சூரா அத்-துகான் — வசனம் 59

சொற்பொருள்:

• فَارْتَقِبْ – (நபியே!) நீர் எதிர்பார்த்திருப்பீராக.
• مُرْتَقِبُونَ – அவர்களும் எதிர்பார்த்துக் கொண்டிருக்கின்றனர்.

விளக்கம்:

(நபியே!) நீர் உம் இறைவன் உமக்கு அளித்த வாக்குறுதியை எதிர்பார்ப்பீராக – அதாவது, இணைவைப்பாளர்கள் மீது உமக்கு வெற்றியளிப்பதையும், அவர்களுக்கு வேதனை வருவதையும் எதிர்பார்ப்பீராக. நிச்சயமாக அவர்களும் உமது மரணத்தையும், உம்மை வீழ்த்துவதையும் எதிர்பார்த்துக் கொண்டிருக்கின்றனர். ஆனால் உண்மையான முடிவு யாருக்கு சாதகமாக அமையும் என்பதை அவர்கள் விரைவில் அறிந்து கொள்வார்கள். வெற்றியும், மேன்மையும் இம்மையிலும் மறுமையிலும் உமக்கும், உம்மைப் பின்பற்றும் இறைநம்பிக்கையாளர்களுக்குமே கிட்டும். அவர்களின் எதிர்பார்ப்பு வீணாகிவிடும்; உமது எதிர்பார்ப்பு நிறைவேறும்.

பயன்கள்:

• இறைவன் தன் தூதர்களுக்கு உதவி செய்வதாக வாக்களித்துள்ளான்; அந்த வாக்குறுதி உறுதியானது. எனவே நம்பிக்கையுடன் பொறுமையாக இருக்க வேண்டும்.
• எதிரிகள் நமக்கு தீங்கு நேரிடும் என்று எதிர்பார்ப்பது அவர்களின் மாயை; உண்மையான வெற்றி இறைநம்பிக்கையாளர்களுக்கே உண்டு.
• சோதனைகளின் போது பொறுமையும், இறைவனின் உதவியை எதிர்பார்ப்பதும் நம்பிக்கையாளரின் பண்பாகும்.
• முடிவான வெற்றி இறைவனின் பக்கம் இருப்பவர்களுக்கே; இது ஒவ்வொரு முஸ்லிமுக்கும் ஆறுதலும் ஊக்கமும் அளிக்கிறது.