Sura Al-An'am — Aya 2

Maana za maneno:

• "Min tini": Kwa udongo (kwa maana ya asili ya mwanadamu wa kwanza, Adam).
• "Qada ajalan": Ameamua na kuweka muda maalum (kifo).
• "Ajalun musamman 'indahu": Muda uliowekwa wazi unaojulikana kwake tu (siku ya kiyama).
• "Tamtaruna": Mnatia shaka.

Tafsiri ya Aya:

Yeye (Mwenyezi Mungu) ndiye aliye kuumbeni kutokana na udongo, kwa kuwa alimuumba baba yenu Adam kwa udongo, nanyi ni kizazi chake. Kisha akaweka muda wa kukaa kwenu duniani hadi kufikia kifo, na akaweka muda mwingine maalum unaojulikana kwake tu, ambao ni ule wa kufufuliwa baada ya kifo (siku ya kiyama). Hata hivyo, baada ya dalili hizi zote wazi, nyinyi mna shaka juu ya uweza wa Mwenyezi Mungu wa kufufua wafu.

Faida za Aya:

1. Kuthibitisha uweza wa Mwenyezi Mungu katika kuumba, kwani kuumba kwa udongo kunadhihirisha hekima na uweza wake usio na mfano.
2. Kukumbusha kwamba maisha ya duniani ni ya muda mfupi, na kwamba kuna maisha mengine ya baadaye yenye muda maalum usiojulikana ila kwa Mwenyezi Mungu, jambo linalomfanya muumini ajitayarishe kwa ajili ya siku hiyo.
3. Kulaumu wale wanao shaka juu ya ufufuo baada ya kifo, huku wakiwa na dalili za uweza wa Mwenyezi Mungu katika uumbaji wao wenyewe, jambo linaloimarisha imani ya mwenye akili timamu.
4. Kuwatia moyo waumini kuwa na yakini juu ya ahadi ya Mwenyezi Mungu, na kuwafanya wapambane na shaka kwa kufikiria katika uumbaji wao na uweza wa Muumba wao.