စူရာ အလ်-အန်ဘီယာ — အာယာသ် 79

၁။ အာယသ်တော်တွင် ရှင်းလင်းရန် လိုအပ်သော ဝေါဟာရများ

• فَفَهَّمْنَاهَا (ဖဖဟ်ဟမ်နာဟာ) — ထိုအမှုကိစ္စကို နားလည်သဘောပေါက်စေခဲ့သည်။
• سُلَيْمَانَ (စုလိုင်မာန်) — တမန်တော် ဒါဝူဒ်၏ သားတော်၊ အလ္လာဟ်အရှင်မြတ်၏ နဗီတမန်တော်တစ်ပါး။
• حُكْمًا (ဟုက်မ်) — ဉာဏ်ပညာ၊ အမှန်တရားကို ဆုံးဖြတ်နိုင်သော အသိပညာ။
• عِلْمًا (အိလ်မ်) — အသိပညာ၊ ဗဟုသုတ။
• سَخَّرْنَا (ဆခ္ခရ်နာ) — အရှင်မြတ်က အလိုတော်အတိုင်း လိုက်နာဆောင်ရွက်စေရန် နိုင်နင်းစေခဲ့သည်။
• يُسَبِّحْنَ (ယုစဗ်ဗိဟ်န) — တစ်စဗီးဟ် ပြုကြသည်၊ အလ္လာဟ်အရှင်မြတ်ကို ချီးမွမ်းကြသည်။

၂။ အာယသ်တော်၏ အဓိပ္ပာယ် ရှင်းလင်းချက်

တမန်တော် ဒါဝူဒ်၏ လက်ထက်တွင် သိုးအုပ်ပိုင်ရှင်တစ်ဦးနှင့် လယ်ယာပိုင်ရှင်တစ်ဦးအကြား အမှုတစ်ခု ဖြစ်ပွားခဲ့သည်။ သိုးအုပ်သည် လယ်ကွင်းထဲသို့ ဝင်ရောက်ပြီး စိုက်ပျိုးထားသော သီးနှံများကို ဖျက်ဆီးခဲ့သည်။ ထိုအမှုကို ဆုံးဖြတ်ရာတွင် အလ္လာဟ်အရှင်မြတ်သည် တမန်တော် စုလိုင်မာန်အား အကောင်းဆုံးသော အဖြေကို နားလည်သဘောပေါက်စေတော်မူခဲ့သည်။ သူ၏ ဆုံးဖြတ်ချက်မှာ နှစ်ဖက်စလုံးအတွက် တရားမျှတမှုရှိပြီး အကျိုးအမြတ်လည်း ရရှိစေသော ဆုံးဖြတ်ချက် ဖြစ်သည်။ သိုးအုပ်ကို လယ်ပိုင်ရှင်ထံ ယာယီပေးအပ်ပြီး သိုး၏ နို့၊ သိုးမွှေးနှင့် သားပေါက်များမှ ရရှိသော အကျိုးအမြတ်ဖြင့် ပျက်စီးသွားသော သီးနှံများ၏ တန်ဖိုးကို ပြန်လည်ဖြည့်ဆည်းစေသည်။ ထို့နောက် လယ်ကွင်းကို ပြန်လည်ပြုပြင်ပြီး မူလအခြေအနေသို့ ရောက်သောအခါ မူလပိုင်ရှင်များထံ ပြန်လည်အပ်နှင်းသည်။ ဤနည်းဖြင့် နှစ်ဦးစလုံး တရားမျှတမှုကို ရရှိကြသည်။

ထို့နောက် အလ္လာဟ်အရှင်မြတ်သည် တမန်တော် ဒါဝူဒ်နှင့် တမန်တော် စုလိုင်မာန် နှစ်ပါးစလုံးအား ဉာဏ်ပညာနှင့် အသိပညာကို ပေးအပ်တော်မူခဲ့သည်။ တမန်တော် စုလိုင်မာန်သာမက တမန်တော် ဒါဝူဒ်လည်း နဗီတမန်တော်အဖြစ် ခန့်အပ်ခြင်းခံရပြီး ရှရီအသ် ဥပဒေသတ်မှတ်ချက်များကို နားလည်သော အသိပညာကို ရရှိခဲ့သည်။

ထို့အပြင် အလ္လာဟ်အရှင်မြတ်သည် တမန်တော် ဒါဝူဒ်နှင့်အတူ တောင်များနှင့် ငှက်များကို အရှင်မြတ်ကို ချီးမွမ်းတစ်စဗီးဟ် ပြုစေရ