سورت حاقه — آیت 50

د معاني کلمو:

• لَحَسْرَةٌ: لویه پښیماني، ارمان او غم.

د آیت تفسیر:

او بېشكه دا قرآن د كافرانو لپاره لویه پښیماني او ارمان دی. ځكه چې دوی په دې قرآن كې كفر وكړ او له هغه څخه يې مخ واړاوه، په داسې حال كې چې د هغه حقانیت او روښانتیا ښكاره وه. خو كله چې د قیامت ورځ راشي او كافران د هغو مسلمانانو نعمتونه او خوشحالي وویني چې پر دې قرآن يې ایمان راوړی و، او په ورته وخت كې خپل عذاب او سزا وویني، نو هلته به د دوی پښیماني او ارمان ډېر لوی وي. دوی به په دې پوه شي چې كه دوی ایمان راوړی وای، نو د دوی برخلیك به هم د مسلمانانو په څېر خوشحاله و، خو اوس بيا د دوی لپاره هیڅ ګټه نه لري. دا قرآن حق او ثابت دی، په هغه كې هېڅ شك نشته، او د هغه په اړه كفر كول د كافرانو لپاره تر ټولو لوی تاوان او زیان دی.

فايدې:

• دا آیت مونږ ته د قرآن د قدر او ارزښت ښیي، چې دا هغه كتاب دی چې د هغه په منلو سره انسان له لویې پښیمانۍ او ارمان څخه ژغورل كېږي.
• مونږ ته دا خبره را زده كوي چې ایمان راوړل او د قرآن پیروي كول د انسان لپاره تر ټولو لویه بریا ده، او كفر او مخالفت يې تر ټولو لوی تاوان.
• دا آیت مونږ ته د قیامت د ورځې یادونه كوي، چې هلته به هر څوك د خپلو كړنو پایله ویني، نو ښه ده چې په دې دنیا كې له قرآن او اسلام سره مینه وكړو او د هغه پر لار روان شو، تر څو په آخرت كې له پښیمانۍ او ارمان څخه خوندي واوسو.