ တန်ခိုးအံ့ဖွယ်များ။
• الزُّبُرِ (အဇ်-ဇုဗုရ်): ဇဗူရ်ကျမ်းများ၊ ဆုံးမဩဝါဒများ ပါဝင်သော ကျမ်းစာများ။ (ဇဗူရ် ဟူသော စကားလုံး၏ ဗဟုဝုစ်ပုံစံ)
• الْكِتَابِ الْمُنِيرِ (အလ်-ကိသာဗိလ် မုနီရ်): ထွန်းလင်းတောက်ပ၍ လမ်းညွှန်ပေးသော ကျမ်းတော်။

1. အာယသ်တော်၏ အဓိပ္ပာယ်ဖွင့်ဆိုချက်:

အို-တမန်တော်မုဟမ္မဒ် (ဆွ)၊ အကယ်၍ ဤလူမျိုးတို့သည် သင့်အား မဟုတ်မမှန်ဟု စွပ်စွဲငြင်းပယ်ကြပါက စိတ်မပျက်ပါနှင့်။ အကြောင်းမှာ သင့်အလျင် ရှိခဲ့သော တမန်တော်များစွာကိုလည်း သူတို့၏ လူမျိုးများက ထို့အတူ ငြင်းပယ်ခဲ့ကြပြီး ဖြစ်သည်။ ထိုတမန်တော်များသည် မိမိတို့၏ လူမျိုးများထံသို့ ထင်ရှားလှသော အထောက်အထားများ၊ တန်ခိုးအံ့ဖွယ်များနှင့်အတူ လာရောက်ခဲ့ကြသည်။ ထို့အပြင် ဆုံးမဩဝါဒများနှင့် နှလုံးသားကို နူးညံ့စေသော အဆုံးအမများ ပါဝင်သည့် ကျမ်းစာများ၊ လမ်းမှန်ကို ထွန်းလင်းပြသ၍ အမိန့်တော်များနှင့် ရှရီအသ်ဥပဒေများ ပါဝင်သော ကျမ်းတော်များကိုလည်း ယူဆောင်လာခဲ့ကြသည်။ သို့ပါလျက် သူတို့သည် ငြင်းပယ်ခြင်းကို ခံခဲ့ကြရသည်။ ထို့ကြောင့် သင့်အား ငြင်းပယ်ခြင်းသည် အသစ်အဆန်း မဟုတ်ပေ။

1. ဤအာယသ်တော်မှ ရရှိနိုင်သော အကျိုးကျေးဇူးများနှင့် အစ္စလာမ်နှင့် ကုရ်အာန်ကို ချစ်မြတ်နိုးလာစေမည့် သင်ခန်းစာများ:

• တမန်တော်များနှင့် ဒါဝါဟ်လုပ်သူများသည် ငြင်းပယ်ခြင်းနှင့် နှောင့်ယှက်ခြင်းများကို ရင်ဆိုင်ရမည်ဖြစ်သော်လည်း စိတ်ဓာတ်မကျဘဲ ဇွဲလုံ့လဖြင့် ရှေ့ဆက်သွားရမည်ဖြစ်သည်။
• ရှေးတမန်တော်များ၏ အတွေ့အကြုံများသည် နောက်လာမည့်သူများအတွက် နှစ်သိမ့်မှုနှင့် ခွန်အားဖြစ်စေသည်။
• အလ္လာဟ်အရှင်မြတ်သည် မိမိ၏တမန်တော်များကို ထင်ရှားသော အထောက်အထားများ၊ ကျမ်းစာများဖြင့် အားဖြည့်ပေးခဲ့သည်ကို သိရှိရခြင်းသည် ကုရ်အာန်၏ မြင့်မြတ်မှုကို ပိုမိုနားလည်စေသည်။
• ကုရ်အာန်သည် ထွန်းလင်းတောက်ပသော ကျမ်းတော်ဖြစ်ပြီး လူသားတို့အား အမှောင်ထုမှ အလင်းသို့ ပို့ဆောင်ပေးသော လမ်းညွှ