سوڕەتی ئینفیتار — ئایه‌ت 8

واتە هەندێک وشە هەیە پێویستی بە ڕوونکردنەوە نییە، بەڵام بۆ تێگەیشتنی زیاتر:

ڕەكـَّبَكَ: واتە لە شێوەیەکی تایبەتدا دروستی کردووە و پێکهێنراوە.

تەفسیری ئایەتەکە:

ئەی مرۆڤە ئینکاری ڕۆژی دوایی! چی وا لە تۆ دەکات کە خۆت بە خاوەن دەسەڵات و بێپەروا بزانیت لە بەرامبەر پەروەردگارە بەخشندەکەت؟ ئەو پەروەردگارەی کە زۆر بەخشندە و چاکە، شایستەی سوپاسگوزاری و گوێڕایەڵییە. ئایا ئەو خوایەی کە تۆی دروستکردووە و شێوەی تۆی ڕێکخستووە و لە هەموو لایەنێکەوە تۆی ڕێک و پێک کردووە؟ ئەو زاتەی کە تۆی لە هەر شێوەیەکدا کە ویستیویەتی دروستکردووە.

ئەی مرۆڤ! سەیر بکە و بیربکەرەوە لەو ناز و نیعمەتەی خوا لەسەر تۆی ناوە. ئەو بە ویست و دەسەڵاتی خۆی تۆی لە شێوەیەکی جوان و ڕێک و پێکدا دروستکردووە، نەک وەک ئاژەڵ و گیانلەبەرانی تر. ئەگەر بیویستایە، دەیتخستە شێوەی گوێدرێژ یان مەیموون یان سەگ یان هەر گیانلەبەرێکی تر، بەڵام بە ڕەحم و بەزەیی خۆی، تۆی لە جوانترین و باشترین شێوەدا دروستکردووە.

ئەی مرۆڤی بەڕێز! ئایا شایستە نییە ئەو خوایەی کە بەم شێوە جوانە دروستی کردوویت، بپەرستیت و سوپاسی بکەیت؟ ئەو خوایەی کە تۆی لە شێوەیەکی جوان و ڕێک و پێکدا دروستکردووە، لە کاتێکدا دەیتوانی لە شێوەیەکی ناشرین و خراپدا دروستت بکات. کەواتە بە سوپاسگوزاری و گوێڕایەڵی و بەندایەتی، وەڵامی ئەم هەموو نیعمەتە بدەرەوە.